ەلەكترلى ۆەلوسيپەتكە قاتىستى مەملەكەتتىك جاڭا ولشەم اتقارىلدى 

ورتالىق تەلەۆيزيا تورابىنىڭ حابارى: ەلەكترلى ۆەلوسيپەت — تۇرعىندار كۇندەلىكتى جاقىن ارالىقتاعى ءجۇرىس – تۇرىستا قولداناتىن ماڭىزدى قاتىناس قۇرالى. ەلىمىزدە ەلەكترلى ۆەلوسيپەتتىڭ قوعامدا ىستەتىلىپ جاتقان سانى شامامەن 380 ميلليون دانا، ونەركاسىپ جانە ينفورماتسيالاندىرۋ مينيسترلىگى قاتارلى بەس تاراۋ ۇيىمداستىرىپ وزگەرىس ەنگىزگەن ءماجبۇرلى سيپاتتى مەملەكەتتىك ولشەم — «ەلەكترلى ۆەلوسيپەتتىڭ حاۋىپسىزدىگىنىڭ تەحنيكالىق ولشەمى» 9 – ايدىڭ 1 – كۇنىنەن باستاپ اتقارىلدى. گۋاڭدۇڭ ولكەسىنىڭ گۋاڭجوۋ قالاسىندا، ءبىر ءبولىم تۇتىنۋشىلار مەملەكەتتىك جاڭا ولشەمدەگى ەلەكترلى ۆەلوسيپەتتى ساتىپ الدى.

مەملەكەتتىك جاڭا ولشەمدە ەلەكترلى ۆەلوسيپەتتىڭ قارقىنى تۋرالى ايقىن بەلگىلەمە شىعارىلعان: ەلەكترلى ۆەلوسيپەتتىڭ قارقىنى ەڭ جوعارى بولعاندا ساعاتىنا 25 كيلومەتردەن اسىپ كەتپەۋى كەرەك. الدا – جالدا ەلەكترلى ۆەلوسيپەت قارقىنى ولشەمنەن اسىپ كەتسە، ەلەكترلى ۆەلوسيپەت اۆتوماتتى تۇردە قوزعاۋشى كۇشىنەن ايرىلادى. مەملەكەتتىك جاڭا ولشەمدە ەلەكترلى ۆەلوسيپەتكە قاتىستى ورتەنۋدەن ساقتانۋ، ورتەنۋدىڭ الدىن الۋ تەحنيكالىق ولشەمى دە جاقسارتىلعان، سۋلياۋدىڭ سالماعىنىڭ سالىستىرماسىن ەلەكترلى ۆەلوسيپەتتىڭ بۇكىل سالماعىنىڭ 5 پايىزىنان تومەن بولۋى كەرەك، ءورت اپاتىنىڭ جايىلۋ قارقىنىن باسەڭدەتۋ، ورتەنۋ كۇشەمەلىلىگىن تومەندەتۋ قاتارلى ەرەكشەلىكتەرى بولۋى كەرەك دەگەن تالاپ قويىلعان.

كەلۋ قاينارى: حالىق تورابى