”ءارقانداي قىزمەتتى يگەرۋدە، بۇقاراعا ءارقانداي ءىس ىستەپ بەرۋدە شىندىقتى ءىس جۇزىنەن ىزدەۋ كەرەك“ (باس شۋجيدىڭ حالىققا ىنتا - ىقىلاسى)

2024 - جىلى 12 - ايدا باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى اشقان دەموكراتيالىق تۇرمىس جيىنىندا بىلاي دەپ باسا دارىپتەدى: ”ءار دارەجەلى باسشى كادرلار نەگىزگى ساتىعا ىشكەرىلەي بارىپ، بۇقارامەن ىشكەرىلەي ارالاسىپ، تەكسەرۋ - زەرتتەۋدى كۇشەيتىپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن ايقىنداپ، نەگىزگى ساتىداعى دەرەۋ شەشۋدى كۇتىپ تۇرعان كورنەكتى ماسەلەلەردى ايقىنداپ، باعىتتامالى تۇردە اقىلداسىپ شەشۋى كەرەك“.

”قازىرگى رەفورما جەتىستىكتەرى مەن ماڭىزدى تاجىريبەلەردەن ويداعىداي پايدالانىپ، يدەيانى ازات ەتىپ، شىندىقتى ءىس جۇزىنەن ىزدەپ، داۋىرمەن بىرگە العا باسىپ، شىندىققا جۇگىنىپ ناقتى ءىس ىستەپ، ءار جاقتىڭ بەلسەندىلىگىن تولىق جۇمىلدىرىپ، رەفورما مىندەتتەرىن ۇيىمداستىرىپ اتقارۋدى بار كۇشپەن ويداعىداي يگەرۋ كەرەك“. باس شۋجي شي جينپيڭ 2024 - جىلى 8 - ايدىڭ 29 - كۇنى ورتالىق رەفورمانى جاپپاي تەرەڭدەتۋ كوميتەتىنىڭ 6 - رەتكى ماجىلىسىندە ىلاي دەپ باسا دارىپتەدى.

2024 - جىلى 4 - ايدا باس شۋجي شي جينپيڭ چۇڭچيڭدە قىزمەت تەكسەرگەن كەزدە، ”قالپاقشا قامىر“ مەن ”جىڭىشكە كەسپەنى“ تەڭەپ، كومىر سياقتى ەنەرگيا كاسىبىنىڭ دامۋىن بايىمدادى: ”الدىمەن قارىندى تويعىزۋ، ونان سوڭ جاقسى جەۋ كەرەك. ءبىز شىندىقتى ءىس جۇزىنەن ىزدەۋىمىز كەرەك، جاسىل، تومەن كومىرتەكتى دامۋ اياق الىسىن باياۋلاتۋعا دا، تىم مىنسىزدەندىرۋگە دە بولمايدى، الدىمەن ەنەرگيامەن قامداۋعا كەپىلدىك ەتۋىمىز كەرەك“.

”الدىمەن قارىندى تويعىزۋ، ونان سوڭ جاقسى جەۋ كەرەك“، مۇندا بارلىعىندا ءىس جۇزىندىكتى شىعار ءتۇيىن ەتۋ، شىندىقتى ءىس جۇزىنەن ىزدەۋ سىندى ءادىس قامتىلىپ جاتىر.

شىندىقتى ءىس جۇزىنەن ىزدەۋ − ماركسيزمنىڭ جاۋھارى، بارلىق ىستە ءىس جۇزىندىكتى شىعار ءتۇيىن ەتۋگە تاباندى بولۋ − ءبىزدىڭ ماسەلەگە وي جۇگىرتۋىمىزدىڭ، شەشىم جاساۋىمىزدىڭ، ءىس تىندىرۋىمىزدىڭ شىعار ءتۇيىنى جانە تابان تىرەر تياناعى. 2024 - جىلى 3 - ايدا باس شۋجي شي جينپيڭ حۋناندا قىزمەت تەكسەرگەن كەزدە: ”ءارقانداي قىزمەتتى يگەرۋدە، بۇقاراعا ءارقانداي ءىس ىستەپ بەرۋدە شىندىقتى ءىس جۇزىنەن ىزدەۋ كەرەك“ دەپ باسا دارىپتەدى.

شىندىقتى ءىس جۇزىنەن ىزدەۋگە تاباندى بولۋدىڭ نەگىزى − ”ناقتى ءىستى“ ايقىنداۋ.

تەكسەرۋ - زەرتتەۋ ارقىلى ناقتى جاعدايدى يگەرۋ، كۇرمەۋدى يگەرۋ، ماسەلەنى شەشۋ − باس شۋجي شي جينپيڭنىڭ دايەكتى قىزمەت ءتاسىلى.

جەرگىلىكتى ورىندا قىزمەت ىستەگەن نەگىزگى ساتىنى كەڭ كولەمدە، ىشكەرىلەي ارالاپ، نەگىزگى ساتىنى قانىق بىلگەن شي جينپيڭ جولداس ناقتى جاعدايدى يگەرىپ، ”ناقتى ءىستى“ ءتۇسىندى.

پارتيانىڭ 18 - قۇرىلتايىنان بەرى باس شۋجي شي جينپيڭ چاڭجياڭ وزەنىنىڭ وڭتۇستىگى مەن سولتۇستىگىن ارالاپ، تەكسەرۋ - زەرتتەۋ ارقىلى جول اشىپ، ماسەلەلەردى بايقاپ، مەملەكەت جاعدايىن تانىپ، زاڭدىلىق قاراستىرىپ، ەل باسقارىپ، بيلىك جۇرگىزۋ نازارياسى مەن امالياتىن ۇزدىكسىز بايىتتى، دامىتتى، سونداي - اق بۇكىل پارتيانىڭ تەكسەرۋ - زەرتتەۋگە ءمان بەرىپ، ىشكەرىلەي تەكسەرۋ - زەرتتەۋ جۇرگىزىپ، شەبەرلىكپەن تەكسەرۋ - زەرتتەۋ جۇرگىزۋىنە شۇعىلالى ۇلگى ورناتتى.

شىندىقتى ءىس جۇزىنەن ىزدەۋگە تاباندى بولۋدىڭ كىلتى ”شىندىققا جۇگىنۋدە“، بۇل زاتتاردىڭ دامۋ زاڭدىلىعىن زەرتتەۋ جانە يگەرۋ بولىپ تابىلادى.

بارلىق ىستە قاعيدامەن ىستەسە، نىسانا ىسكە ىسكە اسادى. شي جينپيڭ جولداس جەرگىلىكتى ورىندا قىزمەت ىستەگەن كەزدە: ”باسشىلىق ورەلى بولۋى كەرەك، ورە قايدان كەلەدى؟ ورە وبيەكتيۆتىك زاڭدىلىقتى تانۋدان جانە يگەرۋدەن كەلەدى، ال زاڭدىلىقتى نارسە قالىڭ بۇقارانىڭ امالياتىندا جاسىرىنىپ جاتادى“.

اۋىل - قىستاق كاسىپ سالاسىنىڭ گۇلدەنۋىن ىلگەرىلەتۋدە، ”ءبىر اۋدان ءبىر كاسىپ سالاسىنا عانا سۇيەنىپ دامي ما، جوق پا، ونى ىشكەرىلەي تەكسەرۋ - زەرتتەۋ كەرەك“؛ ”بىرگە بايۋدى ىلگەرىلەتۋ قاتىپ - سەمگەن نارسە ەمەس، ءبىر ءبولىم ادامداردى الدىمەن بايۋعا شابىتتاندىرۋ كەرەك“، ”الدىمەن اۋقاتتانعاندار سوڭىنان اۋقاتتانعانداردى جەتەكتەۋى كەرەك“... بۇقارادان الىپ، بۇقاراعا قايتارۋ زاڭدىلىقتى تانۋدان زاڭدىلىقتى قولدانۋعا بۇرىلىس جاساۋ بولىپ تابىلادى، مىنە، بۇل − باس شۋجي شي جينپيڭنىڭ جاڭا داۋىردە ەل باسقارۋدى ىلگەرىلەتۋگە باسشىلىق ەتۋىنىڭ جاندى امالياتى.

2024 - جىلى مەملەكەتتىك ەكى ءماجىلىس كەزىندە باس شۋجي شي جينپيڭ جاڭاشا وندىرگىش كۇشتەردى دامىتۋدىڭ ادىستەمەسىن تەرەڭ بايىمداپ، ”دۇرمەككە ىلەسۋدەن، جەلكەۋەكتەنۋدەن ساقتانۋ ءارى ءبىر تۇردەگى ۇلگىمەن عانا جۇرگىزبەۋ كەرەك. جەر - جەر ءىس جۇزىندىكتى شىعار ءتۇيىن ەتۋگە تاباندى بولىپ، الدىمەن قۇرىپ، ونان سوڭ كۇشىنەن قالدىرۋى، جەرگىلىكتى جاعدايعا قاراي ىستەپ، تۇرگە ءبولىپ جەتەكشىلىك ەتۋى كەرەك“ دەپ باسا دارىپتەدى.

جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ جەر - جەردىڭ ءوزىن بۇكىل مەملەكەتتىڭ جالپى جاعدايىنا قويىپ، دامۋ زاڭدىلىعىن يگەرىپ، وزىنە ۇيلەسەتىن دامۋ جولىن تابۋىنان دەرەك بەرەدى: عىلىم - تەحنيكا، وقۋ - اعارتۋ، جاڭالىق اشۋ بايلىعى مول جەرلەر نەگىزدىك زەرتتەۋ - اشۋ مەن وزەكتى تەحنيكا تىرەك بولعان جاڭادان گۇلدەنگەن كاسىپ سالالارىن، بولاشاقتاعى كاسىپ سالالارىن دامىتۋدى ماڭىزدى ءتۇيىن ەتىپ، ”0 دەن 1 گە دەيىنگى“ جاڭالىق اشۋ قابىلەتىن ونان ارى جوعارىلاتۋى؛ ءداستۇرلى كاسىپ سالاسى شوعىرلانعان جەرلەر نازاردى جوعارى، جاڭا تەحنيكانى ءداستۇرلى جاساۋ كاسىبىمەن ۇشتاستىرۋعا شوعىرلاندىرىپ، جاڭا تەحنيكا ارقىلى ءداستۇرلى كاسىپ سالاسىن جاڭالاپ، دەڭگەيىن ءوسىرىپ، كاسىپ سالاسىنىڭ جوعارى دەڭگەيگە كوتەرىلۋىن، زەردەلىلەنۋىن، جاسىلدانۋىن بەلسەنە جەبەۋى كەرەك... سىلبىرلىققا سالىنۋعا بولمايدى، اسىعىستىققا سالىنۋعا دا بولمايدى، دۇرىس كوزدەگەن ءىستى ۇزدىكسىز ىستەپ، تاباندىلىقپەن، ۇزاق ۋاقىت ۇلەس قوسۋ كەرەك.

”قانشالىق سورپا بولسا، سونشالىق نان شىلاۋ“، ”تاۋدى وتىنشىدان، سۋدى بالىقشىدان سۇراۋ“، ”ءبىر كىلتپەن ءبىر قۇلىپتى اشۋ“ كەرەك... باس شۋجي شي جينپيڭ بىلاي دەپ باسا دارىپتەدى: ”شىندىقتى ءىس جۇزىنەن ىزدەۋگە، شىندىققا جۇگىنىپ، ناقتى ءىس ىستەۋگە تاباندى بولىپ، ءىس جۇزىندىكتى شىعار ءتۇيىن ەتە وتىرىپ ىستەر مەن قىزمەتتەردى جوبالاپ، ورتاعا قويىلعان ءادىس - امالدىڭ، ساياساتتاردىڭ، جوبالاردىڭ ءىس جۇزىندىك جاعدايعا، وبيەكتيۆ زاڭدىلىققا، عىلمي رۋحقا ۇيلەسۋىنە مۇمكىندىك جاساپ، جاسامپازدىقپەن قىزمەت ىستەۋ ارقىلى پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى تياناقتاندىرۋ كەرەك“.

ءىس جۇزىندىكتى شىعار ءتۇيىن ەتۋگە، شىندىقتى ءىس جۇزىنەن ىزدەۋگە تاباندى بولۋ يدەيالىق ءادىس ماسەلەسى عانا ەمەس، پارتيالىلىقتىڭ كۇشتى بولۋ - بولماۋ ماسەلەسى دە سانالادى. ”دۇرمەككە ىلەسۋدەن“ قالاي ساقتانۋعا بولادى، نەنى ىستەۋ، نەنى ىستەمەۋگە قالاي تاباندى بولۋ كەرەك، جالپى جاعدايدى كوزدەۋ نەگىزىندە قايتكەندە جوعارى ساپالى دامۋدى جۇزەگە اسىرۋعا بولادى دەگەن ماسەلە ساياسي ناتيجە كوزقاراسىن سىننان وتكىزەدى.

باس شۋجي شي جينپيڭ: ”ۇلكەن ءىس تىندىرىپ، تەز العا باسۋ دەيتىن قىزبالىققا سالىنباۋ كەرەك، اتاپ ايتقاندا، زاڭدىلىق بويىنشا ىستەمەي بولمايدى، وڭاي ولجا تابۋعا، ناتيجە شىعارۋ ءۇشىن اسىعۋعا بولمايدى. مۇنداي ۇشقالاقتىق، قىزبالىق كوڭىلدى باسىپ، وسىزامانداندىرۋ قۇرىلىسىن تىڭعىلىقتى، بايىپتى جۇرگىزۋ كەرەك“ دەپ قاداعالاي تاپسىردى.

ساياسي ناتيجە كوزقاراسىنىڭ نەگىزى حالىقتا. قالىڭ پارتيا مۇشەلەرى، كادرلار حالىقتى شىن مانىندە كوڭىلدەگى ەڭ جوعارى ورىنعا قويىپ، حالىق ءۇشىن ءىس ىستەۋدى، حالىققا باقىت جاراتۋدى ەڭ ماڭىزدى ولشەم ەتكەندە عانا، ناقتى قىزمەت بارىسىندا ءىس جۇزىندىكتى تياناق ەتۋگە، عىلمي شەشىم جاساۋعا، ۇزاق بولاشاقتى كوزدە ۇستاۋعا، نەگىزدى بەكەمدەۋگە، ناقتى ىستەۋگە، ناقتى ونىمدىلىككە تالپىنۋعا تاباندى بولىپ، سول ارقىلى امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجە جاراتۋعا بولادى.

”ءبىزدىڭ وتكەندە قول جەتكىزگەن بارلىق تابىسىمىز شىندىقتى ءىس جۇزىنەن ىزدەۋ ارقىلى قولعا كەلگەن. بۇگىنگى تاڭدا ءبىز جۇڭگوشا سوتسياليزم ىستەرىن ۇزدىكسىز العا ىلگەرىلەتۋدەمىز، مۇندا تاعى دا شىندىقتى ءىس جۇزىنەن ىزدەۋگە سۇيەنۋىمىز كەرەك“. بۇل − پارتيانىڭ تابىستى تاجىريبەلەرىنە مۇراگەرلىك ەتكەندىك جانە ونى ساۋلەلەندىرگەندىك، بۇل − ۇلكەن پارتيا، ءىرى ەل كوسەمىنىڭ ستراتەگيالىق سەرگەكتىگى جانە ستراتەگيالىق ۇستامدىلىعى.

كەلۋ قاينارى: حالىق تورابى