قوعام حاۋىپسىزدىگى مينيسترلىگىنىڭ ينتەرنەت حاۋىپسىزدىگىن قورعاۋ تاراۋلارى ”رىكازىداعى جەر سىلكىنىسىنە“  قاتىستى وسەك - اياڭعا ساياتىن تيپتىك دەلولاردى جاريالادى 

ورتالىق تەلەۆيزيا تورابىنىڭ حابارى: قوعام حاۋىپسىزدىگى مينيسترلىگى ينتەرنەت حاۋىپسىزدىگىن قورعاۋ مەڭگەرمەسى ۋيشين تەكشەسىنىڭ حابارلاۋىنشا، ينتەرنەت ورتاسىن ءونىمدى پاكتەندىرىپ، حالىق جۇرتشىلىعىنىڭ زاڭدى ۇقىق – مۇددەسىن كۇش سالا قورعاۋ ءۇشىن، شيزاڭداعى قوعام حاۋىپسىزدىگى ورگانىنىڭ ينتەرنەت حاۋىپسىزدىگىن قورعاۋ تاراۋلارى ”رىكازىداعى جەر سىلكىنىسىنە“ ساياتىن ينتەرنەتتەگى وسەك - اياڭعا سوققى بەرۋ، جونگە سالۋ قىزمەتىن ۇزدىكسىز ورىستەتكەن. قازىرگە دەيىن ينتەرنەتتى قولدانۋشىلاردان جيىنى 21 ادامدى زاڭ بويىنشا تەكسەرىپ ءبىر جاقتى ەتكەن. قازىر ءبىر ءبولىم تيپتىك دەلولاردىڭ ءمان – جايىن جاريالايمىز:

ءبىرىنشى دەلو

ينتەرنەتتى قولدانۋشى لي X، پىڭ X، سى x ۇشەۋى جۇرت نازارىن اۋدارۋ ءۇشىن، ىلگەرىندى - كەيىندى ينتەرنەتتەگى الەۋمەتتىك قارىم - قاتىناس شوعىرىندا جەكە - جەكە ”رىكازىنىڭ ديڭرى اۋدانىندا تۋىلعان جەر سىلكىنىسىندە 208 ادام قازا بولدى“، ”رىكازىنىڭ ديڭرى اۋدانىندا تۋىلعان جەر سىلكىنىسىندە 200 دەن استام ادام قازا بولدى!“، ”قازا بولعانداردىڭ سانى 265 ادامعا جەتتى“ دەگەن سياقتى جالعان اقپاراتتاردى جاريالاپ، جالعان مازمۇنداردىڭ تارالۋىنا سەبەپشى بولىپ، قوعامدا الەۋمەتتىك ءتارتىپتى بىلىقتىرعان.

ەكىنشى دەلو

ينتەرنەتتى قولدانۋشى بۋ X ينتەرنەتتەن باسقا رايونداردا تۋىلعان جەر سىلكىنىسىنىڭ كەسكىنىن ءتۇسىرىپ الىپ، ونى بىلىندىرمەي اۋىستىرىپ، شيزاڭنىڭ رىكازى قالاسىنداعى جەر سىلكىنىسىمەن قاساقانا بايلانىستىرىپ، جالعان كەسكىننىڭ ينتەرنەتتە كوپتەپ تارالۋىن تۋدىرىپ، قوعامدا الەۋمەتتىك ءتارتىپتى بىلىقتىرعان.

ءۇشىنشى دەلو

ينتەرنەت قولدانۋشى دى X جۇرت نازارىن اۋدارۋ ءۇشىن ءبىر كەسكىن تۇسىرگەن ءارى ”جەر سىلكىنىسىنىڭ ىقپالىنان قۇلاۋ جاعدايى تۋىلعان، قاتىستى ادامدار ’قۇتقارىلماعان‘“ دەگەن ءسوزدى جونسىزدىكپەن قوسقاننان كەيىن، قىسقا كەسكىن تەكشەسىندە جاريالاپ، جالعان كەسكىننىڭ ينتەرنەتتە كەڭ كولەمدى تارالۋىن تۋدىرىپ، قوعامدا الەۋمەتتىك ءتارتىپتى بىلىقتىرعان.

جوعارىدا ايتىلعان وسەك - اياڭ شىعارۋشىلارعا، وسەك - اياڭ تاراتۋشىلارعا قوعام حاۋىپسىزدىگى ورگاندارى سىن ايتىپ، تاربيە بەرگەن نەمەسە اكىمشىلىك جاقتان جازاعا تارتقان، قاتىستى ادامدار ءوز قاتەلىگىن تانىپ جەتكەن.

كەلۋ قاينارى: حالىق تورابى