شي جينپيڭ شيزاڭ اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ ادەبيەت - كوركەمونەر ساۋىق كەشى «قارلى القاپ شاتتىعىن» تاماشالادى

8 - ايدىڭ 20 - كۇنى كەشتە شيزاڭ اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ ادەبيەت - كوركەمونەر ساۋىق كەشى «قارلى القاپ شاتتىعىن» شيزاڭ تەاترحاناسىندا وتكىزدى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شيزاڭ اۆتونوميالى رايونىنداعى ءار ۇلت كادر - بۇقاراسىمەن بىرگە كونسەرتتى تاماشالادى.

سۋرەتتە: شي جينپيڭ كوپشىلىككە قول بۇلعاپ قۇرمەت بىلدىرۋدە.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

«حالىق گازەتى»، 8 - ايدىڭ 20 - كۇنى، لحاسا. 8 - ايدىڭ 20 - كۇنى كەشتە شيزاڭ تەاترحاناسى شات - شادىمان بەينەگە شومدى. شيزاڭ اۆتونوميالى رايونى قۇرىلعاندىعىنىڭ 60 جىلدىعىن قۇتتىقتاۋ ادەبيەت - كوركەمونەر ساۋىق كەشى «قارلى القاپتا شاتتىق جىرى» وسى ارادا وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شيزاڭ اۆتونوميالى رايونىنداعى ءار ۇلت كادر - بۇقاراسىمەن بىرگە كونسەرتتى تاماشالادى.

ساۋىق كەش ءان ايتىپ، ءبي بيلەگەن «سىزگە راقىمەت، تۋجيچە» انىمەن باستالدى. ويىن ءۇش بولىمنەن تۇرادى. الدىڭعى ءبولىم الدىڭعى بولىمدە «باقىتتىڭ باستالۋ ءتۇيىنى»، «ءان ايتىپ قۇتتىقتاۋ»، «ەگىس الاڭىنداعى بەس شوق التىن گۇل» قاتارلى ءان - بيلەر ارقىلى سوتسياليستىك جاڭا شيزاڭ قۇرۋدىڭ جاندى كورىنىسى ايگىلەنگەن. «قارىشتاپ دامىعان ءۇستىرت» اتتى كولەمدى ءان - ءبي، «مەكەننىڭ كوركەمدىگى» اتتى ءان، «تەرەڭ سۇيىسپەنشىلىك» اتتى مۋزىكالى ءان - ءبي رەفورما جاساپ، ەسىك اشۋدىڭ قارلى ۇستىرتكە اكەلگەن جالىندى ومىرشەڭدىك كۇشىن بەينەلەدى. كەلەسى ءبولىم «جاڭا جورىق»، «گالا قىستاعىنداعى شاتتىق كۇلكىسى»، «رويال مەن تىرنا قاتار سايراۋدا»، «ءبارىمىز ءبىر تۋعان باۋىرلاسپىز»، «وتان قۇشاعىندا» سياقتى ءان - بيلەر باقىتتى جاڭا شيزاڭنىڭ كوركەم كورىنىسىن ايگىلەدى، «جاڭا ءداۋىردى ءبىر نيەتپەن بىرگە بيلەيىك» ساۋىق كەشتى جوعارى ورلەۋگە كوتەردى. ساۋىق كەشتىڭ سۇيىسپەنشىلىك بەينەسى كۇشتى، تارتىمدى بولىپ، شيزاڭ اۆتونوميالى رايونىنىڭ 60 جىلدان بەرگى شۇعىلالى بارىسىن بەينەلەپ، شيزاڭداعى ءار ۇلت حالقىنىڭ پارتيانىڭ سوزىنە ماڭگى قۇلاق اساتىن، پارتياعا العىس ايتاتىن، پارتياعا ىلەسەتىن شىنايى سۇيىسپەنشىلىگىن بەينەلەدى.

ۋاڭ حۋنيڭ، ساي چي، لي گانجيە، حى ليفىڭ، جاڭ گوچيڭ، ۋاڭ شياۋحۇڭ، لوساڭجياڭسۇن، حۋ چۇنحۋا جانە جاڭ شىڭمين، شيزاڭدا قىزمەت ىستەگەن ساقا جولداستار، سونداي-اق ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، ورتالىق ۋاكىلدەر ۇيىرمەسىنىڭ بارلىق مۇشەلەرى كونسەرتتى بىرگە تاماشالادى.