ءبىر قادام دا ايالداماۋ، جارتى قادام دا جول بەرمەۋ كەرەك

”شىرىكتەسۋگە قارسى تۇرۋ كۇرەسىندە، ءسوز جوق، بۇلجىماۋ كەرەك، ءارقانداي ەكى ۇداي بولۋ، اۋىتقۋ، بوساڭسۋ، اياۋشىلىق ىستەۋ نەمەسە اياقسىز قالدىرۋ ءبارى اۋدارۋ سيپاتتى قاتەلىك تۋدىرادى“. 20 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە باس شۋجي شي جينپيڭ شىرىكتەسۋگە قارسى تۇرۋ كۇرەسىنىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن باتىلدىقپەن ويداعىداي جۇرگىزۋ جونىندە ايقىن تالاپ قويىپ، بىلاي دەپ باسا دارىپتەدى: ” شىرىكتەسۋگە قارسى تۇرۋدى ماڭگى جالعاستىراتىن توزىمدىلىكتى، تاباندىلىقتى باستان ـ اياق ساقتاپ، ستراتەگيالىق تاباندىلىق پەن تەگەۋرىندى كۇيدى ساقتاپ، ءبىر قادام دا ايالداماۋ، جارتى قادام دا جول بەرمەۋ كەرەك“.

جاڭا داۋىردەن بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارتيانى جاپپاي قاتاڭ باسقارۋدى جانە شىرىكتەسۋگە قارسى تۇرۋ كۇرەسىن ىلگەرىلەتۋ سەرپىنى بۇرىن بولىپ كورىلمەگەن دەڭگەيدە بولدى، ونىمدىلىگى كوپكە ءمالىم، ءبىراق زور ەڭبەك سىڭىرۋدەن الدەقايدا الشاق جاتىر، شىرىكتەسۋگە قارسى تۇرۋ كۇرەسىنىڭ جاعدايى ءالى دە قاتاڭ دا كۇردەلى، شىرىكتەسۋدىڭ ءوسىپ - ءوربيتىن ورتاسى مەن شارت - جاعدايىن الاستاۋ ءالى دە جاپالى دا اۋىر. تاياۋ جىلداردان بەرى تەكسەرىپ ءبىر جاقتى ەتىلگەن دەلولاردان قاراعاندا، شىرىكتەسۋدىڭ قالدىعى ءالى جويىلعان جوق، ارتقان مولشەر ءالى دە ۇزدىكسىز تۋىلۋدا. كۇشتى قىسىم استىندا دا كەيبىرەۋلەر ءالى دە ويىنا كەلگەنىن ىستەۋدە، بۇل شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالى ىلگەرىلەتۋدە ءالى دە سەرپىندى ونان ارى ارتتىرۋ كەرەكتىگىن تۇسىندىرەدى. تەك تۇبەگەيلى وزىندىك توڭكەرىس رۋحىمەن شىرىكتەسۋگە قارسى تۇرۋ كۇرەسىن سوڭىنا دەيىن جۇرگىزىپ، ۇستىنەن وڭاۋ مەن تۇبىرىنەن وڭاۋدى ۇشتاستىرۋعا، جۇيەلى جونگە سالۋعا تاباندى بولعاندا عانا، وڭاي - وسپاق قولعا كەلمەگەن جەڭىس جەتىستىكتەرىن تۇبىرىنەن بەكەمدەپ، پارمەندى سەس قالىپتاستىرىپ، شىرىكتەسۋدىڭ ءوسىپ - ونەتىن ورتاسى مەن شارت - جاعدايىن ۇزدىكسىز الاستاۋعا بولادى.

ءبىر قادام دا ايالداماۋ، جارتى قادام دا جول بەرمەۋ ءارى باتىل پوزيتسيا ۇستانىپ، ءارى شىنايى ارەكەت جاساپ، شىرىكتەسۋگە قارسى تۇرۋ كۇرەسىنىڭ كۇش سالۋ ءتۇيىنى مەن قامال الۋ ءتۇيىنىن ءداپ باسىپ تاۋىپ، ارتۋ مولشەرىن تەجەۋ، قالدىعىن الاستاۋ جاعىندا شىنايى ەرەجە جاساپ، ناقتى ونىمدىلىككە قول جەتكىزۋدى تالاپ ەتەدى.

”بۇرىس ستيلدەر مەن شىرىكتەسۋدى بىرگە تەكسەرۋدى، بىرگە جونگە سالۋدى ىشكەرىلەي ىلگەرىلەتۋ كەرەك“، باس شۋجي شي جينپيڭ العا قويعان وسى ايقىن تالاپتا قازىرگى كەزەڭدەگى پارتيا ستيلى، پاكتىك قۇرىلىسىندا جانە شىرىكتەسۋگە قارسى تۇرۋ كۇرەسىندە ورىن تەۋىپ وتىرعان كورنەكتى ماسەلەلەر كوزدە ۇستالعان، ول اسا كۇشتى رەال باعىتتامالىلىق جانە جەتەكشىلىك سيپاتقا يە.

بۇرىس ستيل مەن شىرىكتەسۋ ماسەلەسىنىڭ سىرتقى كورىنىسى ءبىر، تامىرى، قاينارى ءبىر. بۇرىس ستيلدەن بارىپ شىرىكتەسۋ، بۇرىس ستيل مەن شىرىكتەسۋ ۇشتاسىپ كەتۋ _ كەيبىر تارتىپكە، زاڭعا قايشىلىق جاساۋ دەلولارىنىڭ ورتاق ءتۇيىنى. «شىرىكتەسۋگە قارسى تۇرۋ حالىق ءۇشىن» اتتى ارناۋلى تەلە فيلمدە اشكەرەلەنگەن جاعدايدان قاراعاندا، كەيبىر شىرىكتەسكەن ەلەمەنتتەر ءىشىپ - جەۋدەن، ساۋىق - سايراننان باستاپ، زاڭسىز ساۋداگەرلەرمەن استاسىپ، ەڭ سوڭىندا ۇقىق - اقشا ساۋداسىن جاساپ، مۇددە ورتاق تۇلعاسىنا اينالعان. بۇرىس ستيل − شىرىكتەسۋدىڭ پايدا بولاتىن وشاعى، شىرىكتەسۋ، ەكىنىڭ بىرىندە، ”ءتورت ءتۇرلى بۇرىس ستيلدىڭ“ ساننان ساپاعا وزگەرۋىنىڭ ناتيجەسى. تەك ءاربىر ستيل ماسەلەسىنىڭ ”تۇتىكشەسىن“ بىتەگەندە عانا، شىرىكتەسۋدەن، ازعىنداۋدان ساقتانۋ توسپاسىن بەكەمدەۋگە بولادى.

تاياۋ جىلداردان بەرى ورتالىقتىڭ سەگىز ءتۇرلى بەلگىلەمەسىنىڭ رۋحىن تاباندىلىقپەن دايەكتىلەندىرىپ، تياناقتاندىرىپ، ستيلدى دۇرىستاپ، ءتارتىپتى قاتايتۋدىڭ ونىمدىلىگى كورنەكتى بولدى. بولاشاقتى بەتكە العاندا، ورتالىقتىڭ سەگىز ءتۇرلى بەلگىلەمەسىن، ءسوز جوق، قۇرىشتاي قاعيدا، بەرىك ولشەم ەتىپ، قاسارىسا تارتىپكە قايشىلىق جاساۋ، كومەسكىلەنگەن، وزگەرگەن ”ءتورت ءتۇرلى بۇرىس ستيل“ ماسەلەسىن قاتاڭ تەكسەرىپ ءبىر جاقتى ەتىپ، پارا الۋ مەن پارا بەرۋدى بىرگە تەكسەرۋدى تەرەڭدەتىپ، شىرىكتەسۋدىڭ جۇيەلىك كومەسكى قاتەرىن باتىل الاستاپ، جاڭاشا شىرىكتەسۋدەن جانە كومەسكى شىرىكتەسۋدەن ساقتانۋدىڭ جانە ونى جويۋدىڭ ءونىمدى ادىستەرىن بايىتۋ كەرەك. ستيلدى دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى ءوزارا ساباقتاستىرۋعا تاباندى بولىپ، ”بىرگە تەكسەرۋ“ ارقىلى شىرىكتەسۋ ماسەلەلەرىن قاتاڭ جازالاپ، ”بىرگە وڭاۋ“ ارقىلى شىرىكتەسۋدىڭ ورتاق قاينارىن الاستاپ، بۇرىس ستيلدەن بارىپ شىرىكتەسۋ تىزبەگىن ءسوزسىز ءۇزىپ، ستيل قۇرىلىسى مەن شىرىكتەسۋگە قارسى تۇرۋ كۇرەسىنىڭ جونگە سالۋ ونىمدىلىگىن ۇزدىكسىز جوعارىلاتۋ كەرەك.

ەندى ”بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن رەتتەۋ - وڭاۋعا“ نازار سالساق، بۇل _ پارتيانى جاپپاي قاتاڭ جونگە سالۋدى ۇزدىكسىز نەگىزگى ساتىعا قاراي كەڭەيتۋدىڭ ىشكى تالابى.

بۇقارانىڭ جانىندا تۋىلعان بۇرىس ستيلدەر مەن شىرىكتەسۋ ماسەلەلەرى بۇقارانىڭ ءتول مۇددەسىنە زيان جەتكىزىپ، بۇقارانىڭ اڭىسى ەڭ كۇشتى بولدى. ”مەكتەپ اۋلاسىنداعى تاماقتانۋدى“ باسقارۋ ماسەلەسىن بار كۇشپەن جونگە سالىپ، وقۋشىلاردىڭ اس - سۋ قاراجاتىن يەمدەنىپ الۋ، مەردىگەر شاقىرىپ ساتىپ الۋعا قول سۇعۋ، قارىمجى الۋ سياقتى ماسەلەلەردى زاڭ بويىنشا تەكسەرىپ ءبىر جاقتى ەتۋدەن اۋىل - قىستاق كوللەكتيۆىنىڭ ”ءۇش ءتۇرلى قارجىسى“ سالاسىنداعى شىرىكتەسۋ ماسەلەسىنە قاداعالاي نازار اۋدارىپ، شىرىكتەسكەن ءبىر توپ ”شىبىن - شىركەيدى“ قاتاڭ جازالاۋعا دەيىن، ونان ءدارى - دارمەك سالاسىنداعى بىلىقپالىقتاردى ىشكەرىلەي رەتتەپ، ەمدەۋگە سۇيەنىپ شيپاحانانىڭ قاراجاتىن جەۋ، ەمدەۋ قامسىزداندىرۋىن قىمقىرىپ كەتۋ سياقتى شىرىكتەسۋ ماسەلەلەرىن قاتاڭ تەكسەرۋگە دەيىن... حالىق بۇقاراسى نەلەرگە قارسى تۇرسى تۇرسا، نەلەرگە كەكتەنسە، سولاردان باتىل ساقتانىپ جانە ونى تۇزەتىپ، پارتيانى جاپپاي قاتاڭ جونگە سالۋدىڭ بۇقارانىڭ جانىنا دەيىن كەڭەيۋىن ىلگەرىلەتىپ، بۇقارانىڭ مۇددەسىن پارمەندى قورعادى.

پارتيامىز شىرىكتەسۋگە قارسى تۇرۋعا كۇش سالىپ، ”ءتورت ءتۇرلى بۇرىس ستيلدى“ تۇزەتىپ، جاڭا ستيل ورناتىپ، پارتيانىڭ، حالىقتىڭ قالاۋىنان شىقتى. ”جولبارىستى“ قىلپى بىلىنگەن زامان سوعىپ، ”شىبىن - شىركەيدى“ قاعىپ وتىردى، اسقىنعان پاراقورلىقتىڭ، شىرىكتەسۋدىڭ بىردە - ءبىرىن قاعىس قالدىرمادى، شىرىكتەسكەن ”شىبىن - شىركەيگە“ دە اياۋسىز سوققى بەردى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ ورنالاستىرۋلارىن، تالاپتارىن مۇقيات دايەكتىلەندىرىپ، تياناقتاندىرۋدا، ءار دارەجەلى پارتكومدار، اسىرەسە، قالالىق، اۋداندىق پارتكومدار بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن رەتتەۋ، جونگە سالۋدى ماڭىزدى مىندەت رەتىندە ۇدايىلاندىرا يگەرىپ، بۇقارانىڭ سەزىنۋىنە مۇمكىندىك جاساپ، ءتارتىپ تەكسەرۋ، باقىلاۋ - تەكسەرۋدى نەگىزگى ساتىنى شارلاپ تەكسەرۋمەن، ءار جاقتى باقىلاۋمەن ءبىر تۇتاس جوسپارلاپ، حالىق بۇقاراسىنا ستيلدى دۇرىستاپ، ءتارتىپتى قاتايتۋدىڭ جانىمىزدا، ادىلدىك پەن ادىلەتتىلىكتىڭ جانىمىزدا ەكەنىن شىنايى سەزىندىرىپ، قالىڭ حالىق بۇقاراسىنىڭ رەفورما، دامۋ جەتىستىكتەرىنەن اناعۇرلىم جاقسى، اناعۇرلىم ءادىل يگىلىكتەنۋىن ىلگەرىلەتۋى كەرەك.

شىرىكتەسۋ تۇبىرىنەن الاستالمايىنشا، شىرىكتەسۋگە قارسى تۇرۋ كۇرەسىن ءبىر ءسات تە توقتاتۋعا بولمايدى. جەڭىلمەيتىن ءارى جەڭىلۋگە بولمايتىن وسى كەلەلى ساياسي كۇرەستە تيتتەي دە ءارى - ءسارى بولۋعا، سولقىلداقتىق ىستەۋگە، بوساڭسۋعا، جۇمساق قولدىلىق ىستەۋگە بولمايدى. وزىنە توڭكەرىس جاسايتىن بەكىم مەن جىگەردى ايگىلەپ، شىرىكتەسۋگە قارسى تۇرۋ كۇرەسىن تىنباي مىقتى يگەرىپ، پارتيانىڭ سيپاتىنىڭ وزگەرمەۋىنە، ءتۇسىنىڭ وزگەرمەۋىنە، قاسيەتىنىڭ وزگەرمەۋىنە كەپىلدىك ەتىپ، جاڭا جورىقتا تاريحي ىرىقتىلىققا ۇزدىكسىز قول جەتكىزىپ، باستان - اياق جەڭىلمەس ورىندا تۇرۋىنا كەپىلدىك ەتۋ كەرەك.

كەلۋ قاينارى: حالىق تورابى