بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.01.10 15:03 كەلۋ قاينارى : حالىق تورابى
اۋە جەلىسىنىڭ ورنالاسۋىن اناعۇرلىم ساپالاندىرىپ، كوكتەم مەرەكەسى كەزىندەگى تاسىمالدىڭ قاۋىرت مەزگىلىنە بەلسەنە توتەپ بەرۋ ءۇشىن، تيانجين اۆياتسياسى 1 ـ ايدىڭ 14 ـ كۇنىنەن باستاپ ءۇرىمجى ـ قۇمىل ـ يىنچۋان اۋە جەلىسىن جاڭادان اشۋدى جوسپارلادى.
وسى رەت جاڭادان اشىلعان ءۇرىمجى ـ قۇمىل ـ يىنچۋان اۋە جەلىسىندە تيانجين اۆياتسياسىنىڭ E190 تۇرپاتتى ۇشاعى ۇشۋ مىندەتىن اتقارادى، جوسپارمەن كۇنىنە ءبىر كەزەك قاتىنايدى. جاڭا اۋە جولىنىڭ ماقساتى قالىڭ جولاۋشىلارعا اناعۇرلىم قولايلى، الۋان ءتۇرلى ساپار تالعامىن ازىرلەپ، كوكتەم مەرەكەسى كەزىندەگى تاسىمال قىزمەت وتەۋىنىڭ اناعۇرلىم ىركىلىسسىز، ءونىمدى بولۋىنا كەپىلدىك ەتۋ.
ءۇرىمجى - قۇمىل – يىنچۋان ارالىنعا بارعاندا GS7489 كەزەكشى ۇشاعى ساعات 12دەن 40 مينۋت وتكەندە ءۇرىمجى حالىقارالىق اۋەجايىنان شىعىپ، قۇمىلعا ايالداعان سوڭ، ساعات 17دەن 15 مينۋت وتكەندە يىنچۋان حىدۇڭ حالىقارالىق اۋەجايىنا قونادى؛ قايتار جولدا GS7490 كەزەكشى ۇشاعى ساعات 18دەن 05 مينۋت وتكەندە يىنچۋان حىدۇڭ حالىقارالىق اۋەجايىنان شىعىپ، قۇمىلعا ايالداعان سوڭ، ساعات 22 دەن 40 مينۋت وتكەندە ءۇرىمجى حالىقارالىق اۋەجايىنا جەتەدى. ۇشاق العاش قاتىناعان كەزىندە ءۇرىمجى - قۇمىل - يىنچۋان ارالىعىنداعى تەك بارۋ بەلەتىنىڭ باعاسى شامامەن 940 يۋاننان باستالادى (باجى قامتىلمايدى)، ناقتى بەلەت باعاسى ناقتى ۋاقىتىنداعى باعانى ولشەم ەتەدى. جولاۋشىلار تيانجين اۆياتسياسىنىڭ رەسمي تورابى مەن ينتەرنەتتەگى بەلەت ساتۋ تەكشەلەرى ارقىلى الدىن الا تاپسىرىس بەرۋگە بولادى.
قۇمىل مەن يىنچۋان جەكە ـ جەكە شينجياڭ مەن نيڭشيانىڭ ماڭىزدى قالالارى، مول ساياحات بايلىعى مەن مادەنيەت استارى بار. وسى رەتكى جاڭا اۋە جەلىسىنىڭ اشىلۋى — ءۇرىمجى، قۇمىل جانە يىنچۋان اراسىنداعى قاتىناس بايلانىسىن ونان ارى كۇشەيتىپ قانا قويماي، 3 جەر اراسىنداعى ساياحات، ساۋدا ىستەرى سياقتى اۋىس ـ تۇيىستەردى اناعۇرلىم قولايلى اۆياتسيا ارناسىمەن قامدايدى.
كەلۋ قاينارى: حالىق تورابى
