شي جينپيڭ بۇكىل ارمياداعى ساقا جولداستاردىڭ كوكتەم مەرەكەسىن قۇتتىقتادى

1 - ايدىڭ 17 – كۇنى تۇستەن كەيىن ورتالىق اسكەري ىستەر كوميتەتىنىڭ بەيجيڭدە تۇراتىن اسكەري بولىمدەردەگى ساقا كادرلاردان حال سۇراۋ بايلانىسىمەن كوكتەم مەرەكەسىن قارسى الۋ ادەبيەت - كوركەمونەر كونسەرتى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ كونسەرتتى تاماشالاپ، كونسەرت كورۋگە قاتىناسقان ارمياداعى ساقا جولداستارعا، بۇكىل ارمياداعى دەمالىسقا، زەينەتكە شىققان ساقا كادرلارعا مەرەكەلىك سالەم جولدادى ءارى ولارعا كوكتەم مەرەكەسى بايلانىسىمەن باقىت تىلەدى.

سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

شينحۋا اگەنتتىگى، 1 - ايدىڭ 18 – كۇنى، بەيجيڭ (ءتىلشى مەي چاڭۋەي). جۇڭحۋا ۇلتىنىڭ ءداستۇرلى مەرەكەسى − كوكتەم مەرەكەسى كەلۋ قارساڭىندا ورتالىق اسكەري ىستەر كوميتەتى 1 - ايدىڭ 17 - كۇنى بەيجيڭدە بەيجيڭدە تۇراتىن اسكەري بولىمدەردەگى ساقا كادرلاردان حال سۇراۋ بايلانىسىمەن كوكتەم مەرەكەسىن قارسى الۋ ادەبيەت - كوركەمونەر كونسەرتىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ كونسەرتتى تاماشالاپ، كونسەرت كورۋگە قاتىناسقان ارمياداعى ساقا جولداستارعا، بۇكىل ارمياداعى دەمالىسقا، زەينەتكە شىققان ساقا كادرلارعا مەرەكەلىك سالەم جولدادى ءارى ولارعا كوكتەم مەرەكەسى بايلانىسىمەن باقىت تىلەدى.

كوكتەم مەرەكەسى قارساڭىندا استانا بەيجيڭ شات - شادىمان، بەرەكەلى بەينەگە شومدى، جۇڭگو تەاترحاناسىندا شامدار جايناپ، جىلى لەپ ەسىپ، جاڭا جۇڭگونى قۇرۋ، قورعاۋ، كوركەيتۋ ءۇشىن، مەملەكەت قورعانىسى مەن ارميا قۇرىلىسى ءۇشىن كورنەكتى ۇلەس قوسقان بەيجيڭدە تۇراتىن اسكەري بولىمدەردەگى ساقا كادرلار شاتتىقپەن باس قوسىپ، كوكتەم مەرەكەسىن بىرگە قارسى الدى.

تۇستەن كەيىن ساعات 4 مولشەرىندە شي جينپيڭ ساقا جولداستاردىڭ اراسىنا كەلگەندە تۇتاس زالدا قىزۋ قول شاپالاق ءۇنى كوتەرىلدى. شي جينپيڭ كوپشىلىكپەن ىقىلاسپەن قول الىسىپ، ءوزارا سالەمدەسىپ، ولاردىڭ دەنساۋلىق جانە تۇرمىس جاعدايىن ىقىلاسپەن سۇراپ، وتكەن ءبىر جىلداعى پارتيا، مەملەكەت جانە ارميا ىستەرىندە باسىپ وتكەن وزگەشە بارىستى، قول جەتكىزگەن كەلەلى تابىستاردى بىرگە ەسكە الدى. ساقا جولداستار ءبىر اۋىزدان مىنالاردى ءبىلدىردى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، اسكەري ىستەر كوميتەتىنىڭ ءتوراعاسى جاۋاپتى بولۋ ءتۇزىمىن دايەكتىلەندىرىپ، داڭقتى ءداستۇردى ساۋلەلەندىرىپ، ساياسي قاسيەتتى ماڭگى ساقتاپ، سەنىمدى بەكەمدەپ، ىنتىماقتاسا كۇرەس جۇرگىزىپ، ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋدان قامال الۋ شايقاسىن ۇزدىكسىز ويداعىداي جۇرگىزىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ ءۇشىن بەلسەندى ۇلەس قوسامىز.

”مەملەكەتتى قۇدىرەتتەندىرۋدىڭ، گۇلدەندىرۋدىڭ اياق الىسى بايتاق دالانى ءدۇر سىلكىندىردى، ەكپىندەي ىلگەرىلەپ قامال الاتىن قوسىن تۋى اسقاق جەلبىرەدى...“، ويناقى دا جالىندى «مەنىڭ مايدانىم، مەنىڭ جىلدارىم» ءان - بيىمەن كونسەرتتىڭ شىمىلدىعى اشىلدى. كونسەرت ادەبيەت - كوركەمونەر ساڭلاق اترەتىنىڭ اسكەريلەرگە قىزمەت ەتۋى تاسىلىمەن ارميانى قۇدىرەتتەندىرۋدىڭ جالىندى امالياتىن ايگىلەپ، مىزعىماس نيەتپەن پارتياعا ىلەسۋ، كۇش - قۋاتتى شوعىرلاندىرىپ قامال الۋدىڭ ىشكى ءمانىن ساباقتاستىرىپ، جاڭا داۋىردەگى حالىق ارمياسىنىڭ جاڭا ستيلىن، دۇرىس سالتىن كورنەكتى بەينەلەدى. توعىسپالى حور «ىلەسۋ» قالىڭ وفيتسەر - اسكەرلەردىڭ جاڭا داۋىردە ارميانى ساياسي جاقتان قۇرۋ جالپى جوباسىن جاپپاي دايەكتىلەندىرىپ، بۇلجىماي پارتيانىڭ سوزىنە قۇلاق اسۋ، پارتياعا ىلەسۋ سىندى ورتاق جۇرەك ءۇنىن تەرەڭ سۇيىسپەنشىلىكپەن بەينەلەدى. ءان - ءبيلى اسپاپتىق مۋزىكا كونسەرتى «شايقاسقا ءارقاشان دايىن تۇرۋ»، «شايقاستا جەڭىسكە جەتۋ داڭقى» ناقتى سوعىس، ناقتى جاتتىعۋ، اسكەر جاتتىقتىرۋ كورىنىستەرىن جاندى بەينەلەپ، وفيتسەر - اسكەرلەردىڭ ەر جۇرەك قۇرىش جىگەرى مەن سوعىسقا ساقاداي ساي تۇراتىن، قاي - قاشان دا جەڭىستى شايقاس جۇرگىزە الاتىن جاۋىنگەرلىك بەينەسىن ايگىلەدى. ءبيلى ءان «شەكارا قاراۋىلىنداعى شايقاس جىرى» شەكارانى قورعايتىن وفيتسەر - اسكەرلەردىڭ شەكارا قورعانىسىنىڭ ءبىرىنشى شەبىنە تامىر تارتىپ، بورىشىن ادالدىقپەن وتەگەن سۇيىسپەنشىلىگىن، جاۋاپكەرشىلىگىن بەينەلەدى. «پارتيا قىزىمىن»، «ي - مىڭعا ماداقتان» ءۇزىندى جانە «جاپون شاپقىنشىلارىنا قارسى اسكەري ساياسي داشۋەنىڭ مەكتەپ ءانى»، «ءبىز داڭعىل جولدا ءجۇرىپ كەلەمىز» سياقتى كلاسسيكالىق اندەر ۇلاستىرا شىرقالىپ، داڭقتى جىلداردى قايتالاي ەسكە الىپ، كۇرەس جىگەرىن تاسقىنداتتى. كورىنىستىك ءان - ءبي «كىر جۋۋ ءانىن تاعى دا شىرقايمىز» ارميا مەن حالىقتىڭ ەتەنە سۇيىسپەنشىلىگىن، تىزە قوسا شەكارانى نىعايتۋدىڭ، قورعانىستى بەكەمدەۋدىڭ اسەرلى كورىنىسىن بەينەلەدى. قىسقا تەاتر «وزىندىك قاسيەت»، شاعىن حور «مىلتىعىڭدى قولىما الدىم» توڭكەرىستىك اعا بۋىنداردىڭ سوعىس حيكاياسى مەن جاس وفيتسەر - اسكەرلەردىڭ ارميانى قۇدىرەتتەندىرۋ حيكاياسىن بايانداپ، حالىق ارمياسىنىڭ قىزىل گەندى جالعاستىرىپ، اۋەلگى ماقساتتى، بورىشتى امالياتتا ايگىلەگەن بەرىك سەنىمىن ايگىلەدى. توعىسپالى حور «داڭقپەن اتتانۋ» اسقاق اۋەنمەن كونسەرتتى ورلەۋگە كوتەرىپ، بار كۇشتى جۇمساپ، مىندەتتى ۋاعىندا ورىنداپ، ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋ جولىندا كۇرەس جاساۋ، ارميانى قۇدىرەتتەندىرىپ بىرەگەي ارميا قۇرۋ جولىندا ەكپىندەي ىلگەرىلەۋ بەكىمى مەن سەنىمىن ايگىلەدى. تۇتاس كونسەرت قاراپايىم، اسكەري ءتۇسى مەن سوعىستىق ءتۇسى قويۋ بولىپ، قۇدىرەتتى ارميا مادەنيەتىنىڭ سوعىستا جەڭىسكە جەتۋ جىگەرىن شىڭداۋ، تۋراشىلدىقتان اينىماي جاڭالىق اشۋ سىندى ايبىندى بەينەسىن ايگىلەدى.

جاڭ يوۋشيا، حى ۋەيدۇڭ، ليۋ جىنلي، جاڭ شىڭمين بىرگە تاماشالادى.

اسكەري ىستەر كوميتەتى ورگانىنىڭ ءارقايسى تاراۋلارىنداعى، ارميانىڭ بەيجيڭدە تۇراتىن قاتىستى ورىندارىنداعى باسشىلار مەن اسكەري بولىمدەردەگى وفيتسەر - اسكەرلەردىڭ ۋاكىلدەرى دە كونسەرتتى تاماشالادى.

كەلۋ قاينارى: حالىق تورابى