شينجياڭدا 246 سپورتشى مەملەكەتتىك سپورت جارىسىنىڭ شەشۋشى جارىسىنا قاتىناسۋ تولىمدىلىعىنا يە بولدى

ءتىلشىنىڭ 9 ـ ايدىڭ 5 ـ كۇنى شينجياڭ ۇيعۇر اۆتونوميالى رايوندىق دەنە تاربيە مەكەمەسىنەن ۇعىسۋىنشا، 15 ـ كەزەكتى مەملەكەتتىك سپورت جارىسىنىڭ دايىندىق جارىس ساتىسىنداعى جارىستا شينجياڭ سپورتشىلارىنىڭ بەينەسى جاقسى بولعان، قازىر 246 ادام شەشۋشى جارىسقا قاتىناسۋ تولىمدىلىعىنا يە بولعان. مۇندا 170 دەنە تاربيەشى 15 ۇلكەن ءتۇر، 60 كىشكەنە ءتۇر بويىنشا باسەكەلى دەنە تاربيە جارىسىنا قاتىناسادى، 76 دەنە تاربيەشى 9 ۇلكەن ءتۇر، 10 كىشكەنە ءتۇر بويىنشا بۇقارالىق نىسان تۇرىندەگى جارىسقا قاتىناسادى.

14 – كەزەكتى مەملەكەتتىك سپورت جارىسىمەن سالىستىرعاندا، وسى كەزەكتى مەملەكەتتىك سپورت جارىسىندا شينجياڭنىڭ باسەكەلى دەنە تاربيە نىسانىنداعى جارىسقا قاتىناسۋ كولەمى كەڭەيدى، الدىڭعى كەزەكتە 125 سپورتشى 16 ۇلكەن ءتۇر، 65 كىشكەنە ءتۇر بويىنشا شەشۋشى جارىسقا قاتىناسقان بولاتىن، وسى كەزەكتى جارىسقا قاتىناسقان ادام سانى %36 ارتتى.

شينجياڭ ۋاكىلدەر ۇيىرمەسىنىڭ قۇرامىندا تالايلاعان ۇلكەن جارىستاردا سيلىق تۇرىنەن كورىنىپ جۇرگەن سپورتشىلار بار، مىسالى، ايەلدەردىڭ ساداق اتۋ ءتۇرى بويىنشا وليمپيادا سپورت جارىسىندا جۇلدەگەر بولعان ان چيشۋان، ەرلەر كۇرەسىنىڭ وليمپيادا سپورت جارىسىندا كىشى جۇلدەگەر بولعان ۋاليحان سەرىك، ەرلەر بوكس ءتۇرى بويىنشا ازيا سپورت جارىسىنىڭ اعا جۇلدەگەرى توقتاربەك تاڭاتقان، ەرلەر شويىن دوپ لاقتىرۋ ءتۇرى بويىنشا ازيا اعا جۇلدەگەرى ابدۇعاني تۇرعىن، ايەلدەر قۇم ۆاليبولى 3 ـ كەزەكتى ازيا سپورت جارىسىنىڭ اعا جۇلدەگەرى شيا شيڭ ـ ي، ەرلەردىڭ 400 مەترگە جۇگىرۋ ءتۇرى بويىنشا ازيا جاستار جارىسىنىڭ اعاجۇلدەگەرى اليشەر ومەر، ايەلدەر تايكۋانداۋ ازيا جۇلدەلى جارىسىنىڭ اعا جۇلدەگەرى ما جيڭيۋە قاتارلى مەملەكەتتىك كوماندانىڭ مۇشەلەرى بار.

كەلۋ قاينارى: حالىق تورابى