شينجياڭ ساقشى جاعى ازاماتتاردىڭ جەكە ينفورماتسياسىنا قول سۇعۋ دەلوسىن تەكسەرىپ انىقتادى

ءتىلشىنىڭ 8 - ايدىڭ 25 – كۇنى شينجياڭ ۇيعۇر اۆتونوميالى رايوندىق قوعام حاۋىپسىزدىگى مەڭگەرمەسىنەن ۇعىسۋىنشا، جۋىقتا ءۇرىمجى قالالىق قوعام حاۋىپسىزدىگى ورگانى قىزمەت بارىسىندا كەيبىرەۋلەردىڭ ورتالاۋ، ورتا مەكتەپ وقۋشىلارىنىڭ اتا – انالارىنا ءجيى حات جولداپ، ”جەكەلىك تاپسىرىس“ تۇرىندەگى پىسىقتاۋ كلاسىن دالمە – ءدال تانىستىراتىندىعىن، وقۋشىلاردىڭ ناقتى ينفورماتسياسىن انىق ايتىپ بەرە الاتىندىعىن، جەكەلىك ينفورماتسيانىڭ اشكەرەلەنىپ قالعاندىعىن بايقاعان.

وسى جاعدايعا قاراتا، ءۇرىمجى قالالىق قوعام حاۋىپسىزدىگى ورگانى ارناۋلى دەلو گرۋپپاسىن قۇرىپ، بارلاۋ قىزمەتىن جەدەل ورىستەتىپ، ەكى قۇرىلىمدا ازاماتتاردىڭ جەكە ينفورماتسياسىن زاڭسىز ساتىپ الۋ سىندى زاڭعا قايشى ارەكەت بار ەكەنىن بايقادى، ارناۋلى دەلو گرۋپپاسى دەلوعا قاتىستى ادامدارعا دەرەۋ تەكسەرۋ جۇرگىزدى.

تەكسەرۋ ارقىلى قىلمىس كۇماندىسى ليۋ x وقۋشىلاردىڭ 50 مىڭنان استام جەكە ينفورماتسياسىن زاڭسىز جيناعان ءارى بەلگىلى قۇرىلىمنىڭ قىزمەتكەرى فىڭ x كە ساتقان، فىڭ x ينفورماتسيانى تاعى ءبىر قۇرىلىمنىڭ قىزمەتكەرى شاۋ x كە ساتىپ بەرگەن. قازىر ءۇرىمجى قالالىق قوعام حاۋىپسىزدىگى ورگانى زاڭ بويىنشا ليۋ x، فىڭ x، شاۋ x قاتارلىلارعا قىلمىستىق ىستەر بويىنشا ماجبۇرلەۋ شاراسىن قولداندى، دەلو ىشكەرىلەي تەكسەرىلۋ ۇستىندە.

كەلۋ قاينارى: حالىق تورابى