كاسىپتىك اۋرۋلار تىزىمدىگىندەگى اۋرۋلار سانى ارتىپ 135  تۇرلىگە جەتتى 

ورتالىق تەلەۆيزيا تورابىنىڭ حابارى: 2025 – جىلى 4 – ايدىڭ 25 – كۇنىنەن 5 – ايدىڭ 1 – كۇنىنە دەيىن، مەملەكەتتىك 23 – كەزەكتى «جۇڭحۋا حالىق رەسپۋبليكاسىنىڭ كاسىپتىك اۋرۋلاردان ساقتانۋ جانە ونى ەمدەۋ زاڭىن» ۇگىتتەۋ اپتالىعى ورىستەتىلەدى. جۋىرداعى جىلداردان بەرى، ەلىمىز كاسىپتىك جاقتاعى سالاماتتىقتى قورعاۋ ارەكەتىن ۇزدىكسىز ورىستەتىپ، ەڭبەكشىلەردىڭ دەنساۋلىعى مەن قاتىستى ۇقىق – مۇددەلەرىن قورعادى. جاڭا نۇسقاداعى «كاسىپتىك اۋرۋلاردى تۇرگە ءبولۋ تىزىمدىگىندەگى» كاسىپتىك اۋرۋلار سانى اسىلگى 10 ءىرى تۇردەگى 132 تۇرلىدەن 12 ءىرى تۇردەگى 135 تۇرلىگە ارتتى، 2025 – جىلى 8 – ايدىڭ 1 – كۇنىنەن باستاپ اتقارىلادى.

مەملەكەتتىك دەنساۋلىق ساقتاۋ – سالاماتتىق كوميتەتى، حالىق ىستەرى مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتارلى التى تاراۋ ”ەڭبەكشىلەردىڭ پسيحيكالىق دەنساۋلىعىنا كوڭىل ءبولۋ“ تاقىرىبىنداعى ۇگىت اپتالىعى قيمىلىن ورىستەتىپ، جەر – جەردەن ەڭبەكشىلەرگە پسيحيكالىق جاقتا كەڭەس بەرۋ، پسيحيكالىق جاقتا ءجون سىلتەۋ جانە ەمدەۋ قاتارلى جاقتاردا قىزمەت وتەۋدى، كاسىپتىك قىزمەتكەرلەردىڭ سوزىلمالى اۋرۋلارعا شالدىعۋىنان ساقتانۋ جانە ونى ەمدەۋ، سالاماتتى دەنە سالماعىن ساقتاۋ، پسيحيكالىق اقاۋسىزدىقتى ىلگەرىلەتۋ قاتارلىلاردى ويداعىداي ىستەۋدى تالاپ ەتەدى.

كەلۋ قاينارى: حالىق تورابى