جارالىلاردى ىزدەۋ، قۇتقارۋ قىزمەتىن بار كۇشپەن ورىستەتىپ، اپاتقا ۇشىراعان رايونداعى بۇقارانىڭ قىستان قىسىلماي وتۋىنە كەپىلدىك ەتۋ كەرەك

شينحۋا اگەنتتىگى، 1 - ايدىڭ 8 – كۇنى، لحاسا. باس شۋجي شي جينپيڭنىڭ ماڭىزدى نۇسقاۋى مەن زۇڭلي لي چياڭنىڭ تالابىنا ساي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گوچيڭ 1 - ايدىڭ 7 - كۇنى قاتىستى تاراۋلارداعى جاۋاپتى جولداستاردى باستاپ شيزاڭ رىكازىداعى اپات تۋىلعان رايونعا بارىپ، شۇعىل جاعدايعا توتەپ بەرۋ، قۇتقارۋ، ءبىر جاقتى ەتۋ قىزمەتىنە جەتەكشىلىك ەتتى.

جاڭ گوچيڭ رىكازىعا بارعاننان كەيىن اپاتقا ۇشىراۋ جاعدايى ەڭ اۋىر ديڭرى اۋدانى جاڭسو اۋىلىنا جەدەل جەتىپ، قاتەردەن اراشالاۋ، ءبىر جاقتى ەتۋ ناق مايدانىنا، ۋاقىتتىق ورنالاستىرۋ تۇيىنىنە جانە شيپاحاناعا بارىپ، پارتيا ورتالىق كوميتەتى، مەملەكەتتىك كەڭەس اتىنان اپاتقا ۇشىراعان بۇقارا مەن جارالانعانداردان حال سۇراپ، ادامداردى ىزدەۋ، قۇتقارۋ، ەمدەۋ - قۇتقارۋ، زاتتىق ماتەريالدارمەن قامتاماسىزداندىرۋ، تۇرمىستىق ورنالاستىرۋ جانە بۇلىنگەن قۇرىلعىلاردى شۇعىل جوندەۋ سياقتى جاعدايلاردى تەكسەردى. وسىدان كەيىن ءماجىلىس باسقارىپ اشىپ، باس شۋجي شي جينپيڭنىڭ ماڭىزدى نۇسقاۋىنىڭ، بەكىتۋىنىڭ رۋحىن جانە لي چياڭ زۇڭليدىڭ تالابىن جەتكىزىپ، كەلەسى قادامداعى جەر سىلكىنىسىنە قارسى اتتانىپ، اپاتتان قۇتقارۋ قىزمەتىن اقىلداسىپ ورنالاستىردى. جاڭ گوچيڭ بىلاي دەپ اتاپ كورسەتتى: باس شۋجي شي جينپيڭ شيزاڭى رىكازىداعى جەر سىلكىنىسى اپاتىنا ەرەكشە كوڭىل ءبولىپ، اپاتقا تاپ بولعان بۇقارانى ەسىنەن شىعارمادى، جەر سىلكىنىسى اپاتى تۋىلعاننان كەيىن دەرەۋ ماڭىزدى بەرىپ، بەكىتۋ سالدى، ادامداردى ىزدەستىرۋدى بار كۇشپەن ورىستەتۋ، جارالانعانداردى بار كۇشپەن قۇتقارۋ، ەمدەۋ، قوسالقى اپاتتىڭ تۋىلۋىنان ساقتانۋ، اپاتقا ۇشىراعان بۇقارانى ۇيلەسىمدى ورنالاستىرۋ، قاتەردەن اراشالاۋ، قۇتقارۋ بۇيىمدارىن دەر كەزىندە جوتكەۋ، بۇلىنگەن نەگىزدىك قۇرىلعىلاردى جەدەل جوندەۋ، قىستان حاۋىپسىز، قىسىلماي وتۋگە كەپىلدىك ەتۋ سياقتىلار جونىندە ورنالاستىرۋ جاسادى. زۇڭلي لي چياڭ قاتەردەن اراشالاۋ، قۇتقارۋ - كومەكتەسۋ، جەر سىلكىنىسى جاعدايىن باقىلاۋ، اپاتقا ۇشىراعان بۇقارانىڭ تۇرمىسىن قامتاماسىز ەتۋ سياقتىلار جونىندە ورنالاستىرۋ جاساپ، ايقىن تالاپتار قويدى. شيزاڭ جانە قاتىستى جاقتار باس شۋجي شي جينپيڭنىڭ ماڭىزدى نۇسقاۋىنىڭ، بەكىتۋىنىڭ رۋحىن جانە لي چياڭ زۇڭليدىڭ تالابىن باتىل دايەكتىلەندىرىپ، تياناقتاندىرىپ، ”ەكىنى بارىنەن جوعارى قويۋعا“ تاباندى بولىپ، شۇعىل جاعدايعا توتەپ بەرۋ بويىنشا قۇتقارۋ - كومەكتەسۋدى ۇزدىكسىز پارمەندى، ءتارتىپتى، ءونىمدى ورىستەتىپ، ءولىم - ءجىتىمدى جانە اپات زيانىن ەڭ جوعارى شەكتە ازايتتى.

جاڭ گوچيڭ بىلاي دەپ باسا دارىپتەدى: ادامداردى ىزدەۋ، قۇتقارۋ قىزمەتىن ۇزدىكسىز بار كۇشپەن ورىستەتىپ، قىستاقتاردى، ۇيلەردى ءبىر - بىردەن ارالاپ ادامداردى ىزدەپ، قۇتقارىپ، بىردە - ءبىر ادامدى قاعىس قالدىرماۋعا كەپىلدىك ەتۋ كەرەك. جارالانعانداردى بار كۇشپەن ەمدەپ، ەمدەۋ، قۇتقارۋ كۇشتەرىن دەن قويا ۇيىمداستىرىپ، جارالانۋ سەبەبىنەن مۇگەدەك بولۋدى مۇمكىندىكتىڭ بارىنشا ازايتۋ كەرەك. اپات تۋىلعان رايون تەڭىز بەتىنەن بيىك، سۋىق تاۋلىق رايونعا جانە ۇلتتىق شەكارا رايونعا ورنالاسقان، قازىر قىس مەزگىلى، كۇندىز بەن ءتۇننىڭ تەمپەراتۋرا پارقى زور بولعاندىقتان، جىلۋلىق ساقتاۋ قىزمەتىن جاقسى ىستەپ، جىلۋلىق ساقتاۋ، جىلىتۋ جابدىقتارىن سياقتى تۇرمىستىق ماتەريالدەردى جەدەل، جەتكىلىكتى توپتاپ، اپاتقا تاپ بولعان ءاربىر تۇرعىننىڭ نەگىزگى تۇرمىسىن ويداعىداي ورنالاستىرۋ كەرەك. قالدىق سىلكىنىستى باقىلاۋ - تەكسەرۋدى، ساقتاندىرۋدى كۇشەيتىپ، بۇلىنگەن ۇيلەر مەن گەولوگيالىق اپاتتاردىڭ كومەسكى قاتەرىن جاپپاي ءبىر - بىرلەپ تەكسەرىپ، ناق مايداننىڭ حاۋىپسىزدىگىن باسقارۋ - مەڭگەرۋدى جانە حاۋىپسىزدىكتى شارلاۋ - تەكسەرۋدى كۇشەيتىپ، قوسالقى ءولىم - ءجىتىم تۋىلۋدان باتىل ساقتانۋ كەرەك. اپاتتان كەيىنگى قايتا قۇرۋدى جەدەل ىلگەرىلەتىپ، شۇعىل جاعدايعا توتەپ بەرۋدىڭ وتپەلى مەزگىلىندە اپاتقا ۇشىراعان بارلىق بۇقارانىڭ شاتىرعا دەر كەزىندە كوشىپ كىرۋىنە كەپىلدىك ەتۋ، سونىمەن بىرگە، جىلجىمالى تاقتا ۇيلەردى تەز ارادا سەپتەپ، اپاتقا ۇشىراعان بۇقارانىڭ تۇرعىن ۇيلەرىن قايتا سالۋ ىستەرىن ءبىر تۇتاس جوسپارلاپ ىلگەرىلەتۋ كەرەك، قاتىستى تاراۋلار قولداۋ سەرپىنىن ۇزدىكسىز ارتتىرىپ، قىزمەت اياق الىسىن ۇزدىكسىز تەزدەتىپ، اپاتقا ۇشىراعان بۇقارانىڭ ەرتەرەك حاۋىپسىز جىلى ۇيلەرگە كوشىپ كىرۋىنە كەپىلدىك ەتۋى كەرەك. شۇعىل جاعدايعا توتەپ بەرۋ، قۇتقارۋ جاعدايىن دەر كەزىندە دۇرىس جاريالاپ، قوعام كوڭىل ءبولىپ وتىرعان ماسەلەلەرگە بەلسەنە جاۋاپ قايتارۋ كەرەك.

كەلۋ قاينارى: حالىق تورابى