كۋرس، قوسىمشا قاراجات، تەگىن ورىن! جوعارى مەكتەپتەن بىتىرگەندەر شارۋاشىلىق قۇرماقشى بولساڭىزدار مىناداي قىزمەت وتەۋ تۇرلەرىنەن قاپى قالماڭىزدار 

جوعارى مەكتەپتەن وقۋ بىتىرگەندەر دەربەس شارۋاشىلىق قۇرماقشى بولسا كومەككە يە بولادى، مىناداي قوسىمشا قاراجاتتار مەن قىزمەت وتەۋ تۇرلەرى بار، ءبىلىپ الىڭىزدار!

جوعارى مەكتەپتەن وقۋ بىتىرگەندەر دەربەس شارۋاشىلىق قۇرماقشى بولسا:

1. شارۋاشىلىق قۇرۋ كۋرسىنە قاتىناسۋىنا بولادى، بەلگىلەمە بويىنشا شارۋاشىلىق قۇرۋ كۋرسىنا قاتىناسۋ قوسىمشا قاراجاتىنان يگىلىكتەنەدى.

2. قارجىلىق قولداۋعا يە بولادى، قاتىستى اكىمشىلىك ىستەرگە ساياتىن اقى تۇرلەرى الىنبايدى، شارۋاشىلىق قۇرۋعا كەپىلدىك بەرۋ قارىزىنان ەڭ كوپ بولعاندا 300 مىڭ يۋان قارىز الۋىنا بولادى، قازىنا تاراۋلارى ءبىر ءبولىم ءوسىمىن ارقالايدى، بىرىگىپ شارۋاشىلىق قۇرۋشىلارعا بەرىلەتىن قارىز سوماسىن ۇيلەسىمدى مولشەردە جوعارىلاتۋعا بولادى.

3. شارۋاشىلىق قۇرۋ جاعىندا الەۋمەتتىك قىزمەت وتەۋ قۇرىلىمدارىنىڭ شارۋاشىلىق قۇرۋ جاعىندا قىزمەت وتەۋىنەن يگىلىكتەنۋىنە بولادى، كەڭەس بەرۋ جانە جەتەكشىلىك ەتۋ، ساياساتتى تياناقتاندىرۋ، قارجى قۇراۋ جاعىندا قىزمەت وتەۋ قاتارلى قىزمەت وتەۋ تۇرلەرىنەن يگىلىكتەنەدى، ۇكىمەت قارجىلاندىرىپ اشقان باۋلۋ بازالارى قاتارلى شارۋاشىلىق قۇرۋعا ارنالعان دانەكەرلەر بەلگىلى سالىستىرمادا قاجەتتى ورىنداردى ورنالاستىرىپ، جوعارى مەكتەپ بىتىرگەندەردى تەگىن قامدايدى.

4. جوعارى مەكتەپتەن قول ۇزگەن سوڭ 2 جىل ىشىندە جۇمىستانباعاندار يكەمدى جۇمىستانسا، قوعامدىق قامسىزداندىرۋ قوسىمشا قاراجاتىنان يگىلىكتەنۋگە ءوتىنىش بەرۋىنە بولادى.

5. ادام كۇشى بايلىعى جانە قوعامدىق قامتاماسىزداندىرۋ تاراۋلارى تاراتقان «جۇمىستانۋ جانە شارۋاشىلىق قۇرۋ كۋالىگى» نەمەسە «جۇمىستانۋدى نەمەسە جۇمىسسىزدىقتى تىزىمدەۋ كۋالىگىن» العان سول جىلى جوعارى مەكتەپتەن وقۋ بىتىرگەندەر جەكە تيجاراتپەن شۇعىلدانسا، جەكە ونەركاسىپ – ساۋدا دۇكەنىن تىزىمدەتكەن ايدان باستاپ، 3 جىل (36 اي) ىشىندە ءار دۇكەنگە بايلانىستى 20000 يۋاندىق شەكتى سومادا سول جىلى ءىس جۇزىندە تاپسىرۋعا ءتيىستى ارتقان قۇن باجىسى، قالانى كۇتىمدەۋ – كوركەيتۋ باجىسى، وقۋ – اعارتۋ قاراجاتى قوسىمشا اقىسى، جەرگىلىكتى وقۋ – اعارتۋ قوسىمشا اقىسى جانە جەكەلىك تابىس باجىسى رەتى بويىنشا ازايتىلادى.

باجى تاپسىرۋشىنىڭ جىلدىق تاپسىرۋعا ءتيىستى باجى سوماسى جوعارىدا ايتىلعان ازايتىلاتىن شەكتى سومادان تومەن بولسا، ازايتىلاتىن نەمەسە كەشىرىم ەتىلەتىن باجى سوماسى ءىس جۇزىندە تاپسىرۋعا ءتيىستى باجى سوماسىمەن شەكتەلەدى؛ جوعارىدا ايتىلعان ازايتىلاتىن شەكتى سومادان اسسا، جوعارىدا ايتىلعان ازايتۋ شەكتى مولشەرى بويىنشا ازايتىلادى. ساياسات 2027 – جىلى 12 – ايدىڭ 31 – كۇنىنە دەيىن اتقارىلادى.

6. جوعارى مەكتەپتەن بىتىرگەندەر تۇڭعىش رەت شاعىن، ۇساق كاسىپورىن قۇرسا نەمەسە جەكە تيجاراتپەن شۇعىلدانسا، كاسىپورىن قۇرعان نەمەسە جەكە ونەركاسىپ - ساۋدا دۇكەنىن ساۋدا – ونەركاسىپ تاراۋلارىنا تىزىمدەتكەن كۇننەن باستاپ ءبىر جىلدان استام ۋاقىت قالىپتى تيجارات جۇرگىزگەن جاعدايدا، مەكتەپتەن قول ۇزگەنىنە ەكى جىلدان اسپاعان بولسا، ءبىر رەتتىك شارۋاشىلىق قۇرۋ قوسىمشا قاراجاتى بەرىلەدى.

كەلۋ قاينارى: حالىق تورابى