شي جينپيڭ شيزاڭداعى ءار ۇلت، ءار سالا ۋاكىلدەرىن قابىلدادى

8 - ايدىڭ 20 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ لحاسادا شيزاڭداعى ءار ۇلت، ءار سالا ۋاكىلدەرىن ىقىلاسپەن قابىلدادى ءارى كوپشىلىكپەن ءبىرگە سۋرەتكە ءتۇسىپ ەستەلىك قالدىردى.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

8 - ايدىڭ 20 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ لحاسادا شيزاڭدا تۇراتىن اسكەري بولىمدەردەگى كوماندير - جاۋىنگەرلەردىڭ ۋاكىلدەرىن ىقىلاسپەن قابىلدادى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.

سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

«حالىق گازەتى»، 8 - ايدىڭ 20 - كۇنى، لحاسا. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 8 - ايدىڭ 20 - كۇنى تۇستەن كەيىن شيزاڭداعى ءار ۇلت، ءار سالا ۋاكىلدەرىن قابىلداپ، پارتيا ورتالىق كوميتەتى اتىنان شيزاڭداعى ءار ۇلت ۇلاندارىنا شىنايى سالەم جولدادى جانە شىن جۇرەكتەن تىلەك ءبىلدىردى، كوپشىلىكتىڭ ۇزدىكسىز ءبىر جاعادان باس، ءبىر جەڭنەن قول شىعارىپ، ىنتىماقتاسا كۇرەس جۇرگىزىپ، جۇڭگوشا وسىزامانداندىرۋدىڭ شۇعىلالى قارلى القاپ داستانىن بىرگە جازۋىن ءۇمىت ەتەمىن.

شي جينپيڭ قاتارلىلار قابىلداۋ زالىنا كەلگەندە، بۇكىل زالدان ۇزاق سوعىلعان قىزۋ قول شاپالاق ءۇنى كوتەرىلدى. شي جينپيڭ كوپشىلىككە قول بۇلعاپ قۇرمەت ءبىلدىردى، ءالسىن - ءالى ۋاكىلدەرمەن ىقىلاسپەن اڭگىمەلەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.

شي جينپيڭ شيزاڭعا كومەككە كەلگەن كادرلاردىڭ ۋاكىلدەرىن، اۆتونوميالى رايونداعى جانە قاتىستى تاراۋلارداعى، ءارقايسى ايماق، قالالارداعى جاۋاپتى جولداستار مەن ساقا جولداستاردىڭ ۋاكىلدەرىن، ساياسي - زاڭ كادر - ساقشىلارىنىڭ ۋاكىلدەرىن، ءدىن سالاسىنداعى وتانشىل قايراتكەرلەر مەن بۇتحانا باسقارۋ كوميتەتىندەگى كادرلاردىڭ ۋاكىلدەرىن ىقىلاسپەن قابىلدادى.

سول كۇنى تۇستەن كەيىن شي جينپيڭ لحاسادا تۇراتىن اسكەري بولىمدەردىڭ پولكوۆنيك دارەجەلىدەن جوعارى باسشى كادرلارىن جانە ءبىر ءبولىم نەگىزگى ساتىداعى وزات ۇلگىلەردى، اكىمشىلىك قىزمەتكەرلەردى ىقىلاسپەن قابىلداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان شيزاڭدا تۇراتىن اسكەري بولىمدەردەگى بارلىق كوماندير ـ جاۋىنگەرلەرگە ىقىلاستى سالەم جولدادى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.

ۋاڭ حۋنيڭ، ساي چي، لي گانجيە، حى ليفىڭ، جاڭ گوچيڭ، ۋاڭ شياۋحۇڭ، لوساڭجياڭسۇن، حۋ چۇنحۋا، پابالا گىلەلاڭجيە جانە جاڭ شىڭمين، شيزاڭدا قىزمەت ىستەگەن ساقا جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قاتارلىلار قاتىستى قابىلداۋلارعا قاتىناستى.