بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.01.17 14:06 كەلۋ قاينارى : حالىق تورابى
1 – ايدىڭ 16 – كۇنى، ساۋدا مينيسترلىگىنىڭ اقپارات مالىمدەمەشىسى سەنىمسىز ناقتى تۇلعالار تىزىمدىگىنە قاتىستى شارالار جونىندە تىلشىلەردىڭ سۇراۋىنا جاۋاپ بەردى.
ءبىر ءتىلشى بىلاي دەپ سۇرادى: 2024 – جىلى 9 – ايدىڭ 24 – كۇنى، جۇڭگو جاق ا ق ش –نىڭ PVH توبىنا سەنىمسىز ناقتى تۇلعالار تىزىمدىگى بويىنشا تەكسەرۋدى باستايتىندىعىن جاريالاعان. قازىر تەكسەرۋدىڭ اياق الىسى قالاي؟
ساۋدا مينيسترلىگىنىڭ اقپارات مالىمدەمەشىسى بىلاي دەدى: سەنىمسىز ناقتى تۇلعالار تىزىمدىگى قىزمەت مەحانيزمى قازىر ا ق ش – نىڭ PVH توبىنا باعىتتالعان تەكسەرۋ قىزمەتىن زاڭ بويىنشا ءتارتىپتى ىلگەرىلەتۋدە. دەلو تۇرعىزىلعاننان بەرى، PVH توبىنىڭ بايانداۋىن، اقتالۋىن تالاي رەت تىڭداپ، PVH توبى تاپسىرعان جازباشا ماتەريالداردى تەكسەردى. PVH توبىنىڭ شينجياڭعا ساياتىن ورىنسىز ارەكەتتەردى ىستەگەندىگى العاشقى قادامدا انىقتالدى. مەحانيزم كەڭسەسى تاياۋدا PVH توبىن تاعى دا شاقىرىپ اڭگىمەلەسۋدى جوسپارلادى. ەڭ سوڭعى تەكسەرۋ ناتيجەسى زاڭ بويىنشا قوعامداعى جۇرتشىلىققا اشىق جاريالانادى.
جۇڭگو جاق سەنىمسىز ناقتى تۇلعالار تىزىمدىگى ماسەلەسىن باستان - اياق بايىپتىلىقپەن ءبىر جايلى ەتىپ كەلەدى، مۇنداي تەكسەرىپ ءبىر جايلى ەتۋ زاڭ بويىنشا، تەك ەلىمىزدىڭ حاۋىپسىزدىگىنە زيان جەتكىزەتىن وتە از ساندى شەتەل تۇلعالارىنا باعىتتالادى، ادال، زاڭعا بويسۇناتىن شەتەل تۇلعالارىنىڭ الاڭداۋىنىڭ قاجەتى جوق. جۇڭگو ۇكىمەتى دۇنيە جۇزىندەگى ءار ەل كاسىپورىندارىنىڭ جۇڭگوعا كەلىپ قارجى قوسىپ، شارۋاشىلىقتى گۇلدەندىرۋىن بۇرىنعىداي قارسى الادى، سونداي ـ اق، زاڭ - تۇزىمگە ساي كەلەتىن شەتەل كاپيتالىمەن قۇرىلعان كاسىپورىنداردىڭ جۇڭگودا تيجارات جۇرگىزۋىنە ورنىقتى، ءادىل جانە مەجەلەۋگە بولاتىن تيجارات ـ ساۋدا ورتاسىن ازىرلەۋگە كۇش سالادى.
كەلۋ قاينارى: حالىق تورابى
