ءبىر مەكتەپتە بارلىق وقىتۋشىلاردىڭ، جۇمىسشى - قىزمەتكەرلەردىڭ ەڭبەكاقىسىن تاراتۋ توقتاتىلعان دەگەن حابار راس پا؟ مەكتەپ جاق جاۋاپ قايتاردى 

داليان عىلىم – تەحنيكا شۋەيۋانىنىڭ 8 – ايدىڭ 24 – كۇنى جاعداي جونىندە تۇسىنىك بەرۋىنشە، جۋىردا اتالعان مەكتەپتىڭ وقىتۋشىلاردىڭ، جۇمىسشى – قىزمەتكەرلەردىڭ ەڭبەكاقىسىن تاراتۋ جاعدايى جونىندە ينتەرنەتتە تارالعان اقپارات قوعامداعىلاردىڭ نازارىن اۋدارعان. مەكتەپ بۇل ىسكە بارىنشا ءمان بەرىپ، قاتىستى ماسەلەنى شەشىم ەتۋدى جەدەل ىلگەرىلەتكەن.

مەكتەپتىڭ ەڭبەكاقى تاراتۋدى توقتاتقانىنا قاتىستى ينتەرنەتتە تارالعان اقپاراتقا كەلسەك، اتالعان مەكتەپ شىنىمەن دە كوپ جىلدىڭ الدىنداعى قارىز الۋعا كەپىلدىك بەرۋ سىندى داۋ – شارعا شاتىلعاندىقتان، وقىتۋشىلارىنىڭ، جۇمىسشى – قىزمەتكەرلەرىنىڭ 7 – ايلىق ەڭبەكاقىسىن تاراتۋدى كەشەۋىلدەتكەن. ينتەرنەتتەگى اقپاراتتاردا ايتىلعان زور مولشەردەگى قارىز، ءىس جۇزىندە، قۇرۋشى جاقتىڭ اتىنداعى باسقا كاسىپورىنداردىڭ قارىزى. مەكتەپ زاڭ بويىنشا ءادىليا ورگاندارىمەن جانە قاتىستى فينانس ورىندارىمەن كەڭەسۋ ارقىلى قازىر ەڭبەكاقىنى تاراتۋ ماسەلەسىن تۇگەلدەي شەشىم ەتكەن، مەكتەپتىڭ ۇزاق ۋاقىت جۇمىس اتقارۋىنا قاجەتتى قاراجاتقا ءونىمدى تۇردە كەپىلدىك ەتىلگەن. مەكتەپتىڭ كۇزگى وقۋ ماۋسىمىنداعى وقۋ باستاۋعا قاتىستى ءتۇرلى دايىندىق قىزمەتتەرى ءتارتىپتى ورىستەتىلۋدە، وقىتۋ جوسپارى بويىنشا ۋاقىتىندا وقۋ باستايدى.

كەلۋ قاينارى: حالىق تورابى