جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ مەملەكەتتىك ەڭبەك ەرلەرى مەن وزات قىزمەتكەرلەردى ماداقتاۋ - سيلاۋ جونىندەگى قارارى

تاياۋ جىلداردان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا، بۇكىل ەلدەگى ءار ۇلت حالقى ۇدەرە العا تارتىپ، قيىندىقتاردى جەڭىپ، جۇڭگو ۇلگىسىندەگى وسىزامانداندىرۋدا تىڭ دا نىق قادام تاستادى. وسى ۇلى اماليات بارىسىندا كاسىپتى قاستەرلەپ، ۇلەس قوسقان، قايراتتانا العا ۇمتىلعان، جان قيارلىقپەن سايىسقان، باتىلدىقپەن الدا جۇرەتىن ءبىر توپ وزات ۇلگىلەر جارىققا شىقتى.

ولار _ ءار سالا، ءار كاسىپتە كۇرەس جۇرگىزىپ جاتقان سان مىڭداعان ەڭبەكشى بۇقارا اراسىنداعى كورنەكتى ۋاكىلدەر، وزدەرىنىڭ ۇلگىلى ارەكەتى مەن وسكەلەڭ قاسيەتى ارقىلى ەڭبەك ەرلەرى رۋحىنىڭ، ەڭبەك رۋحىنىڭ، شەبەرلەر رۋحىنىڭ داۋىرلىك ءمانىن جاندى بەينەلەپ، جاڭا داۋىردەگى ەلىمىز جۇمىسشى تابى مەن قالىڭ ەڭبەكشى بۇقارانىڭ شىت جاڭا كەلبەتىن تولىق ايگىلەدى. ولاردىڭ كورنەكتى ۇلەسىن ماداقتاپ، ىنتىماقتاسا العا ۇمتىلاتىن قۇدىرەتتى كۇشتى ونان ارى ۇيىستىرۋ ءۇشىن، پارتيا ورتالىق كوميتەتى، مەملەكەتتىك كەڭەس شۇي شۋيۇڭ قاتارلى ءبىر مىڭ 670 ادامعا مەملەكەتتىك ەڭبەك ۇلگىسى اتاعىن، لي مىڭ قاتارلى 756 ادامعا مەملەكەتتىك وزات قىزمەتكەر اتاعىن بەرۋدى ۇيعاردى (مەملەكەتتىك ەڭبەك ەرلەرى مەن وزات قىزمەتكەرلەردىڭ ەسىمدىگىن «حالىق گازەتىنىڭ» 9 – 16 - بەتتەرىنەن وقي الاسىزدار).

مەملەكەتتىك ەڭبەك ۇلگىسى جانە وزات قىزمەتكەر اتاعىن العان جولداستاردىڭ داڭقتى قاستەرلەپ، قاسيەتىن ساقتاپ، ناقتى ىستەپ، شىنايى ىستەپ، تاعى دا تىڭ ەڭبەك ءسىڭىرىپ، ۇلگىلىك، باستاماشىلدىق رولىن تولىق ساۋلەلەندىرىپ، قالىڭ ەڭبەكشى بۇقارانى جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جالىندى امالياتىنا جابال ات سالىسۋعا شابىتتاندىرۋىن ءۇمىت ەتەمىز.

پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، مەملەكەتتىك ەڭبەك ەرلەرى مەن وزات قىزمەتكەرلەردى ۇلگى ەتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىن بەرىك ورناتىپ، سوتسياليستىك وزەكتى قۇن كوزقاراسىن سانالىلىقپەن امالياتتا ايگىلەپ، ەڭبەك ۇلگىسى رۋحىن، ەڭبەك رۋحىن، شەبەرلەر رۋحىن بارىنشا اسقاقتاتىپ، ءوزىنىڭ بولاشاعى مەن تاعدىرىن مەملەكەتتىڭ جانە ۇلتتىڭ بولاشاعىمەن، تاعدىرىمەن تىعىز بايلانىستىرىپ، قىزمەت ورنىن ءسۇيىپ، كاسىپتى قاستەرلەپ، جاڭالىق اشىپ، جاسامپازدىق جاراتىپ، سەنىمدى بەكەمدەپ، قايراتتانا العا ۇمتىلىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ءىسىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزۋگە ۇندەدى!

(شينحۋا اگەنتتىگى، 4 - ايدىڭ 28 - كۇنى، بەيجيڭ)

كەلۋ قاينارى: حالىق تورابى