شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن، مەملەكەت ءتوراعاسى لياڭ چياڭمەن جۇڭگو مەن ۆيەتنامنىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

شينحۋا اگەنتتىگى، 1 - ايدىڭ 18 – كۇنى، بەيجيڭ. 1 - ايدىڭ 18 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن، ۆيەتنامنىڭ مەملەكەت ءتوراعاسى لياڭ چياڭمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعىن قىزۋ قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن ۆيەتنام − سوتسياليستىك دوس كورشىلەر ەل جانە ستراتەگيالىق مانگە يە تاعدىرلاس ورتاق تۇلعا. ديپلوماتيالىق قارىم - قاتىناس ورناتقان 75 جىلدان بەرى مەملەكەتتىڭ تاۋەلسىزدىگىنە جانە ۇلت ازاتتىعىنا قول جەتكىزۋدىڭ داڭقتى جىلدارىندا ەكى جاق تىزە قوسا كۇرەس جۇرگىزىپ، ءوزارا قولداۋ كورسەتتى، ”ۆيەتنام مەن جۇڭگونىڭ دوستىعى تەرەڭ، جولداس ۇستىنە باۋىرلاس بولۋى“ ەكى پارتيا، ەكى ەل قارىم - قاتىناسىنىڭ ەڭ جاندى كورىنىسىنە اينالدى. سوتسياليستىك قۇرىلىس ىستەرىندە ەكى جاق ءوزارا ۇيرەنىپ، ءوزارا ۇلگى الىپ، قول ۇستاسا بىرگە ىلگەرىلەپ، جالپى بەتتىك ستراتەگيالىق سەلبەستىكتى ۇزدىكسىز تەرەڭدەتتى، مۇراتتاس بولۋ، تاعدىرلاس بولۋ ەكى پارتيا، ەكى ەل قارىم - قاتىناسىنىڭ ەڭ كورنەكتى ەرەكشەلىگىنە اينالدى. مەن 2023 - جىلى ۆيەتنامدا تابىستى ساپاردا بولدىم، ەكى جاق ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن قول ۇستاسا بىرگە قۇرۋدى جاريالادى، ەكى پارتيا، ەكى ەل قارىم - قاتىناسى تىڭ ساتىعا كوتەرىلدى.

شي جينپيڭ بىلاي دەپ باسا دارىپتەدى: قازىر دۇنيە ءجۇزى وزگەرىسى، ءداۋىر وزگەرىسى، تاريح وزگەرىسى بۇرىن بولىپ كورىلمەگەن تاسىلمەن قانات جايۋدا، جۇڭگو مەن ۆيەتنام ەكى ەلدىڭ سوتسياليزم جولىمەن ۇزدىكسىز ويداعىداي ءجۇرۋى ەكى پارتيانىڭ، ەكى ەلدىڭ بولاشاق تاعدىرىنا، دۇنيە ءجۇزى سوتسياليزم ىستەرىنىڭ بولاشاعىنا قاتىستى، وسى ءوڭىردىڭ، اۋەلى، دۇنيە ءجۇزىنىڭ بەيبىتشىلىگى، ورنىقتىلىعى جانە دامىپ گۇلدەنۋى جونىنەن ماڭىزدى ءمان الادى. مەن جۇڭگو - ۆيەتنام قارىم - قاتىناسىنىڭ دامۋىنا ايرىقشا ءمان بەرەمىن، سىزدەرمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعىن جانە ”جۇڭگو - ۆيەتنام گۋمانيتارلىق اۋىس - كۇيىس جىلىن“ وراي ەتىپ، اۋەلگى ماقساتتى، بورىشتى ەستە بەرىك ساقتاپ، ستراتەگيالىق ءوزارا سەنىمدىلىكتى تەرەڭدەتىپ، ناقتى ىستەر سەلبەستىگىن كۇشەيتىپ، سوتسياليستىك وسىزامانداندىرۋ قۇرىلىسىنىڭ جاڭا جورىعىندا قيىندىقتى ۇزدىكسىز بىلەك بىرىكتىرە جەڭىپ، قول ۇستاسا العا باسىپ، ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن قۇرۋدى ىلگەرىلەتۋدە ۇزدىكسىز تىڭ جەتىستىكتەرگە قول جەتكىزىپ، ەكى ەل حالقىن اناعۇرلىم ويداعىداي باقىتقا كەنەلتىپ، دۇنيە ءجۇزىنىڭ سوتسياليزم ىستەرىن گۇلدەندىرۋگە، ادامزاتتىڭ دامۋىن، العا باسۋىن جەبەۋگە ماڭىزدى ۇلەس قوسۋدى قالايمىن.

سۋ لين مىنالاردى ءبىلدىردى: 75 جىلدان بەرى ەكى پارتيانىڭ، ەكى ەلدىڭ قول ۇستاسا بىرگە ىلگەرىلەۋى ”ۆيەتنام مەن جۇڭگونىڭ دوستىعى تەرەڭ، جولداس ۇستىنە باۋىرلاس بولۋ“ سىندى ءداستۇرلى سۇيىسپەنشىلىك بولىپ ۇيىستى. ۆيەتنام پارتياسى، ۇكىمەتى جانە حالقى جۇڭگومەن قارىم - قاتىناسىن دامىتۋدى باستان - اياق ۆيەتنامنىڭ ديپلوماتيالىق ساياساتىنداعى دايەكتى قۋاتتاماسى سانايدى جانە ونى ماڭداي الدى ورىنعا قويادى. حالىقارالىق، وڭىرلىك جاعدايدا كۇردەلى دە تەرەڭ وزگەرىستەر تۋىلعان، ەكى ەلدىڭ سوتسياليزم ىستەرى شەشۋشى ساتىعا قادام تاستاعان جاعدايدا ەكى پارتيانىڭ، ەكى ەلدىڭ ەڭ جوعارى باسشىلارى ستراتەگيالىق مانگە يە ۆيەتنام - جۇڭگو تاعدىرلاس ورتاق تۇلعاسىن قۇرۋعا ءبىر اۋىزدان ماقۇل بولدى. مەن ەكى پارتيانىڭ، ەكى ەلدىڭ جوعارى جىكتەگىلەرىنىڭ تىكەلەي قامقورلىعىندا، جەتەكشىلىگىندە، ەكى جاقتىڭ ءارقايسى تاراۋلارىنىڭ تىعىز سايكەسىپ، ۆيەتنام - جۇڭگو تاعدىرلاس ورتاق تۇلعاسى قۇرىلىسىن تىڭ ساتىعا كوتەرۋدى ىلگەرىلەتەتىندىگىنە كامىل سەنەمىن.

لياڭ چياڭ مىنالاردى ءبىلدىردى: ۆيەتنام مەن جۇڭگو ديپلوماتيالىق قارىم - قاتىناس ورناتقان 75 جىلدان بەرگى تاريحي اماليات مىنانى دالەلدەدى: ەكى ەلدىڭ ءداستۇرلى دوستىق قارىم - قاتىناسىن دامىتۋ ەكى ەل حالقىنىڭ ءتۇبىرلى ارمانىنا جانە ۇزاق بولاشاقتىق مۇددەسىنە ۇيلەسەدى، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگىنە، ورنىقتىلىعىنا، سەلبەستىگىنە جانە دامۋىنا ۇلەس قوسادى. ۆيەتنام جاق جۇڭگو جاقپەن بىرگە جالپى بەتتىك ستراتەگيالىق سەلبەستىكتى ۇزدىكسىز تەرەڭدەتىپ، ستراتەگيالىق مانگە يە ۆيەتنام - جۇڭگو تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. شي جينپيڭ جولداستى ۇيىتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسىشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، جۇڭگونىڭ، ءسوز جوق، پارتيا 20 - قۇرىلتايىندا العا قويىلعان ءتۇرلى نىسانا - مىندەتتەردى جەڭىسپەن جۇزەگە اسىرىپ، جۇڭگونى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعاتىندىعىنا سەنەمىن.

سول كۇنى مەملەكەتتىك كەڭەستىڭ زۇڭليى لي چياڭ ۆيەتنام ۇكىمەتىنىڭ زۇڭليى فان ميڭجىڭمەن ءوزارا قۇتتىقتاۋ تەلەگرامماسىن جولدادى. لي چياڭ مىنالاردى ءبىلدىردى: مەن زۇڭلي جولداسپەن بىرگە قۇلشىنىپ، ەكى پارتيانىڭ، ەكى ەلدىڭ ەڭ جوعارى باسشىلارىنىڭ ماڭىزدى ورتاق تانىمىن مۇقيات تياناقتاندىرىپ، ەكى جاقتى قارىم - قاتىناستىڭ دامۋىنىڭ جانە ەكى ەلدىڭ ءار سالاداعى سەلبەستىگىنىڭ تىڭ ساتىعا كوتەرىلۋىن ىلگەرىلەتۋدى قالايمىن.

فان ميڭجىڭ مىنالاردى ءبىلدىردى: ۆيەتنام جاق جۇڭگو جاقپەن ەكى جاقتىڭ ءارقايسى تاراۋلارىنا، ءارقايسى جەرلەرىنە قاراتىلعان قۋزاۋدى، جەتەكشىلىك ەتۋدى كۇشەيتىپ، ماڭىزدى سەلبەستىك جوباسىن جەدەل تياناقتاندىرىپ، ەكى پارتيانىڭ، ەكى ەلدىڭ جوعارى جىكتەگىلەرىنىڭ ”التى اناعۇرلىم“ جونىندەگى ورتاق تانىمىنىڭ تياناقتانىپ، ونىمدىلىك كورسەتۋىن جەبەۋدى قالايدى.

كەلۋ قاينارى: حالىق تورابى