جاڭا داۋىردەگى چىڭدۋ - چۇڭچيڭ ”قوس قالا ەستەلىگىن“ بىرگە ويداعىداي ورىندادى

سىچۋان وڭىرىندە بيىك تاۋلار، ۇلكەن وزەندەر كوپ.

چىڭدۋ - چۇڭچيڭ وڭىرىندەگى قوس قالا ەكونوميكالىق شەڭبەرى قۇرىلىسىن باس شۋجي شي جينپيڭ ءوزى جوبالاپ، ءوزى ورنالاستىرىپ، ءوزى ىلگەرىلەتتى. 5 جىلدان بەرى چۇڭچيڭ مەن سىچۋاننىڭ بورىشى توعىسىپ، ءبىر ماسەلەگە ورتاق جاۋاپ قايتارىپ، نيەتتەس، تىلەكتەس بولدى.

2020 - جىلى 1 - ايدا باس شۋجي شي جينپيڭ ورتالىق قازىنا - ەكونوميكا كوميتەتىنىڭ 6 - رەتكى ءماجىلىسىن باسقارىپ اشقاندا بىلاي دەپ باسا دارىپتەدى: ”چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىن ىلگەرىلەتىپ، باتىس بولىكتە جوعارى ساپالى دامۋدىڭ ماڭىزدى ارتۋ ۇيەگىن قالىپتاستىرۋ كەرەك“. 2023 - جىلى 7 - ايدا باس شۋجي شي جينپيڭ سىچۋاندا قىزمەت تەكسەرگەندە بىلاي دەپ باسا دارىپتەدى: ”’سىچۋان - چۇڭچيڭ ءبىر تۇتاس جۇيە‘ بولۋعا تاباندى بولىپ، چىڭدۋ - چۇڭچيڭ ءوڭىرىنىڭ سايكەستى دامۋىن كۇشەيتۋ كەرەك“. 2024 - جىلى 4 - ايدا باس شۋجي شي جينپيڭ چۇڭچيڭدە قىزمەت تەكسەرگەندە بىلاي دەپ اتاپ كورسەتتى: ”چۇڭچيڭ، سىچۋان ەكى جەر تىعىز سەلبەسىپ، دامۋ قابىلەت دەڭگەيىن ۇزدىكسىز جوعارىلاتىپ، جاڭا داۋىردەگى باتىس بولىك ’قوس قالا ەستەلىگىن‘ بىرگە ويداعىداي ورىنداۋى كەرەك“.

باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرعان ەكى ولكە، قالا نىسان قۇرىلىسىن، ساياساتتىق سايكەسۋدى، رەفورمادا قامال الۋدى، تۇعىر ورناتۋدى بىرگە يگەرىپ، چىڭدۋ - چۇڭچيڭ وڭىرىندەگى قوس قالا ەكونوميكالىق شەڭبەرى قۇرىلىسىندا تىڭ قادام تاستادى.

چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرىنىڭ وڭىرلىك ءوندىرىس جالپى ءونىم قۇنى 2019 - جىلعى 6 تريلليون 300 ميلليارد يۋاننان 2023 - جىلى 8 تريلليون 200 ميلليارد يۋانعا ارتتى، 2024 - جىلدىڭ الدىڭعى 3 توقسانداعى وڭىرلىك ءوندىرىس جالپى ءونىم قۇنى 6 تريلليون 200 ميلليارد يۋانعا جەتىپ، سايكەس مەزگىلدەگىدەن %56 ارتتى، ”باتىس بولىكتىڭ جوعارى ساپالى دامۋىن جەبەيتىن ماڭىزدى ارتۋ ۇيەگى مەن جاڭا قوزعاۋشى كۇش قاينارى“ ەرەكشەلىگى ونان ارى كورنەكتىلەندى.

ءبىر تۇتاس جوسپارلاپ، بىرگە ىلگەرىلەتىپ، دامۋعا كۇش – قۋات ۇستەپ، قوس باعىتتا اتتاندى

ۇشقىشسىز ۇشاق كوككە كوتەرىلىپ، جوعارى جىلدامدىقپەن ۇشىپ، ورنىن دالمە - ءدال تۇراقتاندىردى... ەلەكترون عىلىم - تەحنيكا داشۋەسى چۇڭچيڭ ميكرو ەلەكترون كاسىبى تەحنيكاسىن زەرتتەۋ ورنىندا ەلىكتەمەلى سىناق جۇرگىزىلۋدە.

”نازاردى تومەن كەڭىستىك ەكونوميكاسىنا شوعىرلاندىرىپ، چىڭدۋ كاسىپورىندارىمەن بىرلەسە قيمىلداپ، جيەكتىك زەردەلى قاتتى بولشەك تۇعىرىن زەرتتەپ جاساۋ سياقتى جاقتاردا كاسىپ سالالاندىرۋدى العاشقى قادامدا جۇزەگە اسىردىق“ دەپ تانىستىردى زەرتتەۋ ورنى باستىعىنىڭ ورىنباسارى ليۋ ي - ان.

سىچۋان مەن چۇڭچيڭ سەلبەسىپ، ءوندىرىس، وقىتۋ، زەرتتەۋ جۇمىستارىن سايكەستىردى. مۇنداي عىلمي زەرتتەۋ نىساندارى جاڭبىردان كەيىنگى جاۋقازىنداي قاۋلادى.

”2024 - جىلدىڭ الدىڭعى 11 ايىندا ەكى ولكە، قالا عىلىم - تەحنيكادا جاڭالىق اشۋ وداعىنان 50دەن استامىن قۇرىپ، تەحنيكالىق توقتامدى تىركەۋگە الدىرۋ ساۋدا سوماسى %26 ارتتى...“ 2024 - جىلى 12 - ايدىڭ 30 - كۇنى چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسىن ىلگەرىلەتۋ جونىندەگى چۇڭچيڭ - سىچۋان پارتيا، ۇكىمەت بىرلەسكەن ءماجىلىسىنىڭ 10 - رەتكى ماجىلىسىندە ءبىرقىدىرۋ ەڭ جاڭا جەتىستىك قىزۋ ورلەۋگە كوتەرىلدى، مۇنىڭ استارىندا مىناداي ىستەر جاتىر:

ۇلاسپالى ىلگەرىلەتىپ، ”ءبىر تۇتاس جۇيە“ جوباسىن جاسادى. چۇڭچيڭ - سىچۋان پارتكوم، ۇكىمەت بىرىككەن ءماجىلىسى، ولكە، قالا باستىعىنىڭ ۇنەمىلىك ىستەرگە جاۋاپتى ورىنباسارلارىنىڭ سايكەستىرۋ ءماجىلىسى، بىرلەسكەن كەڭسەسى، بىرلەسكەن ارناۋلى قىزمەت گرۋپپاسى سىندى 4 دارەجەلى سەلبەستىك مەحانيزمى قوس قالا ەكونوميكالىق شەڭبەرىنىڭ ەكونوميكالىق كوتەرىمدىلىگى مەن ىقپال جاساۋ، جەتەكتەۋ فۋنكتسياسىن ۇزدىكسىز كۇشەيتتى.

تياناقتانىپ ونىمدىلىك كورسەتتى، ”ءبىر تۇلعالانعان“ دامۋ جارىققا شىقتى. 5 جىلدان بەرى سىچۋان - چۇڭچيڭ ەكى ولكە، قالا اۆتوكولىك، ەلەكتروندىق ينفورماتسيا، جابدىق جاساۋ، ونەركاسىپ ينتەرنەتى سياقتى ءتۇيىندى كاسىپ سالالارىنىڭ جوعارى ساپالى، سايكەستى دامۋىن اتقارۋ جوباسىن بىرگە جاساپ، چىڭدۋ - چۇڭچيڭ ءوڭىرىنىڭ ەلەكتروندىق ينفورماتسياداعى وزىق جاساۋ شوعىرىنداعى كولەمدەنگەن كاسىپورىندار 2000 نان استى.

چۇڭچيڭ تۇڭنان رايونىندا قىسقى كۇننىڭ شۇلەن شۇعىلاسىندا داديشىڭحۇي كوكونىس كاسىپتىك سەلبەستىك كووپەراتيۆىنىڭ لوبىلارى جايقالا ءوستى. جاۋاپتى ادام ليۋ شىپيڭ كوكونىس ەگەتىن ەگىنشىلەردى باستاپ كوكونىس تەرۋ، جۋىپ تازالاۋ، سۇرىپتاۋ، ماشيناعا تيەۋ جۇمىستارىمەن قاربالاس بولىپ جاتتى، ”جەر - جەر ءبىر تۇتاس ولشەممەن ەككەندىكتەن، ءونىم ساپاسى دا جوعارىلادى“ دەدى ليۋ شىپيڭ.

ءبىر شارباق كوكونىس ”تىزبەگى“ كەڭ اۋماقتى تۇتاستىردى، 120 مىڭ مۋلىق ”يۇيسۇيميان ساپالى كوكونىس ءوندىرىس بەلدەۋى“ 70 نەشە اۋىل - قالاشىققا ىقپال جاساپ جانە باستاماشىلدىق ەتىپ، جىلدىق ءونىم قۇنى 2 ميلليارد يۋانعا تايادى. قازىر چىڭدۋ - چۇڭچيڭ ەكى جەردە جيىنى مەملەكەت دارەجەلى 31 وسى زامانعى اۋىل شارۋاشىلىعى كاسىپ باقشاسى، 25 مەملەكەتتىك اۋىل شارۋاشىلىعىن وسىزامانداندىرۋدان ۇلگى كورسەتۋ رايونى قۇرىلدى.

”بازا قۇرعان، تىزبەكتى كۇشەيتكەن، فاكتورلاردى شوعىرلاندىرعان، جوعارى ءونىمدى جۇمىس ءبولىسى جاسالعان، ءار جەر ءار ءتۇرلى ونىممەن داميتىن، ءتارتىپتى باسەكەلەسكەن، ءوزارا توعىسقان وسى زامانعى كاسىپ سالاسى جۇيەسى چىڭدۋ - چۇڭچيڭ وڭىرىندە جەدەل قالىپتاسۋدا“ دەدى چۇڭچيڭ قالالىق دامۋ جانە رەفورما كوميتەتىنىڭ مەڭگەرۋشىسى گاۋ جيان.

كەلەلى نىسانداردى ۇلاستىرىپ، تۇتاستىرىپ، ەسىك اشۋدىڭ بيىك بەلەسىن قول ۇستاسا سومدادى

كەرنەۋ وزگەرتۋ پۋنكتىندەگى قىزمەتكەرلەر تاڭ بوزىنان شارلاپ تەكسەرۋمەن قاربالاس بولدى. الىسقا كوز جىبەرسەڭىز، قۇنارلى دالا كۇمىستەي جارقىراپ جاتىر –

2024 – جىلى 12 - ايدىڭ 27 – كۇنى باتىس وڭتۇستىك رايونداعى تۇڭعىش ەرەكشە جوعارى كەرنەۋلى اينىمالى توك جەتكىزۋ ينجەنەرياسى، مەملەكەتتىك ەلەكتر تورابىنىڭ سىچۋان - چۇڭچيڭ مىڭ ۆولتتىق ەرەكشە جوعارى كەرنەۋلى ينجەنەرياسى ىسكە قوسىلدى. ەلەكتر قۋاتىنىڭ ”سىچۋان جولى“ جىلىنا ەڭ كوپ بولعاندا سىچۋان – چۇڭچيڭ رايونىنا 35 ميلليارد كيلوۆات – ساعات تازا ەلەكتر ەنەرگياسىن جەتكىزەدى، بۇل 10 ميلليون وتباسىنىڭ ءبىر جىلدىق ەلەكتر تۇتىنۋ مولشەرىمەن بارابار كەلەدى.

”ينجەنەريا سىچۋان - چۇڭچيڭ ەلەكتر تورىنىڭ ولكە، رايون اتتاپ ءوزارا بايلانىس جاساۋ، ءوزارا كومەكتەسۋ قابىلەتىن جوعارىلاتىپ، قوس قالانىڭ ەكونوميكالىق شەڭبەرىنىڭ تۇتاس تۇلعالىق ەلەكتر قۋاتىن قامتاماسىز ەتۋگە قىزمەت وتەدى“ دەدى مەملەكەتتىك ەلەكتر تورابى چۇڭچيڭ قالالىق ەلەكتر قۋاتى سەرىكتەستىگى قۇرىلىس ءبولىمى ەرەكشە جوعارى كەرنەۋلى قۇرىلىس باسقارماسى باستىعىنىڭ ورىنباسارى چىن جين.

سىچۋان مەن چۇڭچيڭ قول ۇستاسىپ، نەگىزدىك قۇرىلعى تورابى ۇزدىكسىز نىعايدى. چىڭدۋ - چۇڭچيڭ ورتا لەنياسى، چىڭدۋ – داجوۋ – ۋانجوۋ جوعارى قارقىندىق تەمىر جولى، شي – ان - چۇڭچيڭ جوعارى قارقىندىق تەمىر جولى، چۇڭچيڭ - ۋانجوۋ جوعارى قارقىندىق تەمىر جول سياقتى جوعارى قارقىدىق تەمىر جولداردىڭ قۇرىلىسى تەزدەتىلدى؛ سىچۋان، چۇڭچيڭ ارالىعىندا سالىنىپ جاتقان جانە سالىنىپ بولعان جوعارى قارقىندىق تاس جول 21 گە جەتتى؛ چىڭدۋ - چۇڭچيڭ دۇنيە جۇزىلىك اۋەجاي شوعىرى قۇرىلىسى جەدەل ىلگەرىلەتىلدى… ”سىرتپەن بايلانىس ورناتۋ“، ”ىشتە ىركىلىسسىزدەندىرۋ“ سىندى ەكى شارا قاتار قولدانىلدى.

ارنانى كەڭەيتىپ، قۋات دارەجەسىن جوعارىلاتتى، جاڭا باستامادا تۇرعان سىچۋان - چۇڭچيڭ ەسىك اشۋدىڭ بەلەسىن قالىپتاستىرۋعا كۇش سالۋدا.

لۇڭمىندە كراندار جۇك تيەۋ، تۇسىرۋمەن قاربالاس بولۋدا، جۇك اۆتوموبيلدەرى ارلى - بەرلى قايشالىسۋدا؛ كەمەجايدىڭ سىرتىندا چاڭجياڭ وزەنىندە كەمەلەر قايشالىسۋدا... چۇڭچيڭدەگى لياڭجياڭ جاڭا رايونى گويۋان كەمەجايى چاڭجياڭ وزەنىنىڭ التىن ارناسىنا، باتىس بولەكتەگى قۇرلىق - تەڭىز جاڭا ارناسىنا اينالىپ، ەكسپورت ەتىلەتىن بۇيىمداردىڭ %30 ى سىچۋان سياقتى توڭىرەكتەگى رايونداردان اكەلىنەدى؛ 300 كيلومەتر شالعايداعى چىڭدۋ لۇڭچۋان دەڭىندە گويۋان كەمەجايىنىڭ سۋسىز كەمەجايى سالىنىپ بولعاننان كەيىن چىڭدۋ رايونىنداعى زاتتاردىڭ شاڭحايعا جەتۋ ۋاقىتىن 8 كۇن قىسقارتۋعا بولادى.

تەمىر جولدى ”بەس سىزىقتى نوتا“ دەسەك، جۇڭگو - ەۆروپا كەزەكشى پويەزى (چىڭدۋ - چۇڭچيڭ) بەينە دىبىس بەلگىسىنە ۇقسايدى. سىچۋان، چۇڭچيڭ ەكى جەر بىرلەسىپ تەمىر جول تاراۋلارىن قۇرىپ، چۇڭچيڭ، چىڭدۋ، مەملەكەتتىك تەمىر جول توبى سىندى 3 جاق بىرلەسىپ بايلانىس جاساۋ مەحانيزمىن ورناتىپ، باعا، كولەم، ساياسات سىندى ”ءۇش سەلبەسۋدى“ جانە ماركا اينالىمى، كەڭەسۋ مەحانيزمى سياقتى ”بەس بىرلىككە كەلۋدى“ جۇزەگە اسىرىپ، جۇڭگو - ەۆروپا كەزەكشى پويەزدەرىنىڭ (چىڭدۋ - چۇڭچيڭ) قاتىناۋ مولشەرى ەڭ كوپ، تاسىمال قۇنى ەڭ جوعارى بولۋدى جۇزەگە اسىرۋىنا دەم بەردى.

الەۋمەتتىك قىزمەت وتەۋ جاعىندا بىرگە قۇرىپ، بىرگە يگىلىكتەندى، تۇرمىسقا قولايلىلىق جاراتىلدى

3 مينۋتتا چۇڭچيڭ قالاسىنىڭ تۇرعىندارى چىڭدۋداعى قوعامدىق قامسىزداندىرۋ جاعدايىن ۇعىسا الادى.

چىڭدۋ جوعارى، جاڭا تەحنيكا رايونى اكىمشىلىك قىزمەت وتەۋ ورتالىعىنىڭ 2 - قاباتىندا چۇڭچيڭدىق يۇي لين اۋىلىنداعى قىزمەتكەرلەرمەن بايلانىس جاساۋدا، ”بۇرىن، ءسوزسىز، بارۋ كەرەك ەدى، قازىر بىرنەشە مينۋتتا ءبىتىرىپ بولدىق!“

ءبىر تەرەزەدە ەكى جەرگە ساياتىن ىستەردى ءبىر تۇتاس بىتىرۋگە بولادى. 2024 - جىلى 5 - ايدا چىڭدۋ جوعارى، جاڭا تەحنيكا رايونى مەن چۇڭچيڭ جوعارى، جاڭا تەحنيكا رايونى بىرلەسىپ ”ۆيرتۋالدى جالپىلىق تەرەزە“ الىس ارالىقتى كومەك بەرۋ قىزمەت وتەۋىن ورتاعا قويدى. "ءبىز 210 ءتۇرلى جەكە ءىس پەن 62 ءتۇرلى ’ءبىر ءىستى‘ ءوزارا ءبىتىرۋدى جۇزەگە اسىردىق“ دەپ تانىستىردى چىڭدۋ جوعارى، جاڭا تەحنيكا رايونى اكىمشىلىك قىزمەت وتەۋ ورتالىعىنىڭ قىزمەتكەرى ليۋ ياڭ.

بىرگە قۇرىپ، بىرگە يگىلىكتەنىپ، دارەجەنى ۇزدىكسىز جوعارىلاتتى. 5 جىلدان بەرى سىچۋان، چۇڭچيڭ 4 توپتا كاسىپورىندار مەن بۇقارانىڭ جوعارى جيىلىكتەگى ىستەرىنەن جيىنى 355 ءتۇرىن ولكە اتتاپ ءبىتىرۋدى بىرلەسىپ تۇراقتاندىرىپ، ”تۇتاس بارىس بويىنشا ينتەرنەت جەلىسىندە ءبىتىرۋ“، ”باسقا جەردە وكىلەتتى قابىلداۋ، وكىلەتتى ءبىتىرۋ“ سياقتى كوپ ءتۇرلى قىزمەت وتەۋ ۇلگىسىن اتقاردى.

چۇڭچيڭ مەديتسينا داشۋەسىنە قاراستى داشۋە اۋلاسى شيپاحاناسىندا چىڭدۋ قالاسىنىڭ تۇرعىنى جاڭ جيڭ قول تەلەفونىن شىعارىپ، ەلەكتروندى دەنساۋلىق كارتوچكاسىن اشىپ، ءنومىر الۋ، تەكسەرۋ، ەمدەلۋ بۋىندارىن ورىنادى. قازىرگە دەيىن سىچۋان، چۇڭچيڭدە 935 شيپاحانا، 161 تەكسەرۋ - تەكسەرۋ ناتيجەسى ءوزارا مويىندالادى، 2300 دەن استام ەمدەۋ قۇرىلىمى سىچۋان، چۇڭچيڭ ەلەكتروندىق سالاماتتىق كارتوچكاسىن جايمالاپ ەمدەۋدى جۇزەگە اسىردى.

قوس قالا تۇرمىسى بارعان سايىن قولايلىلاندى. چىڭدۋ، چۇڭچيڭدە كۇنىنە ورتا ەسەپپەن 102 جۇپ پويەز قاتىنايدى، كۇنىنە 130 مىڭنان استام ادام - رەت جوعارى قارقىندىق پويەزبەن ەكى جەرگە بارىپ - كەلەدى؛ سىچۋان، چۇڭچيڭدە الەۋمەتتىك جالعا بەرىلەتىن ۇيلەردى ”ءوزارا قامتاماسىزداندىرۋدى“ جۇزەگە اسىرعان تۇرعىندار 50 مىڭنان استى، تۇرعىن ءۇي الەۋمەتتىك قورى ءوزارا مويىنداپ، ءوزارا قارىز بەرۋ ىسكە اسىرىلدى...

”2025 – جىل _ «چىڭدۋ - چۇڭچيڭ ءوڭىرى قوس قالا ەكونوميكالىق شەڭبەرى قۇرىلىسى جوبا باعدارلاماسىن» اتقارۋدىڭ اياقتالاتىن جىلى، ءبىز قوس ورتالىقتىڭ بىرلەسىپ ارەكەتتەنۋىن، ەكى قاناتتىڭ سايكەسۋىن تەرەڭدەتىپ، چىڭدۋ - چۇڭچيڭ ءوڭىرىنىڭ سايكەستى دامۋىن كۇش سالا ىلگەرىلەتىپ، بۇكىل ەلدىڭ دامۋ كەلەلى جاعدايىنا اناعۇرلىم ويداعىداي قىزمەت وتەيمىز“ دەدى سىچۋان ولكەلىك دامۋ جانە رەفورما كوميتەتىنىڭ مەڭگەرۋشىسى داي يۇڭبو.

(«حالىق گازەتىنىڭ» تىلشىلەرى ۋاڭ ميڭفىڭ، ليۋ شين - ۋ، يوۋ ي جازۋعا قاتىناستى)

كەلۋ قاينارى: حالىق تورابى