جاڭا داۋىردە جاۋاپكەرلىكتى باتىلدىقپەن ارقالايتىن كۇرەسكەرلەر بولايىق (باسماقالا)

”1 - مامىر“ حالىقارالىق ەڭبەكشىلەر مەرەكەسى قارساڭىندا پارتيا ورتالىق كوميتەتى، مەملەكەتتىك كەڭەس جينالىس اشىپ، جۇڭحۋا مەملەكەتتىك باس جۇمىسشى ۇيىمى قۇرىلعاندىعىنىڭ 100 جىلدىعىن سالتاناتپەن قۇتتىقتادى، ءبىر توپ مەملەكەتتىك ەڭبەك ەرلەرى مەن وزات قىزمەتكەرلەردى ماداقتاپ - سيلادى. بۇل − پارتيانىڭ 20 - قۇرىلتايىندا جاڭا ءداۋىردىڭ جاڭا جورىعىنداعى پارتيانىڭ وزەكتى مىندەتى ايقىندالعاننان كەيىن تۇڭعىش رەت مەملەكەتتىك ەڭبەك ەرلەرىن ماداقتاپ - سيلاۋدىڭ ورىستەتىلۋى، مۇنىڭ بۇكىل پارتيانى، بۇكىل ەلدەگى ءار ۇلت حالقىن اناعۇرلىم تاسقىنداعان ىنتامەن، اناعۇرلىم قايسار كۇرەسپەن، اناعۇرلىم پاراساتتى جاسامپازدىقپەن جۇڭگو ۇلگىسىندەگى وسىزامانداندىرۋدى ىلگەرىلەتۋ جولىندا كەۋدە كەرىپ العا شىعىپ، قاجىماي - تالماي كۇرەس جۇرگىزۋگە شابىتتاندىراتىندىعى ءسوزسىز.

ەڭبەك باقىت جاراتادى، كۇرەس ۇلى ءىس جاراتادى. جاڭا داۋىردەن بەرى، اسىرەسە، 2020 - جىلدان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى حالىقتى ىنتىماقتاستىرىپ جانە باستاپ، ۇدەرە العا تارتىپ، قاتاڭ دا كۇردەلى حالىقارالىق جاعداي مەن ىركەس - تىركەس كەلگەن وراسان زور حاۋىپ - قاتەر مەن سىن - سايىسقا ءونىمدى توتەپ بەرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدە تىڭ دا نىق قادام تاستادى. وسى تاريحي بارىستا ءار سالا، ءار كاسىپتەن ءبىر توپ وزات ۇلگىلەر جارىققا شىقتى، وسى رەت سيلاناتىن ءبىر مىڭ 670 مەملەكەتتىك ەڭبەك وزاتى، 756 مەملەكەتتىك وزات قىزمەتكەر _ ءجۇز ميلليونداعان ەڭبەكشى بۇقارانىڭ كورنەكتى ۋاكىلى. ولار قاراپايىم قىزمەت ورنىندا ەرەكشە ناتيجە جاراتىپ، اۋىر مىندەتتى باتىلدىقپەن ارقالاۋ ءداۋىر كەلبەتىن ايگىلەپ، بۇكىل ەلگە شۇعىلالى ۇيرەنۋ ۇلگىسىن ورناتىپ، قۇدىرەتتى رۋحاني قوزعاۋشى كۇش تۋدىردى.

جاڭا داۋىردەن بەرگى وسى جىلدار وتە ەرەكشە، توتەنشە وزگەشە بولدى، پارتيامىز باستان - اياق حالىققا بەرىك سۇيەنىپ، قاراماققا الۋعا بولمايتىن حاۋىپ - قاتەردى جەڭىپ، تاريحقا جازىلاتىن جاۋاپتاردى قايتاردى. عارىشقا ادام الىپ ۇشۋ ىستەرىنەن قۋانىشتى حابارلار ارت - ارتىنان تارالعاننان كۆانتتىق عىلىم - تەحنيكا، جاساندى زەردە سياقتى عىلىم - تەحنيكا جەتىستىكتەرى ىركەس - تىركەس جارىققا شىققانعا دەيىن، ونان استىق ءونىمى تاريحتان بەرى تۇڭعىش رەت ءبىر تريلليون 400 ميلليارد جىڭ ورەسىنە كوتەرىلىپ، تەمىر جولدىڭ تيجارات ارالىعى 162 مىڭ كيلومەتردەن اسىپ، جاڭا ەنەرگيالى اۆتوكولىكتىڭ جىلدىق ءونىم مولشەرى تۇڭعىش رەت 10 ميلليوننان اسقانعا دەيىن... ەلىمىزدىڭ جۇمىسشى تابى مەن قالىڭ ەڭبەكشى بۇقاراسى پارتيانىڭ باسشىلىعىندا زەيىن - زەردەسىن شوعىرلاندىرىپ ءوز ىستەرىن ويداعىداي ىستەپ، قاۋلاعان ەكونوميكالىق قۇرىلىس تولقىنىندا ءىس تىندىرىپ، شارۋاشىلىق قۇرىپ، قايراتتانا العا ۇمتىلىپ، اقىل - پاراساتتارى مەن ماڭداي تەرلەرى ارقىلى ”جۇڭگو ارمانى · ەڭبەك قاستەرلى“ بولۋدىڭ تىڭ داستانىن جازدى. حالىق − تاريحتى جاراتۋشى. حالىقتى وزەك ەتۋگە باستان - اياق تاباندى بولىپ، حالىقتىڭ ەڭبەك ىنتاسىن تولىق تاسقىنداتىپ، كومەسكى قۋاتىن اشقاندىقتان، جۇڭگو ۇلگىسىندەگى وسىزامانداندىرۋ ەڭ بەرىك نەگىزگە، ەڭ مىعىم كۇشكە يە بولدى.

جۇمىسشىلار قوزعالىسى ىستەرى _ پارتيا ىستەرىنىڭ ماڭىزدى قۇرامداس بولەگى.

جۇمىسشىلار قوزعالىسىنىڭ تاريحىنا كوز جىبەرسەك، پارتيانىڭ 1 - قۇرىلتايىندا جۇڭگو كوممۋنيستىك پارتياسى قۇرىلعاننان كەيىنگى وزەكتى قىزمەت جۇمىسشى قوزعالىسىنا باسشىلىق ەتۋ، ۇيىمداستىرۋ جانە ونى ىلگەرىلەتۋ ەكەندىگى ايقىندالدى. جۇڭگو جۇمىسشى ۇيىمى قۇرىلعان 100 جىلدان بەرى جۇڭگو كوممۋنيستىك پارتياسىنىڭ پارمەندى باسشىلىعىندا، پارتيانىڭ ءارقايسى تاريحي كەزەڭدەردەگى وزەكتى مىندەتىن ارقاۋ ەتىپ، پارتيامەن تىلەكتەس بولىپ، پارتياعا ىلەسىپ كۇرەس جۇرگىزىپ، جۇمىسشى تابى مەن قالىڭ ەڭبەكشى بۇقارانى ىنتىماقتاسا كۇرەس جۇرگىزىپ، ەڭبەك ءسىڭىرىپ، ۇلەس قوسۋعا ۇيىمداستىرىپ جانە جۇمىلدىرىپ، توڭكەرىسكە، قۇرىلىسقا، رەفورماعا ماڭىزدى ۇلەس قوستى. اسىرەسە، جاڭا داۋىردەن بەرى جۇمىسشى ۇيىمى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى داۋىرلىك نەگىزگى تاقىرىپ پەن بەتالىستى مىقتى يگەرىپ، جۇمىسشى - قىزمەتكەرلەردى وزەك ەتكەن قىزمەت بەتالىسىنا تاباندى بولىپ، جۇمىسشى ۇيىمىنىڭ رەفورما جاساپ، جاڭالىق اشۋىن كۇشەيتۋگە تاباندى بولىپ، قالىڭ جۇمىسشى - قىزمەتكەرلەردى ءار سالا، ءار كاسىتە جاڭالىق اشۋعا، جاسامپازدىق جاراتۋعا ۇيىمداستىرىپ، جۇمىلدىرىپ، جاپپاي دوڭگەلەك داۋلەتتى قوعام قۇرۋ، جۇڭگو ۇلگىسىندەگى وسىزامانداندىرۋ ءۇشىن جاۋاپكەرشىلىك ارقالاپ، ىسكەرلىك كورسەتتى.

بۇگىنگى تاڭدا جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتۋدە شەكسىز نۇرلى بولاشاق جارىققا شىقتى. ەلىمىزدىڭ جۇمىسشى تابى مەن قالىڭ ەڭبەكشى بۇقاراسىنىڭ سەنىمى ونان ارى بەكەمدەلىپ، ساپاسى جاپپاي جوعارىلاپ، بەت - بەينەسى شىت جاڭا تۇسكە ەنىپ، قوجايىندىق اسقاق بەينە تولىق ايگىلەنىپ، كۇشتى تاريحي ىرىقتىلىق رۋح تاسقىنداپ، بۇرىستىققا يلانبايتىن، جىن - شايتاننان قورىقپايتىن، قىسىمنان تايسالمايتىن قايسارلىقپەن كۇرەس جۇرگىزۋ ارقىلى ىستەرىمىزدىڭ دامۋىنا جاڭا ءورىس اشىلدى. اماليات ەلىمىزدىڭ جۇمىسشى تابى ايتسا ايتقانداي سوتسياليستىك مەملەكەتىمىزدىڭ باسشى تابى، وزىق وندىرگىش كۇش پەن وندىرىستىك قاتىناستىڭ ۋاكىلى، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى كۇشى ەكەندىگىن تولىق دالەلدەدى. العا باسۋ جولىندا بۇكىل ىنتا - پەيىلىمەن جۇمىسشى تابىنا سۇيەنۋ ءتۇبىرلى باعىتىنا باستان - اياق تاباندى بولىپ، قالىڭ جۇمىسشى - قىزمەتكەرلەردىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرعاندا عانا، العان بەتىنەن قايتپايتىن، جەڭىمپاز ۇلى كۇش ۇيىستىرۋعا بولادى.

قازىر دۇنيە ءجۇزى وزگەرىسى، ءداۋىر وزگەرىسى، تاريحي وزگەرىس بۇرىن بولىپ كورمەگەن تاسىلمەن ورىستەتىلۋدە، كۇرەس نىسانامىزدى جۇزەگە اسىرىپ، ۇلى ىستەرىمىزدى ىلگەرىلەتۋ ەلىمىزدىڭ جۇمىسشى تابى مەن قالىڭ ەڭبەكشى بۇقارانىڭ قوجايىندىق تانىمىن كۇشەيتىپ، نەگىزگى كۇش رولىن ساۋلەلەندىرۋدى ءتىپتى دە قاجەت ەتەدى. بۇل بىزدەن جوعارى ساپالى دامۋ سىندى ماڭداي الدى مىندەتتى مىقتى يگەرىپ، جاڭاشا وندىرگىش كۇشتەردى دامىتۋ، وسىزاماندانعان ەكونوميكالىق جۇيە قۇرۋ سياقتىلاردى ارقاۋ ەتىپ، كاسىپ سالاسى جۇمىسشىلارى قوسىنى قۇرىلىسىن كۇشەيتىپ، ءبىلىمدى، ونەرلى، جاڭاشىل كاسىپ سالاسى جۇمىسشىلارى قوسىنىن جەدەل قۇرىپ، اناعۇرلىم كوپ ءىرى ەل شەبەرلەرىن جانە جوعارى ونەرلى دارىندىلاردى باۋلىپ، جەتىلدىرۋدى؛ وقۋ - اعارتۋ، عىلىم - تەحنيكا، دارىندىلار ىستەرىنىڭ دامۋىن ءبىر تۇلعالاندىرىپ ىلگەرىلەتىپ، ەڭبەكشىلەردىڭ ساپاسىن كۇش سالا جوعارىلاتىپ، ”حالىق سانى يگىلىگىنىڭ“ ”دارىندىلار يگىلىگىنە“ اينالۋىن ىسكە اسىرۋدى ىلگەرىلەتىپ، ەلىمىزدىڭ بولاشاق دامۋىنىڭ جاڭا ابزالدىعىن ۇزدىكسىز كۇشەيتۋدى؛ ەڭبەكشىلەردىڭ زاڭدى ۇقىق - مۇددەسىن شىن مانىندە ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، جۇمىسشى - قىزمەتكەرلەردىڭ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ءونىمدى جوعارىلاتۋدى تالاپ ەتەدى.

اقيقات توتەنشە قاراپايىم بولادى، ناقتى ىستەۋ ماڭىزدى ورىندا تۇرادى. ”جۇڭگو ۇلگىسىندەگى وسىزامانداندىرۋدىڭ جاڭا ساپارىندا ءاربىر ادام _ باس كەيىپكەر“.

ءاربىر قاجىرلى ەڭبەكتىڭ ءبارى ەكپىندەي ىلگەرىلەيتىن ءداۋىر اعىمىنا اينالادى، ءاربىر قادام العا باسقان سايىن بوگەۋ بەرمەس دامۋ اۋقىمىنا اينالادى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ەڭبەك وزاتتارى مەن وزات قىزمەتكەرلەردەن ۇيرەنىپ، ەڭبەك وزاتتارى رۋحىن، ەڭبەك رۋحىن، شەبەرلەر رۋحىن بارىنشا ساۋلەلەندىرىپ، جاۋاپكەرشىلىكتى ارقالاپ، قيىندىقتاردى جەڭىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جالىندى امالياتىندا ەڭبەك كەلبەتىن جازىپ، ءداۋىر داڭقىن جاراتايىق.

كەلۋ قاينارى: حالىق تورابى