14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 15 - ءماجىلىسى بەيجيڭدە وتكىزىلدى

«حالىق گازەتى»، 4 - ايدىڭ 27 - كۇنى، بەيجيڭ (ءتىلشىمىز پىڭ بو). 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 15 - ءماجىلىسى 4 - ايدىڭ 27 - كۇنى تۇستەن بۇرىن بەيجيڭدەگى حالىق سارايىندا ءبىرىنشى جالپى ءماجىلىسىن وتكىزدى. كوميتەت باستىعى جاۋ لىجي ءماجىلىستى باسقاردى.

تۇراقتى كوميتەت قۇرامىنداعىلاردان 159 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

ءماجىلىس مەملەكەتتىك حالىق قۇرىلتايى نەگىزگى زاڭ جانە زاڭدارر كوميتەتىنىڭ مەڭگەرۋشى مۇشەسى شين چۇنيىڭ جاساعان حالىقتىق شارۋاشىلىقتى جەبەۋ زاڭى جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 - رەت قارالعان نۇسقاسى حالىقتىق شارۋاشىلىقتىڭ دامۋىن قولداۋعا قاتىستى شارالاردى ونان ارى تولىقتاپ، زاڭ اتقارۋ ارەكەتىن ونان ارى ارناعا ءتۇسىرىپ، ەڭبەكشىلەردىڭ زاڭدى ۇقىق - مۇددەسىن قورعاۋدى كۇشەيتىپ، حالىقتىق شارۋاشىلىقتىڭ اقاۋسىز دامۋىنىڭ، جوعارى ساپالى دامۋىنىڭ زاڭمەن باسقارۋ ورتاسىن ساپالىلاندىردى.

ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى سۇڭ بين جاساعان جۇقپالى اۋرۋدان ساقتانۋ جانە ونى ەمدەۋ زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى باياندامانى تىڭدادى. جوبانىڭ 3 - رەت قارالعان نۇسقاسىندا مەملەكەتتىك كەڭەستىڭ دەنساۋلىق ساقتاۋ، سالاماتتىق باسقارۋشى تاراۋى مەن اۋرۋدان ساقتانۋ جانە ونى تىزگىندەۋ تاراۋىنىڭ مىندەت ۇقىق شەگى اناعۇرلىم ايقىندالدى؛ جۇقپالى اۋرۋ جاعدايىن تىزگىندەۋگە قاتىستى شارالار مەن قۇتقارۋ جولدارى كەمەلدەندىرىلدى؛ ەمدەۋ قۇرىلىمدارىنىڭ اۋرۋدان ساقتانۋ جانە ونى تىزگىندەۋ قابىلەتى قۇرىلىسىن كۇشەيتۋگە قاتىستى بەلگىلەمەلەر قوسىلدى.

ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى لو يۋان جاساعان اتوم ەنەرگياسى زاڭىنىڭ جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى.

جوبانىڭ 2 - رەت قارالعان نۇسقاسىندا اتوم ەنەرگياسىن زەرتتەۋ، اشۋ جانە ودان پايدالانۋ قيمىلىندا ۇستامدى، سايكەستى بولۋ، قاتار ىلگەرىلەۋ يادرو حاۋىپسىزدىگى كوزقاراسىنا تاباندى بولۋ، مەملەكەتتىڭ يادرو تەحنيكاسىنىڭ ونەركاسىپ، اۋىل شارۋاشىلىعى، بيولوگيا، ەمدەۋ، ەكولوگيالىق ورتانى قورعاۋ سياقتى سالالاردا قولدانىلۋىن قولداۋ جونىندەگى بەلگىلەمە تولىقتاندى.

ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى ۋاڭ حۇڭشياڭ جاساعان تورەلىك ايتۋ زاڭىنىڭ وزگەرىس ەنگىزىلگەن جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ 2 - رەت قارالعان نۇسقاسىندا مەملەكەت تورەلىك ايتۋدىڭ حالىقارالىق اۋىس - كۇيىسىن، سەلبەستىگىن قولدايدى، تورەلىك ايتۋدى باقىلاۋدى كۇشەيتەدى، سوت مەكەمەسىنىڭ تورەلىك ايتۋدى قولداۋىنا قاتىستى تۇزىمدەردى كەمەلدەندىرەدى، حالىقارادا جاپپاي قولدانىلاتىن ەرەجەلەرمەن بەلسەنە ۇشتاستىرادى دەگەن مازمۇندار قوسىلدى.

ەكولوگيالىق ورتا زاڭناماسى _ شي جينپيڭ جولداستى ۇيىتقى ەتكەن پارتيا ورتالىق كوميتەتى جاساعان كەلەلى زاڭمەن جونگە سالۋ قۇرىلىسى جونىندەگى ورنالاستىرۋ.

ەكولوگيالىق ورتا زاڭناماسى قازىر اتقارىلىپ وتىرعان ەكولوگيالىق ورتا زاڭ - ءتۇزىمىن ارناعا ءتۇسىرۋ ارقىلى جۇيەلى بىرىكتىرىپ، قۇراستىرىپ، وڭدەپ، دارەجەسىن شوعىرلى كوتەرىپ، شي جينپيڭ ەكولوگيالىق وركەنيەت يدەياسىن جەتەكشى ەتىپ، جۇڭگوشا ەرەكشەلىككە يە، ءداۋىر ەرەكشەلىگىن ايگىلەيتىن، حالىقتىڭ تىلەگىن بەينەلەيتىن، جۇيەلى ارناعا ءتۇسىرىپ سايكەستىرىلگەن ەكولوگيالىق ورتا زاڭناماسىن قالىپتاستىردى، بۇل _ زاڭ شىعارۋداعى جۇيەلى ينجەنەريا. مەملەكەتتىك حالىق قۇرىلتايى تۇراقتى كوميتەتىنىڭ كوميتەت باستىقتارى ءماجىلىسى ەكولوگيالىق ورتا زاڭناماسى جوباسىن قاراۋعا ۇسىنۋ جونىندەگى كەڭەس جوبانى العا قويدى.

كوميتەت باستىقتارى ءماجىلىسىنىڭ تاپسىرۋىمەن مەملەكەتتىك حالىق قۇرىلتايى تۇراقتى كوميتەتى زاڭ - ءتۇزىم قىزمەتى كوميتەتىنىڭ مەڭگەرۋشىسى شىن چۇنياۋ تۇسىنىك جاسادى.

مەملەكەتتىڭ دامۋ پلانىنىڭ جاسالۋى مەن اتقارىلۋىن قامتاماسىزداندىرۋ، ماكرولىق ەكونوميكانى جونگە سالۋ جۇيەسىن اقاۋسىزداندىرۋ، مەملەكەتتىڭ دامۋ پلانىنىڭ ستراتەگيالىق جەتەكشىلىك رولىن ساۋلەلەندىرۋ ءۇشىن، مەملەكەتتىك كەڭەس مەملەكەتتىڭ دامۋ پلانى زاڭى جوباسىن قاراۋعا ۇسىنۋ تۋرالى كەڭەس جوباسىن العا قويدى. مەملەكەتتىك كەڭەستىڭ تاپسىرۋىمەن مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە تۇسىنىك جاسادى.

تۇرمە حاۋىپسىزدىگىنىڭ تومەنگى شەگىن بەكەمدەپ، تاربيەلەۋ، وزگەرتۋ ساپاسىن جوعارىلاتىپ، قىلمىس وتكىزۋدەن ساقتانىپ جانە ونى ازايتىپ، جوعارى ساپالى تۇرمە حالىق ساقشىلارى قوسىنىن قۇرۋعا، جاڭا داۋىردەگى تۇرمە قىزمەتىنىڭ جوعارى ساپالى دامۋىن ىلگەرىلەتۋگە تۇزىمدىك كەپىلدىك ازىرلەۋ ءۇشىن، مەملەكەتتىك كەڭەس تۇرمە زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن العا قويدى. مەملەكەتتىك كەڭەستىڭ تاپسىرۋىمەن ءادىليا مينيسترى حى رۇڭ تۇسىنىك جاسادى.

مەملەكەتتىك كەڭەستىڭ تاپسىرۋىمەن حى رۇڭ حى رۇڭ مەملەكەتتىك كەڭەسكە جۇڭگو (شينجياڭ) ەركىن ساۋدا سىناق رايونىندا تۇقىم زاڭىن ۋاقىتشا رەتتەپ قولدانۋعا ۇقىق بەرۋگە قاتىستى بەلگىلەمە جوباسى جونىندە تۇسىنىك جاسادى.

مەملەكەتتىك كەڭەستىڭ تاپسىرۋىمەن حى رۇڭ «جۇڭحۋا حالىق رەسپۋبليكاسى مەن ەفيوپيا فەدەراتسيالىق دەموكراتيالىق رەسپۋبليكاسىنىڭ سوتتالعانداردى جوتكەپ باسقارۋ جونىندەگى شارتىن» قاراپ بەكىتۋگە ۇسىنۋ جونىندەگى كەڭەس جوباسىنا تۇسىنىك جاسادى.

مەملەكەتتىك كەڭەستىڭ تاپسىرۋىمەن سىرتقى ىستەر مينيسترلىگى مينيسترىنىڭ ورىنباسارى حۋا چۇنيىڭ «جۇڭحۋا حالىق رەسپۋبليكاسى مەن ساۋد ارابياسىنىڭ ازاماتتىق ىستەر جانە ساۋدا ىستەرى جونىندەگى ءادىليالىق سەلبەستىك جانە ىستەستىك جونىندەگى كەلىسىمىن» قاراپ بەكىتۋگە ۇسىنۋ تۋرالى كەڭەس جوباسى جونىندە تۇسىنىك جاسادى.

مەملەكەتتىك كەڭەستىڭ تاپسىرۋىمەن ەكولوگيالىق ورتا مينيسترلىگىنىڭ مينيسترى حۋاڭ رۇنچيۋ 2024 - جىلعى ورتا جاعدايى مەن ورتانى قورعاۋ نىساناسىنىڭ ورىندالۋ احۋالى جونىندە بايانداما جاسادى. باياندامادا مىنالار اتاپ كورسەتىلدى: 2024 - جىلى ەكولوگيالىق ورتا ساپاسىن جاقسارتۋ كورسەتكىشىندە جىلدىق نىسانا تۇگەلدەي ءساتتى ورىندالىپ، ”14 - بەسجىلدىق“ جوبا نىساناسىنىڭ ۋاقىت ءتارتىبى اياق الىسىنان جاقسى بولدى، الەۋمەتتىك ەكولوگيالىق ورتا جاعىنداعى رازىلىق دارەجەسى ءۇرتىس 4 جىل %90 تەن استى. 2025 - جىلى كوك اسپاندى، تۇنىق سۋدى، تازا توپىراقتى قورعاۋ شايقاسى ۇزدىكسىز ىشكەرىلەي ىلگەرىلەتىلىپ، ەكولوگيالىق ورتا ساپاسىنىڭ ورنىقتىلىق بارىسىندا جاقسارۋى، ۇزدىكسىز جاقسارۋى ىلگەرىلەتىلەدى.

مەملەكەتتىك كەڭەستىڭ تاپسىرۋىمەن قازىنا مينيسترى لان فۋ - ان 2023 - جىلعى مەملەكەت مەنشىگىندەگى مال - مۇلىكتى باسقارۋ احۋالى جونىندەگى باياندامانى قاراۋ پىكىرى جونىندەگى زەرتتەۋ، ءبىر جاقتى ەتۋ احۋالى جانە رەتتەۋ - تۇزەتۋ، جاۋاپقا تارتۋ احۋالى جونىندە بايانداما جاسادى. بايانداما مەملەكەتتىك حالىق قۇرىلتايى تۇراقتى كوميتەتىنىڭ قاراۋ پىكىرى، قاتىستى باقىلاۋ - تەكسەرۋ مالىمەتى جانە ۇسىنىسى سياقتىلارمەن سالىستىرا وتىرىپ، مال - مۇلىك ءتۇرى بويىنشا زەرتتەۋ، ءبىر جاقتى ەتۋ پىكىرى مەن رەتتەۋ - تۇزەتۋ شارالارىنىڭ تياناقتانۋ جاعدايىنان جەكە - جەكە مالىمەت بەرىپ، حالىق قۇرىلتايىنىڭ باقىلاۋ قىزمەتىنە جانە قازىنالىق باقىلاۋدا تەكسەرىپ انىقتالعان ماسەلەلەردى رەتتەۋ - تۇزەتۋ، جاۋاپقا تارتۋ جاعدايىنان ارناۋلى مالىمەت بەردى ءارى ۇزدىكسىز رەتتەۋ - تۇزەتۋدى تياناقتاندىرۋ جونىندەگى كەلەسى قادامداعى قىزمەت ويىن ورتاعا قويدى.

ءماجىلىس مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميسسياسىنىڭ مەڭگەرۋشى مۇشەسى ياڭ شياۋچاۋ جاساعان ءىشىنارا ۋاكىلدەردىڭ ۋاكىلدىك تولىمدىلىعى جونىندەگى باياندامانى تىڭدادى.

ءماجىلىس تاعى مىندەتكە تاعايىنداۋ، مىندەتتەن قالدىرۋعا قاتىستى ىستەردى قارادى.

مەملەكەتتىك حالىق قۇرىلتايى تۇراقتى كوميتەتى باستىعنىڭ ورىنباسارلارى لي حۇڭجۇڭ، ۋاڭ دۇڭميڭ، شياۋ جيە، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، شوكىرات زاكىر، باس حاتشى ليۋ چي ماجىلىسكە قاتىناستى.

مەملەكەتتىك كەڭەس زۇڭليىنىڭ ورىنباسارى حى ليفىڭ، ەڭ جوعارى حالىق سوتى مەكەمەسىنىڭ باستىعى جاڭ جۇن، ەڭ جوعارى حالىق پروكۋراتۋراسىنىڭ باس پروكۋرورى يىڭ يۇڭ، مەملەكەتتىك باقىلاۋ - تەكسەرۋ كوميتەتىندەگى جاۋاپتى جولداس، مەملەكەتتىك حالىق قۇرىلتايى ارناۋلى كوميتەتتەرىنىڭ مۇشەلەرى، ولكەلىك، اۆتونوميالى رايوندىق، توتە قاراستى قالالىق حالىق قۇرىلتايى تۇراقتى كوميتەتتەرىندەگى جاۋاپتى جولداستار، تەتە ولكە دارەجەلى قالالىق حالىق قۇرىلتايى تۇراقتى كوميتەتتەرىندەگى ءبىر ءبولىم نەگىزگى جاۋاپتى جولداستار، مەملەكەتتىك حالىق قۇرىلتايىنىڭ ءبىر ءبولىم ۋاكىلدەرى، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.

كەلۋ قاينارى: حالىق تورابى