بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.01.20 14:27 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 19 – كۇنى، بەيجيڭ. تاياۋدا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «وقۋ – اعارتۋدا قۋاتتى ەل قۇرۋ جوبا باعدارلاماسىن (2024 – جىلدان 2035 – جىلعا دەيىن)» (تومەندە قىسقاشا «باعدارلاما» دەلىنەدى) باسىپ تاراتىپ، 2035 - جىلعا بارعاندا وقۋ - اعارتۋدا قۋاتتى ەل قۇرۋ نىساناسىن بەتكە الىپ، وقۋ - اعارتۋدا قۋاتتى ەل قۇرۋدى جەدەلدەتۋ جونىندە جان - جاقتى، جۇيەلى ورنالاستىرۋ جاسادى.
«باعدارلاما» شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋىن جاپپاي دايەكتىلەندىرىپ، وقۋ - اعارتۋدى الدىمەن دامىتۋعا تاباندى بولىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، جۇڭگوشا سوتسياليستىك وقۋ - اعارتۋدى دامىتۋ جولىمەن بۇلجىماي ءجۇرىپ، سوتسياليستىك مەكتەپ باسقارۋ بەتالىسىنا تاباندى بولىپ، وقۋ - اعارتۋدىڭ ساياسي سيپاتىن، حالىقتىق سيپاتىن، ستراتەگيالىق سيپاتىن جاپپاي يگەرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، پارتيا ءۇشىن ادام تاربيەلەپ، مەملەكەت ءۇشىن دارىندى تاربيەلەپ، جۇڭگو ۇلگىسىندەگى وسىزامانداندىرۋ قۇرىلىسىنا جاپپاي قىزمەت وتەپ، جۇڭگونىڭ بايتاق دالاسىنا تامىر تارتىپ وقۋ – اعارتۋ ىستەرىن جۇرگىزىپ، جوعارى ساپالى وقۋ - اعارتۋ جۇيەسىن جەدەل قۇرىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن باۋلىپ، مىعىم يدەيالىق - ساياسي جەتەكشىلىك قۋاتىنا، دارىندىلاردىڭ باسەكەلىك قۋاتىنا، عىلىم - تەحنيكالىق تىرەك قۋاتىنا، حالىق تۇرمىسىن قامتاماسىزداندىرۋ قۋاتىنا، قوعامدىق سايكەسۋ قۋاتىنا، حالىقارالىق ىقپالعا يە جۇڭگوشا سوتسياليستىك وقۋ - اعارتۋدا قۋاتتى ەل قۇرۋدى جەدەلدەتىپ، سوتسياليستىك وسىزاماندانعان قۇدىرەتتى ەل قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە پارمەندى تىرەك ازىرلەدى.
«باعدارلامادا» مىنالار العا قويىلدى: پارتيانىڭ وقۋ - اعارتۋ ىستەرىنە جاپپاي باسشىلىعىنا تاباندى بولىپ، ادىلدىكتى جەبەۋدى، ساپانى جوعارىلاتۋدى كورنەكتىلەندىرىپ، ستراتەگيالىق جەتەكشىلىكتى كۇشەيتىپ، دامۋعا تىرەك بولىپ، رەفورمانى، جاڭالىق اشۋدى، سايكەسۋدى، توعىسۋدى تەرەڭدەتىپ، دەربەس بولۋعا، وزىنە سەنۋگە، الەمدى كوكەيدە ساقتاۋعا تاباندى بولۋ كەرەك. مەملەكەت ستراتەگياسىنا دەم بەرۋ مەن حالىق تۇرمىسى قاجەتىن قاناعاتتاندىرۋدىڭ، ءبىلىم ۇيرەتۋ مەن جاپپاي دامىتۋدىڭ، دارىندىلارىن تاربيەلەۋ مەن قوعامنىڭ قاجەتىن قاناعاتتاندىرۋدىڭ، ارنالى، ءتارتىپتى بولۋ مەن ومىرشەڭدىك كۇشتى نىعايتۋدىڭ، جۇڭگونىڭ بايتاق الابىنا تامىر تارتۋ مەن حالىقارا تاجىريبەلەردەن ۇلگى الۋدىڭ قاتىناسىن دۇرىس ءبىر جاقتى ەتىپ، نەگىزدى بەكەمدەپ، رۋحتى سومدايتىن يدەيالىق - ساياسي تاربيە جۇيەسىن، ءادىل، ساپالى نەگىزدىك تاربيە جۇيەسىن، ءوزىن الۋەتتەندىرەتىن كورنەكتى جوعارى دارەجەلى وقۋ - اعارتۋ جۇيەسىن، ءوندىرىس پەن وقىتۋ توعىسقان كاسىپتىك وقۋ - اعارتۋ جۇيەسىن، كەڭ كولەمدى ءومىر بويى تاربيەلەۋ جۇيەسىن، جاڭالىق اشۋ ارقىلى جەتەكتەيتىن عىلىم - تەحنيكالىق تىرەك جۇيەسىن، ساپالى وقىتۋشىلار قوسىنى جۇيەسىن، اشىق، ءوزارا ۇلگى الاتىن حالىقارالىق سەلبەستىك جۇيەسىن جاپپاي ورناتىپ، ىرىدەن قۋاتتى بولۋعا دەيىنگى جۇيەلى شارىقتادى جۇزەگە اسىرۋ كەرەك.
«باعدارلاما» 2027 - جىلعا دەيىنگى جانە 2035 - جىلعا دەيىنگى باستى نىسانالاردى ايقىنداپ، 9 جاقتاعى ءتۇيىندى مىندەتتى ورنالاستىردى: ونەگە كورسەتىپ ادام تاربيەلەۋدىڭ جاڭا جاعدايىن قالىپتاستىرىپ، ۇلتتى گۇلدەندىرۋ ۇلى مىندەتىن ارقالايتىن ءداۋىردىڭ جاڭا ادامدارىن باۋلۋ؛ نەگىزدىك اعارتۋدى نىعايتىپ، ساپالىلاندىرىپ، حالىقتىڭ ساپاسىن جاپپاي جوعارىلاتۋدىڭ ستراتەگيالىق نەگىزگى ءتۇيىنىن بەكەمدەۋ؛ مەملەكەتتىڭ ستراتەگيالىق عىلىم - تەحنيكالىق كۇشىن جەتىلدىرىپ، زورايتىپ، جوعارى دەڭگەيدەگى عىلىم - تەحنيكالىق دەربەستىككە، ءوزىن الۋەتتەندىرۋگە پارمەندى تىرەك بولۋ؛ وسى زامانعى كاسىپتىك وقۋ - اعارتۋ جۇيەسىن جەدەل ورناتىپ، ءىرى ەل شەبەرلەرىن، ىسكەرلەرىن، جوعارى ونەرلى دارىندىلاردى باۋلۋ؛ ۇيرەنىمپاز قوعام قۇرىپ، وقۋ - اعارتۋدى سيفرلاندىرۋمەن دامۋدىڭ جاڭا جولىن اشىپ، دامۋدىڭ جاڭا ابزالدىعىن قالىپتاستىرۋ؛ جوعارى ساپالى ماماندانعان وقىتۋشىلار قوسىنىن قۇرىپ، وقۋ - اعارتۋدا قۋاتتى ەل بولۋ نەگىزىن بەكەمدەۋ؛ وقۋ - اعارتۋدىڭ جالپىلىق رەفورماسىن تەرەڭدەتىپ، وقۋ - اعارتۋدىڭ دامۋ ومىرشەڭدىك كۇشىن قاۋلاتۋ؛ وقۋ - اعارتۋدى سىرتقا اشىق ۇستاۋ ستراتەگياسى مەن تاكتيكاسىن كەمەلدەندىرىپ، دۇنيە جۇزىلىك ىقپالعا يە ماڭىزدى وقۋ - اعارتۋ ورتالىعىن قۇرۋ.
«باعدارلامادا» مىنالار تالاپ ەتىلدى: وقۋ - اعارتۋدا قۋاتتى ەل قۇرۋدا، ءسوز جوق، پارتكوم ءبىر تۇتاس باسشىلىق ەتەتىن، پارتيا مەن ۇكىمەت تەڭ يگەرىپ، بىرگە باسقاراتىن، تاراۋلار ءوز جاۋاپكەرشىلىگىن ارقالايتىن وقۋ - اعارتۋ باسشىلىق ءتۇزىلىسىن كەمەلدەندىرۋ كەرەك. ءار دارەجەلى، ءار ءتۇرلى مەكتەپتەردىڭ پارتيا قۇرىلىسىن جاپپاي ىلگەرىلەتىپ، وقۋ - اعارتۋ جۇيەسىنىڭ ساياسي حاۋىپسىزدىگى مەن جاراسىمدىلىعىن، ورنىقتىلىعىن قورعاۋ كەرەك. ورتالىقتىڭ وقۋ - اعارتۋ قىزمەتىنە باسشىلىق ەتۋ گرۋپپاسىنىڭ ءبىر تۇتاس جوسپارلاپ سايكەستىرۋ، جالپى تۇلعالىق ىلگەرىلەتۋ، تياناقتاندىرۋدى قۋزاۋ رولىن تولىق ساۋلەلەندىرىپ، وقۋ - اعارتۋدا قۋاتتى ەل قۇرۋ بارىسىنداعى كەلەلى ماسەلەلەردى شەشۋدى ىلگەرىلەتىپ، وقۋ - اعارتۋدا قۋاتتى ەل قۇرۋ قۇرىلىسىن باقىلاۋ - باعالاۋدى كۇشەيتۋ كەرەك. ءار دارەجەلى پارتكومدار مەن ۇكىمەتتەر وقۋ - اعارتۋدا قۋاتتى ەل قۇرۋدىڭ ساياسي جاۋاپكەرشىلىگىن شىنايى ارقالاپ، وقۋ - اعارتۋدا قۋاتتى ەل بولۋ قۇرىلىسىن ىلگەرىلەتۋدى ماڭىزدى كۇن تارتىپكە ەنگىزىپ، ءىس جۇزىندىك جاعدايمەن ۇشتاستىرا وتىرىپ دايەكتىلەدىرۋدى، تياناقتاندىرۋدى ويداعىداي يگەرۋى كەرەك. تۇتاس قوعام وقۋ - اعارتۋدا قۋاتتى ەل قۇرۋعا بىرگە كوڭىل بولەتىن، قولداۋ كورسەتەتىن تاماشا ورتا قالىپتاستىرىپ، مەكتەپ، وتباسى جانە قوعام سەلبەسىپ ادام تاربيەلەۋ مەحانيزمىن اقاۋسىزداندىرىپ، وقۋ - اعارتۋدا قۋاتتى ەل قۇرۋدىڭ پارمەندى بىرىككەن كۇشىن قالىپتاستىرۋ كەرەك.
كەلۋ قاينارى: حالىق تورابى
