جۇڭگو استىق توبى شەكتى سەرىكتەستىگى پارتگرۋپپاسىنىڭ بۇرىنعى مۇشەسى، ورىنباسار باس ديرەكتورى جوۋ جىڭنىڭ پارا الۋ، قيانات جاساۋ، مەملەكەت مەنشىگىندەگى سەرىكتەستىك قىزمەتكەرىنىڭ قىزمەت ۇقىعىنان بەتالدى پايدالانۋ دەلوسىنا ءبىرىنشى سوتتا ۇكىم شىعاردى

شينحۋا اگەنتتىگىنىڭ 1 – ايدىڭ 14 - كۇنى تاييۋاننان بەرگەن حابارى. 1 – ايدىڭ 14 – كۇنى، سانشي ولكەسى يۇنچىڭ قالالىق ورتا دارەجەلى حالىق سوت مەكەمەسى ءبىرىنشى سوتتا جۇڭگو استىق توبى شەكتى سەرىكتەستىگى پارتگرۋپپاسىنىڭ بۇرىنعى مۇشەسى، ورىنباسار باس ديرەكتورى جوۋ جىڭنىڭ پارا الۋ، قيانات جاساۋ، مەملەكەت مەنشىگىندەگى سەرىكتەستىك قىزمەتكەرىنىڭ قىزمەت ۇقىعىنان بەتالدى پايدالانۋ دەلوسىنا اشىق ۇكىم شىعاردى، ايىپكەر جوۋ جىڭعا پارا الۋ قىلمىسى بويىنشا 7 جىلدىق مەرزىمدى قاماق جازاسى، وعان قوسا 400 مىڭ يۋان اقشالاي ايىپ سالدى؛ قيانات جاساۋ قىلمىسى بويىنشا 5 جىلدىق مەرزىمدى قاماق جازاسى، وعان قوسا 300 مىڭ يۋان اقشالاي ايىپ سالىندى؛ مەملەكەت مەنشىگىندەگى سەرىكتەستىك قىزمەتكەرىنىڭ قىزمەت ۇقىعىنان بەتالدى پايدالانۋ قىلمىسى بويىنشا 3 جىل 6 ايلىق مەرزىمدى قاماق جازاسى بەرىلدى، 12 جىلدىق مەرزىمدى قاماق جازاسىن اتقارۋدى، وعان قوسا 700 مىڭ يۋان اقشالاي ايىپ سالۋدى ۇيعاردى. جوۋ جىڭنىڭ قىلمىسىنان تاپقان مال - مۇلكى مەن ءوسىمىن زاڭ بويىنشا قۋزاپ قايتارىپ الىپ، مەملەكەت قازىناسىنا تاپسىردى نەمەسە زيانكەستىككە ۇشىراعان ورىنعا قايتارىپ بەردى.

قاراۋ ارقىلى مىنالار انىقتالدى: 1998- جىلدان 2023 - جىلعا دەيىن ايىپكەر جوۋ جىڭ حاڭجوۋ جۇڭلياڭ ەرەكشە ىدىس - اياق شەكتى سەرىكتەستىگىنىڭ باس مەڭگەرۋشىسى، جۇڭگو استىق قوراپتاۋ شەكتى سەرىكتەستىگىنىڭ باس ديرەكتورى، جۇڭگو استىق جىدي شەكتى سەرىكتەستىگى پارتكومىنىڭ شۋجيى، باس جوراسى، دايۋەچىڭ جارنا مەڭگەرۋ توبى شەكتى جارنا سەرىكتەستىگى پارتكومىنىڭ شۋجيى، باس جوراسى، جۇڭگو استىق توبى شەكتى سەرىكتەستىگى پارتگرۋپپاسىنىڭ مۇشەسى، ورىنباسار باس ديرەكتورى قاتارلى مىندەت جاعىنداعى قولايلىلىقتاردان پايدالانىپ، قاتىستى ورىندار مەن جەكەلەردىڭ جۇمىستى كوتەرمەگە الۋ، قىزمەتكەر قابىلداۋ، مىندەتىن ٴوسىرۋ قاتارلى ىستەرىنە كومەك كورسەتىپ، زاڭسىز قابىلداعان مال ـ مۇلكى حالىق اقشاسىنا شاققاندا 6 ميلليون 50 مىڭ يۋاننان اسقان. 2003 - جىلدان 2021 - جىلعا دەيىن جوۋ جىڭ حاڭجوۋ جۇڭگو استىق - ماي ەرەكشە ىدىس شەكتى سەرىكتەستىگىنىڭ باس ديرەكتورى، جۇڭگو استىق توبى شەكتى سەرىكتەستىگى پارتگرۋپپاسىنىڭ مۇشەسى، ورىنباسار باس ديرەكتورى، جۇڭگو استىق جەر - مۇلىك (توبى) شەكتى جارنا سەرىكتەستىگىنىڭ باس جوراسى، جۇڭگو استىق جىدي شەكتى سەرىكتەستىگى پارتكومىنىڭ شۋجيى، باس جوراسى، دايۋەچىڭ جارنا مەڭگەرۋ توبى شەكتى جارنا سەرىكتەستىگى پارتكومىنىڭ شۋجيى، باس جوراسى قاتارلى قىزمەت قولايلىلىعىنان پايدالانىپ، تۇرعىن ءۇي سيلىعىن جالعان مالىمدەۋ، شىعىستى جالعاننان جاساۋ، جالعان سيلىق اقشا بەرۋ سياقتى تاسىلدەرمەن ۇكىمەت اقشاسىن الداپ الىپ، الەۋمەتتىك مال ـ مۇلىكتى زاڭسىز يەمدەنگەن، جالپى حالىق اقشاسى بويىنشا 2 ميلليون 410 مىڭ يۋاننان اسقان. 2013 - جىلدان 2014 - جىلعا دەيىن، جوۋ جىڭ جۇڭگو استىق جىدي شەكتى سەرىكتەستىگى پارتكومىنىڭ شۋجيى، باس جوراسى، جۇڭگو استىق جەر - مۇلىك توبى شىنجىن قورا - جاي اشۋ شەكتى سەرىكتەستىگىنىڭ باس جوراسى قاتارلى قىزمەت قولايلىلىعىنان پايدالانىپ، قىزمەت ۇقىعىن بەتالدى ىستەتىپ، بەلگىلەمەگە قايشى تۇردە قاتىستى نىسانداردى ىلگەرىلەتىپ، مەملەكەت مەنشىگىندەگى مال - مۇلىكتى زيانعا ۇشىراتقان، جالپى زيان حالىق اقشاسى بويىنشا 101 ميلليون يۋاننان اسقان.

يۇنچىڭ قالالىق ورتا دارەجەلى حالىق سوت مەكەمەسى بىلاي دەپ قارايدى: ايىپكەر جوۋ جىڭنىڭ ارەكەتى پارا الۋ قىلمىسى، قيانات جاساۋ قىلمىسى، مەملەكەت مەنشىگىندەگى سەرىكتىك قىزمەتكەرىنىڭ قىزمەت ۇقىعىنان بەتالدى پايدالانۋ قىلمىسىن قالىپتاستىرادى، جوۋ جىڭنىڭ العان پاراسىنىڭ سوماسى توتەنشە كوپ، قيانات سوماسى توتەنشە كوپ، مەملەكەت مەنشىگىندەگى سەرىكتىك قىزمەتكەرى رەتىندە قىزمەت ۇقىعىنان بەتالدى پايدالانىپ، مەملەكەت مۇددەسىن ەرەكشە اۋىر زيانعا ۇشىراتقان، ونى زاڭ بويىنشا جازالاۋ كەرەك. ول سوتقا كەلگەننەن كەيىن قىلمىسىن تۋرا تانىپ، دەلونى ءبىر جاقتى ەتۋ ورگاندارى ءالى يگەرمەگەن پارا الۋ قىلمىس فاكتىلەرى مەن ءبىر ءبولىم قياناتشىلدىق قىلمىس فاكتىلەرىن ىرىقتىلىقپەن تاپسىرىپ، پارا العاندىعىن ءوزى مالىمدەۋ جاعدايى بار، قىلمىسىن تانىپ، رايىنان قايتقان، زاڭسىز ولجانى بەلسەنە قايتارعان، پارا الىپ، قيانات جاساپ تاپقان زاڭسىز اقشا مەن زاڭسىز ولجانى تۇگەل قۋزاپ قايتارىپ العاندىقتان، مەملەكەت مەنشىگىندەگى سەرىكتىكتەگى قىزمەتكەرلەردىڭ قىزمەت ۇقىعىنان بەتالدى پايدالانۋىنان تۋىلعان زياندى قايتارىپ العاندىقتان، ونىڭ پارا الۋ قىلمىسىن جەڭىلدەتىپ جازالاۋعا بولادى، قيانات جاساۋ قىلمىسىن، مەملەكەت مەنشىگىندەگى سەرىكتىك قىزمەتكەرىنىڭ قىزمەت ۇقىعىنان بەتالدى پايدالانۋ قىلمىسىن جەڭىل جازالاۋعا بولادى. سونىمەن سوت مەكەمەسى جوعارىداعىداي ۇكىم شىعاردى.

كەلۋ قاينارى: حالىق تورابى