سىرتقى ىستەر مينيسترلىگى: ا ق ش – تى جۇڭگولىق وقۋشىلار مەن وقىمىستىلارعا قاراتىلعان ورىنسىز تەكسەرۋدى، مازالاۋدى توقتاتۋعا قۋزادى

8 – ايدىڭ 22 – كۇنى، سىرتقى ىستەر مينيسترلىگىنىڭ مالىمدەمەشىسى ماۋ نيڭ كەزەكتى تىلشىلەر جينالىسىن باسقاردى، ءبىر ءتىلشى بىلاي دەپ سۇرادى: ۇعىسۋعا قاراعاندا، تاياۋدا جۇڭگونىڭ ا ق ش ـ قا بارىپ وقيتىن كەيبىر وقۋشىلارى ا ق ش ـ قا كىرگەندە شەكارا زاڭ اتقارۋشى قىزمەتكەرلەرىنىڭ ورىنسىز تەكسەرۋىنە، مازالاۋىنا، ءتىپتى شەكارادان قايتارۋىنا ۇشىراعان، جۇڭگو جاق بۇعان قالاي باعا بەرەدى؟

مالىمدەمەشى ماۋ نيڭ بىلاي دەدى: تاياۋدان بەرى ا ق ش جۇڭگونىڭ ا ق ش – قا بارىپ وقيتىن وقۋشىلارىنا كەمسىتۋ سيپاتتى، ساياسي سيپاتتى، تالعامدى زاڭ اتقارۋ شارالارىن ارت – ارتىنان قولدانىپ، ادىلەتسىز مامىلە جاسادى، ولاردى ”كىشكەنە قارا ۇيگە“ الىپ كىرىپ، قايتا – قايتا ۇزاق ۋاقىت اداقتاپ تەكسەرۋ جۇرگىزدى، كەيبىرەۋلەرىنىڭ كىدىرگەن ۋاقىتى 70 نەشە ساعاتتان استى، ولاردان ا ق ش – قا بارۋ ماقساتىمەن ەشقانداي قاتىسى جوق ماسەلەلەردى قايتا – قايتا سۇراستىردى، ءتىپتى ايتىلمىش ”مەملەكەت حاۋىپسىزدىگىنە زالال جەتكىزۋى مۇمكىن“ دەگەندى سىلتاۋ ەتىپ، ۆيزانى كۇشىنەن قالدىرىپ، شەكارادان كىرۋگە تيىم سالدى. ا ق ش ـ تىڭ جوعارىداعى ارەكەتتەرى جۇڭگو ازاماتتارىنىڭ ورىندى زاڭدى ۇقىق ـ مۇددەسىنە اۋىر دارەجەدە قول سۇعىپ، ەكى ەل ادامدارىنىڭ قالىپتى بارىس ـ كەلىسىنە اۋىر كەدەرگىلىك جاساپ، جۇڭگو مەن ا ق ش ـ تىڭ گۋمانيتارلىق اۋىس ـ كۇيىس ورتاسىن اۋىر دارەجەدە ءبۇلدىردى. ءاربىر دەلو تۋىلعاننان كەيىن، جۇڭگو دەرەۋ ا ق ش – قا قاتاڭ نارازىلىق ءبىلدىرىپ، ا ق ش – تى قاتەلىكتى تۇبەگەيلى تەكسەرۋگە، تۇزەتۋگە قۋزادى.

جۇڭگو كوممۋنيستىك پارتياسى مەن جۇڭگو ۇكىمەتى حالىقتى بارىنەن جوعارى قويۋعا باستان ـ اياق تاباندى بولادى، جۇڭگو ديپلوماتياسى حالىقتى وزەك ەتەدى، ا ق ش ـ قا بارعان ءارقانداي ءبىر جۇڭگو ازاماتىنىڭ ءارقانداي ۋاقىتتا، ءارقانداي جەردە ادىلەتسىز مامىلەگە ۇشىراۋىنا جول بەرىلمەيدى. ءبىز ا ق ش ـ تى ماسەلەگە دۇرىس قاراپ، جۇڭگو كوڭىل ءبولىپ وتىرعان ماسەلەلەرگە مۇقيات مامىلە جاساپ، ا ق ش باسشىلارىنىڭ جۇڭگونىڭ ا ق ش ـ قا بارىپ وقۋىن قارسى الۋ پوزيتسياسىن ناقتى تياناقتاندىرۋعا قۋزايمىز. جۇڭگولىق وقۋشىلار مەن وقىمىستىلارعا باعىتتالعان ورىنسىز تەكسەرۋ، مازالاۋ، شەكارادان قايتارىپ جىبەرۋدى توقتاتۋى كەرەك. جۇڭگو جاق ۇزدىكسىز پارمەندى شارالار قولدانىپ، ا ق ش ـ قا بارعان جۇڭگو ازاماتتارىنىڭ ورىندى زاڭدى ۇقىق ـ مۇددەسىن قورعايدى.

كەلۋ قاينارى: حالىق تورابى