مەملەكەتتىك دامۋ – رەفورما كوميتەتى: بالا تاربيەلەۋ قوسىمشا قاراجاتى ءتۇزىمى ورناتىلادى جانە اتقارىلادى، اۆتوموبيل ساتىپ الۋ رۇقساتناماسى نىسانالى تۇردە ارتتىرىلادى 

4 – ايدىڭ 28 – كۇنى، مەملەكەتتىك كەڭەستىڭ اقپارات كەڭسەسى ءبىرىنشى توقسانداعى ەكونوميكاعا قاتىستى ساندى مالىمەتتەر جونىندەگى كەزەكتى اقپار جاريالاۋ ءماجىلىسىن اشىپ، مەملەكەتتىك دامۋ – رەفورما كوميتەتىنىڭ قاتىستى جاۋاپتىسى ورنىقتى جۇمىستاندىرۋ، ەكونوميكانى ورنىقتىرۋ، جوعارى ساپالى دامۋدى ىلگەرىلەتۋ قاتارلى جاقتارداعى ساياساتتىق شارالارعا قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ قايتاردى.

ىشكى قاجەتسىنۋدى ارتتىرۋ جاعىندا، مەملەكەتتىك دامۋ – رەفورما كوميتەتىنىڭ ورىنباسار مەڭگەرۋشىسى جاۋ چىنشي مىنانى ءبىلدىردى: ىشكى قاجەتسىنۋدىڭ ىرىقتىلىق قۋاتىنىڭ رولىن اناعۇرلىم ويداعىداي ساۋلەلەندىرۋ جاعىنداعى ناقتى وي جەلىسى مەن ءادىس تە ايقىندالدى، اتاپ ايتقاندا، ورتا – تومەن كىرىستىلەردىڭ كىرىسىن جوعارىلاتۋ، تۇتىنۋدى كۇش سالا سەرپىلتۋ، ءونىمدى قارجىلاندىرۋدى ارتتىرىپ، ەل ىشىندەگى زور اينالىمدى كۇشەيتۋ.

كەلەسى قادامدا، مەملەكەتتىك دامۋ – رەفورما كوميتەتى بالا تاربيەلەۋ قوسىمشا قاراجاتى ءتۇزىمىن ورناتادى جانە اتقارادى، ارناۋلى قايتا قارىز بەرۋ قۇرالدارىن ورناتادى، قىزمەت وتەۋ جاعىنداعى تۇتىنۋ، قارتتاردى كۇتىمدەۋ كاسىپ سالاسى قاتارلىلارعا قولداۋ كورسەتۋدى ارتتىرادى. ۇزاق ۋاقىت بويى اۆتوموبيل ءنومىرىن الۋعا جەرەبە تارتقان وتباسىلار مەن اۆتوموبيلى جوق وتباسىلار قاتارلى ءتۇيىندى توپتارعا باعىتتاي وتىرىپ، اۆتوموبيل الۋعا شەكتەمە قويىلاتىن قالالاردا باعىتتامالى تۇردە اۆتوموبيل ساتىپ الۋ رۇقساتناماسىنىڭ سانىن ارتتىرادى.

كەلۋ قاينارى: حالىق تورابى