جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن ەسكە ءتۇسىرۋ جينالىسىنىڭ 3 - رەتكى جالپىلىق جاتتىعۋى تابىسپەن اياقتادى

شينحۋا اگەنتتىگى، 8 - ايدىڭ 24 - كۇنى، بەيجيڭ. ءتىلشىنىڭ جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ قيمىلىنىڭ اقپارات ورتالىعىنان ۇعىسۋىنشا، 8 - ايدىڭ 23 - كۇنى ساعات 17 دەن 8 - ايدىڭ 24 ـ كۇنى ساعات 5 كە دەيىن بەيجيڭ تيان - انمىن رايونىندا جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ جينالىسىنىڭ 3 - رەتكى جالپىلىق جاتتىعۋى وتكىزىلگەن. تانىستىرۋعا قاراعاندا، بۇل ءبىر رەتكى جالپى بارىس، جالپى فاكتور بويىنشا جاسالعان دايىندىق بولعان، سونداي - اق ەسكە ءتۇسىرۋ جينالىسىنىڭ ەڭ سوڭعى جالپىلىق جاتتىعۋى سانالادى، بۇل ەسكە ءتۇسىرۋ جينالىسىنىڭ سالتى (اسكەري پاراتتى قامتيدى)، مايدان الماستىرۋ، كورەرمەندەردى ۇيىمداستىرۋ جانە شۇعىل جاعدايعا توتەپ بەرۋ، ءبىر جاقتى ەتۋ سياقتى مازمۇنداردى قامتىپ، ءارقايسى بارىستىڭ، ءارقايسى بۋىننىڭ ۇشتاسۋىن، سايكەسۋىن ءتۇيىندى تۇردە تەكسەرىپ، رەسمي قيمىلدىڭ ءساتتى وتكىزىلۋىنە بەرىك نەگىز قالاعان.

ءتۇن شىمىلدىعى كومكەرگەن تيان - انمىن الاڭىندا شىراقتار سامالاداي جارقىراپ، اسكەري مۋزىكا ءۇنى ىشىندە پاراتتان وتكەن اسكەري بولىمدەر ايباتتى دا ايبىندى بەينەگە ەندى. جاتتىعۋ الاڭىنىڭ ءارقايسى بۋىنىنىڭ ۇيىمداستىرىلۋى ءتارتىپتى، اينالۋى جيناقى، اينالىمى ىركىلىسسىز بولىپ، مەجەلى نىساناعا جەتتى. بەيجيڭ قالاسىنىڭ قاتىستى جاقتارى قالىڭ قالا تۇرعىندارى مەن ساياحاتشىلاردىڭ قولداعاندىعىنا شىن جۇرەكتەن العىس ايتتى.

كەلۋ قاينارى: حالىق تورابى