ادامزاتتىڭ تاعدىرلاس ورتاق تۇلعاسىن زەرتتەۋ ورتالىعىنىڭ ماڭدايشالىق اشۋ سالتى بەيجيڭدە وتكىزىلدى

شينحۋا اگەنتتىگى، 1 - ايدىڭ 2 - كۇنى، بەيجيڭ (ءتىلشى يۋان رۇي). ادامزاتتىڭ تاعدىرلاس ورتاق تۇلعاسىن زەرتتەۋ ورتالىعىنىڭ ماڭدايشالىق اشۋ سالتى 1 - ايدىڭ 2 - كۇنى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ۋاڭ ي زەرتتەۋ ورتالىعىنىڭ ماڭدايشالىعىن اشتى ءارى ارناۋ ءسوز سويلەدى.

ۋاڭ ي زەرتتەۋ ورتالىعىنىڭ سىرتقى ىستەر شۋەيۋانىندا قۇرىلعانىن قۇتتىقتاپ، مىنالاردى ءبىلدىردى: ادامزاتتىڭ تاعدىرلاس ورتاق تۇلعاسىن قۇرۋ _ باس شۋجي شي جينپيڭ العا قويعان كەلەلى ءتول جاسامپازدىق يدەيا، شي جينپيڭ ديپلوماتيا يدەياسىنىڭ وزەكتى ۇستانىمى، ”قانداي دۇنيە ءجۇزىن قۇرۋ، دۇنيە ءجۇزىن قالاي قۇرۋ كەرەك“ دەيتىن داۋىرلىك تاقىرىپقا بەرىلگەن جۇڭگو جاۋابى، باعالى نازاريالىق قۇنعا، كەلەلى داۋىرلىك مانگە جانە تەرەڭ دۇنيە جۇزىلىك ىقپالعا يە.

ۋاڭ ي بىلاي دەدى: ادامزاتتىڭ تاعدىرلاس ورتاق تۇلعاسى ۇستانىمى جۇڭگو كوممۋنيستىك پارتياسىنىڭ اۋەلگى ماقساتى مەن بورىشىن ايگىلەپ، جۇڭحۋا مادەنيەتىنىڭ تاڭداۋلى ءداستۇرىن ساۋلەلەندىرىپ، عىلمي نازاريانىڭ يدەيالىق ۇلى كۇشىن ايگىلەپ، عاسىرلىق وزگەرىس سىندى جۇڭگو قۋاتتاماسىن بايىمدادى. قازىر نەشە ونداعان مەملەكەت پەن رايون جۇڭگومەن بىرگە تۇرلىشە فورماداعى تاعدىرلاس ورتاق تۇلعا قۇردى. ادامزاتتىڭ تاعدىرلاس ورتاق تۇلعاسىن قۇرۋ بىرلەسكەن مەملەكەتتەر ۇيىمىنىڭ قاۋلىسىنا جانە كوپ جاقتى قۇجاتتارىنا كوپ رەت جازىلىپ، ادامزات قوعامىنىڭ الىپ كەمەسىنىڭ بەيبىتشىلىك، حاۋىپسىزدىك، گۇلدەنۋ، العا باسۋ سىندى نۇرلى بولاشاققا بەت الۋىن ىلگەرىلەتتى.

ۋاڭ ي بىلاي دەپ باسا دارىپتەدى: باس شۋجي شي جينپيڭ بىلاي دەپ اتاپ كورسەتتى: ادامزاتتىڭ تاعدىرلاس ورتاق تۇلعاسىن قۇرۋ _ تاماشا نىسانا، سونداي - اق ۇرپاقتان - ۇرپاققا جالعاپ جۇگىرگەندە عانا جۇزەگە اساتىن نىسانا. جاڭا ءداۋىردىڭ جاڭا جورىعىندا ادامزاتتىڭ تاعدىرلاس ورتاق تۇلعاسىن زەرتتەۋ ورتالىعىن ويداعىداي قۇرىپ، شي جينپيڭ ديپلوماتيال يدەياسىن زەرتتەۋ، ءتۇسىندىرۋ، ۇگىتتەۋ، تانىستىرۋ داڭقتى مىندەتىن ويداعىداي اتقارۋ كەرەك.

زەرتتەۋ ورتالىعىن سىرتقى ىستەر شۋەيۋانى قۇرادى، مۇنداعى ماقسات ادامزاتتىڭ تاعدىرلاس ورتاق تۇلعاسىنا قاتىستى عىلمي زەرتتەۋدى، اقىل - كەڭەس بەرۋدى، ۇگىتتەۋدى، تانىستىرۋدى جانە دارىندىلاردى تاربيەلەۋدى تەرەڭدەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى نازاريا، ساياسات، ءسوز جانە دارىندىلار جاعىنان قولداپ، جۇڭگوشا ءىرى ەلدىك ديپلوماتياعا اناعۇرلىم ويداعىداي قىزمەت وتەۋ.

كەلۋ قاينارى: حالىق تورابى