2025 – جىلى جوعارى مەكتەپتەن وقۋ بىتىرگەندەر قاتارلى جاستاردىڭ جۇمىستانۋىنا قىزمەت وتەۋدەن قامال الۋ قيمىلى باستالدى 

عىلىم – تەحنيكا گازەتىنىڭ ءتىلشىسى ۋ يەفان 7 – ايدىڭ 7 – كۇنى بەيجيڭنەن حابارلايدى. ءتىلشىنىڭ 7 – ايدىڭ 7 – كۇنى ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، ادام كۇشى بايلىعى جانە قوعامدىق قامتاماسىزداندىرۋ مينيسترلىگى جۋىردا ۇقتىرۋ باسىپ تاراتىپ، 2025 – جىلى جوعارى مەكتەپتەن وقۋ بىتىرگەندەر قاتارلى جاستاردىڭ جۇمىستانۋىنا قىزمەت وتەۋدەن قامال الۋ قيمىلىن (تومەندە قىسقارتىلىپ ”قيمىل“ دەپ الىنادى) باستاۋ جونىندە ورنالاستىرۋ جاساعان. قيمىل 7 – ايدان 12 – ايعا دەيىن وتكىزىلەدى، 2025 – جىلى جوعارى مەكتەپ ءبىتىرىپ، مەكتەپتەن اتتانعان، ءالى جۇمىستانباعان جانە جۇمىسسىز قالعانىن تىزىمگە الدىرعان جاستار قاتارلىلارعا باعىتتاي وتىرىپ، ساياساتتى تياناقتاندىرۋ، شىن اتى بويىنشا تىزىمدەۋ، كاسىپتىك جاقتان جەتەكشىلىك ەتۋ، جۇمىس ورنىمەن سايكەستىرۋ، قيىنشىلىعى بارلارعا كومەكتەسۋ، قابىلەتىن جوعارىلاتۋ، ۇقىق – مۇددەسىن قورعاۋ قاتارلى جاقتاردا جۇمىستاندىرۋعا قاتىستى جان – جاقتى قىزمەت وتەيدى.

قيمىل بارىسىندا جەر – جەردەن جۇمىستاندىرۋ جاعىندا قىزمەت وتەۋ ارنالارىن دەر كەزىندە جاريالاۋدى، جۇمىستانۋ جانە شارۋاشىلىق قۇرۋ جاعىنداعى ساياسات، جۇمىستانۋ جانە شارۋاشىلىق قۇرۋ جاعىندا قىزمەت وتەۋ نىسانى، قىزمەت وتەۋ قۇرىلىمدارىنىڭ تىزىمدىگى، كومەك سۇراۋ جولدارى، جۇمىستانۋ ارنالارى سىندى ”5 ءتۇرلى تىزىمدىكتى“ ايقىن جاريالاۋدى؛ جوعارى مەكتەپتەن وقۋ بىتىرگەندەردىڭ جۇمىستانۋىنا كومەكتەسۋ ارنالارىن ىركىلىسسىزدەندىرۋدى، ينتەرنەت ارقىلى جۇمىس ىزدەۋشىلەردى تىزىمدەۋ شاعىن پروگرامماسىن جىل بويى اشىق ۇستاۋدى، ينتەرنەتتەن تىس جۇمىستانۋ جانە دارىندىلار سالاسى بويىنشا قىزمەت وتەيتىن قۇرىلىمدار، پۋنكتتەر، بولىمشەلەر قاتارلى قىزمەت وتەۋ تەكشەلەرىن ءبىر تۇتاس جوسپارلاپ، ويداعىداي پايدالانىپ، جوعارى مەكتەپتەن وقۋ بىتىرگەن جاستار قاتارلىلاردىڭ تەز ارادا تىزىمدەلۋىنە قولداۋ كورسەتۋدى تالاپ ەتتى.

كەلۋ قاينارى: حالىق تورابى