شينجياڭنان تۇڭعىش رەت قىرقىلداۋىق شۇرەگەي بايقالدى 

1 – ايدىڭ 11 – كۇنى تۇستەن بۇرىن، مەملەكەتتىك 2 ـ دارەجەلى ءتۇيىندى قورعالاتىن جابايى حايۋانات، جۇڭگو ورگانيزمدەرىنىڭ الۋان تۇرلىلىگى قىزىل تىزىمدىگىندەگى قاتەر تونگەن ءتۇر — قىرقىلداۋىق شۇرەگەي اتۇش قالاسىنىڭ نانحۋ باقشاسىندا سۋرەتكە ءتۇسىرىلىپ، ەستەلىككە الىندى. بۇل قورعالاتىن وسى قۇستىڭ شينجياڭدا تۇڭعىش رەت سۋرەتكە ءتۇسىرىلىپ، ەستەلىككە الىنۋى.

وسى رەتكى قىرقىلداۋىق شۇرەگەيدىڭ بايقالۋى شينجياڭنان تۇڭعىش رەت ناقتى ەستەلىككە الىنعان بەينە كەسكىندى دالەل بولىپ، شينجياڭداعى قۇستار تىزىمدىگىن جاڭالاعان، سونىمەن، شينجياڭداعى جابايى قۇستار توبىنىڭ سانى 502 تۇرگە جەتكەن.

شينجياڭ حايۋاناتتار عىلىمي قوعامىنىڭ القاسى، اعا ينجەنەرى ديڭ پىڭ: ”بۇكىل ەلىمىز بويىنشا تۇراقتى قىستايتىن سۋ قۇستارىن ءبىر ۋاقىتتا باقىلاۋ قىزمەتى اياسىندا شينجياڭ وڭىرىندە جۇرگىزىلگەن تەكسەرۋ بارىسىندا، اتۇش قالاسىنىڭ نانحۋ باقشاسىندا باعىما جاراي مەملەكەتتىك 2 ـ دارەجەلى ءتۇيىندى قورعالاتىن جابايى حايۋانات — قىرقىلداۋىق شۇرەگەيدى باقىلادىم جانە ەستەلىككە الدىم، وسىلايشا ءبىزدىڭ شينجياڭداعى جابايى قۇستار توبىنا جاڭا مۇشە قوسىلدى“ دەدى. (قىزىلسۋ توعىسپالى مەديا ورتالىعىنىڭ جالپىلىق اقپارات قۇرالدارىنىڭ ءتىلشىسى نازيرا نيجات، ۋاڭ پىڭفەي؛ سۋرەتتى تۇسىرگەن لي شياڭرىن، ديڭ پىڭ)

كەلۋ قاينارى: حالىق تورابى