قازىرگى ەكونوميكالىق جاعداي مەن ەكونوميكالىق قىزمەتكە تالداۋ جاساپ، زەرتتەۋ جۇرگىزدى

شينحۋا اگەنتتىگى، 4 - ايدىڭ 25 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 4 - ايدىڭ 25 - كۇنى ءماجىلىس اشىپ، قازىرگى ەكونوميكالىق جاعداي مەن ەكونوميكالىق قىزمەتكە تالداۋ جاساپ، زەرتتەۋ جۇرگىزدى.

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس بىلاي دەپ قارادى: بيىل جىل باسىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ەكونوميكالىق قىزمەتكە جاپپاي باسشىلىقتى كۇشەيتىپ، جەر - جەر، تاراۋلار كۇش - قۋاتتى قامال الۋعا شوعىرلاندىرىپ، ءتۇرلى ماكرولىق ساياساتتاردى سايكەستىرە كۇش سالىپ، ەكونوميكادا جاقسارۋ جاعدايى جارىققا شىعىپ، قوعامدىق سەنىمدى ۇزدىكسىز سەرپىلتىپ، جوعارى ساپالى دامۋدى تىڭعىلىقتى ىلگەرىلەتىپ، قوعامدىق جالپى جاعدايدىڭ ورنىقتىلىعىن ساقتادى. سونىمەن بىرگە، ەلىمىز ەكونوميكاسىنىڭ ۇزدىكسىز قالپىنا كەلۋىنىڭ جاقسارۋ نەگىزىن ءالى دە بەكەمدەۋگە تۋرا كەلەدى، سىرتقى سوققىنىڭ ىقپالى كۇشەيە ءتۇستى. تومەنگى شەكتە ويلاۋدى كۇشەيتىپ، جوبانى تولىق دايىنداپ، ەكونوميكالىق قىزمەتتى تىڭعىلىقتى، ويداعىداي ىستەۋ كەرەك.

ءماجىلىس مىنالاردى اتاپ كورسەتتى: ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، جاڭا دامۋ ارناسىن جەدەل ورناتىپ، ەل ءىشى ەكونوميكالىق قىزمەتى مەن حالىقارالىق ەكونوميكا - ساۋدا كۇرەسىن ءبىر تۇتاس جوسپارلاپ، ءوز ءىسىن بۇلجىماي جاقسى ىستەپ، جوعارى دەڭگەيدە سىرتقا ەسىك اشۋدى بۇلجىماي كەڭەيتىپ، جۇمىستانۋدى، كاسىپورىندى، بازاردى، مەجەنى كۇش سالا ورنىقتىرىپ، جوعارى ساپالى دامۋ ارقىلى سىرتقى ورتانىڭ شۇعىل وزگەرىسىنىڭ تۇراقسىزدىعىنا توتەپ بەرۋ كەرەك.

ءماجىلىس مىنالاردى باسا دارىپتەدى: اناعۇرلىم بەلسەندى، ۇتىمدى ماكرولىق ساياساتتاردى جەدەل اتقارىپ، اناعۇرلىم بەلسەندى قازىنا ساياساتىنان جانە ۇيلەسىمدى كەڭ اقشا ساياساتىنان ويداعىداي، تولىق، ۇتىمدى پايدالانۋ كەرەك.

جەرگىلىكتى ۇكىمەتتەردىڭ ارناۋلى زايوم، ەرەكشە زايوم سياقتىلاردى تاراتۋى مەن پايدالانۋىن تەزدەتۋ كەرەك. نەگىزگى ساتىداعى ”ءۇشتى قامتاماسىز ەتۋدىڭ“ تومەنگى شەگىن بەرىك ساقتاۋ كەرەك. ولشەمدى دەر كەزىندە تومەندەتىپ، ءوسىمدى تومەندەتىپ، جىلجىمالىلىقتىڭ مولشىلىعىن ساقتاپ، ناقتى ەكونوميكانى كۇش سالا قولداۋ كەرەك. جاڭا قۇرىلىمدىق اقشا ساياساتى قۇرالىن دايىنداپ، جاڭاشا ساياساتتىق فينانس قۇرالدارىن دايىنداپ، عىلىم - تەحنيكادا جاڭالىق جاراتۋعا، تۇتىنۋدى كەڭەيتۋگە، سىرتقى ساۋدانى ورنىقتىرۋعا قولداۋ كورسەتۋ كەرەك. ساياساتتىق بەتالىستىڭ بىردەيلىگىن كۇشەيتۋ كەرەك.

ءماجىلىس مىنالاردى اتاپ كورسەتتى: ورتا، تومەن كىرىستى قاۋىمنىڭ كىرىسىن جوعارىلاتىپ، قىزمەت وتەۋ تۇتىنۋىن زور كۇشپەن دامىتىپ، تۇتىنۋدىڭ ەكونوميكانىڭ ارتۋىن جەبەۋ رولىن كۇشەيتۋ كەرەك. تۇتىنۋ سالاسىنداعى شەكتەۋ شارالارىن تەز ارادا اداقتاپ، قىزمەت وتەۋ تۇتىنۋىنا جانە قارتتاردى كۇتىمدەۋگە بەرىلەتىن ۇستەمە قارىز اقشا بەلگىلەۋ كەرەك. قارجىلاي قولداۋ تەبىنىن ارتتىرىپ، ”ەكى جاڭا“ ساياساتتى اتقارۋدى كەڭەيتىپ، ”ەكى كەلەلى“ قۇرىلىسىن اتقارۋعا كۇش سالۋ كەرەك.

ءماجىلىس مىنالاردى باسا دارىپتەدى: قيىنشىلىعى بار كاسىپورىندارعا كوپ ءتۇرلى شارانى قاتار قولدانىپ كومەكتەسۋ كەرەك. قارجى قۇراۋدى قولداۋدى كۇشەيتۋ كەرەك. ىشكى - سىرتقى ساۋدانىڭ ءبىر تۇلعالانۋىن جەدەل ىلگەرىلەتۋ كەرەك.

جاڭاشا وندىرگىش كۇشتەردى جەتىلدىرىپ جانە زورايتىپ، جاڭادان گۇلدەنگەن تىرەكتى كاسىپ سالالارىنان ءبىر توبىن قالىپتاستىرۋ كەرەك. شەشۋشى، وزەكتى تەحنيكالاردان قامال الۋدى ۇزدىكسىز كۇش سالا ىلگەرىلەتىپ، زايوم بازارىنىڭ ”عىلىم - تەحنيكا بولىگىن“ جاڭالىق اشىپ العا قويىپ، ”جاساندى زەردە+“ ارەكەتىن جەدەل اتقارۋ كەرەك. ءتۇيىندى كاسىپ سالالارىنىڭ ساپاسىن، دارەجەسىن جوعارىلاتۋدى كۇش سالا ىلگەرىلەتىپ، ولشەم ارقىلى جەتەكشىلىك ەتۋگە تاباندى بولىپ، باسەكە ءتارتىبىن ارناعا ءتۇسىرۋ كەرەك.

ءماجىلىس مىنالاردى باسا دارىپتەدى: رەفورما جاساپ، ەسىك اشۋدى تەرەڭدەتۋ ءادىسى ارقىلى دامۋ بارىسىنداعى ماسەلەلەردى شەشۋگە تاباندى بولۋ كەرەك.

بۇكىل ەل بويىنشا بىرلىككە كەلگەن ءىرى بازار قۇرىلىسىن جەدەلدەتىپ، كاسىپورىندارعا ساياتىن زاڭ اتقارۋدى ارناعا ءتۇسىرۋ ارناۋلى ارەكەتىن تىڭعىلىقتى ورىستەتۋ كەرەك. قىزمەت وتەۋ كاسىبىن اشىق ۇستاۋدى تۇيىندە سىناق ەتۋ ساياساتىنىڭ تەبىنىن ارتتىرىپ، كاسىپورىندارعا ”سىرتقا شىعارۋ“ جاعىنان قىزمەت وتەۋدى كۇشەيتۋ كەرەك. حالىقارالىق قوعاممەن بىرگە كوپ جاقتىلىقتى بەلسەنە قورعاپ، سىڭار جاقتىلىققا قارسى تۇرۋ كەرەك.

ءماجىلىس مىنالاردى اتاپ كورسەتتى: ءتۇيىندى سالالارداعى حاۋىپ - قاتەردەن ۇزدىكسىز كۇش سالا ساقتانۋ جانە ونى جويۋ كەرەك. جەرگىلىكتى ۇكىمەتتەردىڭ ءبىر قىدىرۋ قارىز ساياساتىن ۇزدىكسىز اتقارىپ، جەرگىلىكتى ۇكىمەتتەردىڭ كاسىپورىنداردىڭ قارىز اقشاسىن كەشەۋىلدەتۋ ماسەلەسىن شەشۋدى تەزدەتۋ كەرەك.

قالانى جاڭالاۋ ارەكەتىن كۇش سالا اتقارىپ، قالا ىشىندەگى قىستاقتاردى جانە قاتەرلى، كونە ۇيلەردى جاڭالاۋدى پارمەندى، ءتارتىپتى ىلگەرىلەتۋ كەرەك.

ءۇي - جاي شارۋاشىلىعىن دامىتۋدىڭ جاڭا ۇلگىسىن جەدەل ورناتىپ، جوعارى ساپالى تۇرعىن ۇيمەن قامداۋدى كۇشەيتىپ، ىركىندى تاۋار ۇيلەردى ساتىپ الۋ ساياساتىن ساپالىلاندىرىپ، ءۇي - جاي بازارىنىڭ ورنىقتىلىق جاعدايىن ۇزدىكسىز بەكەمدەۋ كەرەك. كاپيتال بازارىن ۇزدىكسىز ورنىقتىرۋ جانە جانداندىرۋ كەرەك.

ءماجىلىس مىنالاردى باسا دارىپتەدى: حالىق تۇرمىسىن كۇش سالا قامتاماسىز ەتۋ كەرەك. كەدەن باجىسىنىڭ ىقپالى ءبىرشاما زور بولعان كاسىپورىندارعا جۇمىسسىزداردى قامسىزداندىرۋ قورى جونىنەن جۇمىس ورنىن ورنىقتىرىپ قايتارۋ سالىستىرماسىن جوعارىلاتۋ كەرەك. قوعامدىق قۇتقارۋدىڭ ساتىلارعا، تۇرگە بولىنگەن جۇيەسىن اقاۋسىزداندىرۋ كەرەك. اۋىل شارۋاشىلىق ءوندىرىسىن كۇشەيتىپ، استىق سياقتى ماڭىزدى اۋىل شارۋاشىلىق ونىمدەرىنىڭ باعاسىن ورنىقتىرۋ كەرەك. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى جانە كەڭەيتۋدى اۋىل - قىستاقتى گۇلدەندىرۋمەن ۇتىمدى ۇشتاستىرۋ كەرەك. ءوندىرىس حاۋىپسىزدىگى جانە اپاتتان ساقتانۋ، اپات زيانىن ازايتۋ سياقتى قىزمەتتەردى ۇزدىكسىز ويداعىداي يگەرۋ كەرەك.

ءماجىلىس مىنالاردى اتاپ كورسەتتى: جۇمىستاندىرۋدى ورنىقتىرۋ، ەكونوميكانى ورنىقتىرۋ ساياساتتىق قۇرال - سايمان ساندىعىن ۇزدىكسىز كەمەلدەندىرىپ، بەلگىلەنگەن ساياساتتاردى ەرتە شىعارىپ، ەرتەرەك ناتيجەسىن كورسەتىپ، جاعداي وزگەرىسى بويىنشا تىڭنان ارتقان، زاپاس ساياساتتاردى دەر كەزىندە العا قويىپ، قالىپتان تىس كەرى پەريودتىق رەتتەۋدى كۇشەيتىپ، ەكونوميكانىڭ دامۋى مەن قوعام ورنىقتىلىعىنىڭ نەگىزگى اۋقىمىن بار كۇشپەن بەكەمدەۋ كەرەك.

ءماجىلىس مىنالاردى باسا دارىپتەدى: پارتيانىڭ ەكونوميكالىق قىزمەتكە جاپپاي باسشىلىعىن كۇشەيتىپ، پارتيالى كادرلاردى قيىندىقتان تايسالماي العا ۇمتىلىپ، ىرىقتىلىقپەن ىسكەرلىك كورسەتىپ، دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋگە شابىتتاندىرۋ كەرەك. ورتالىقتىڭ سەگىز ءتۇرلى بەلگىلەمەسىنىڭ رۋحىن ۇيرەنۋ تاربيەسىن مۇقيات ىشكەرىلەي ورىستەتىپ، ستيل قۇرىلىسىنىڭ جاڭا ناتيجەلەرى ارقىلى جوعارى ساپالى دامۋدىڭ جاڭا جاعدايىن اشۋ كەرەك.

ءماجىلىس باسقا ىستەردى دە اقىلداستى.

كەلۋ قاينارى: حالىق تورابى