شينجياڭداعى ءبىر توپ تەگىن قان بەرەتىن ورىندار مەن جەكەلەر مەملەكەت جاعىنان ماراپاتتالدى

مەملەكەتتىك دەنساۋلىق ساقتاۋ جانە سالاماتتىق كوميتەتى تورابىنىڭ حابارىنا قاراعاندا، تاياۋدا مەملەكەتتىك دەنساۋلىق ساقتاۋ جانە سالاماتتىق كوميتەتى، جۇڭگو قىزىل كرەست باس قوعامى، ورتالىق اسكەري ىستەر كوميتەتى ارتقى شەپ قامتاماسىزداندىرۋ ءبولىمى دەنساۋلىق ساقتاۋ مەكەمەسى بىرلەسىپ «2022 ـ جىلدان 2023 ـ جىلعا دەيىن مەملەكەت بويىنشا تەگىن قان بەرگەندەردى ماداقتاۋ ـ سيلاۋ جونىندەگى قاۋلىنى» جاريالاعان، شينجياڭنان (بيڭتۋاندى قامتيدى) كوپتەگەن ورىندار مەن 6000 نان استام ادام ماراپاتتالدى.

مەملەكەت بويىنشا تەگىن قان بەرۋ سيلىعى — ەلىمىز تاعايىنداعان تەگىن قان بەرۋدىڭ ەڭ جوعارى سيلىعى، ءار ەكى جىلدا ءبىر رەت باعالانادى. ۇيعارىم تىزىمدىگىندە كورسەتىلۋىنشە، شينجياڭنان (بيڭتۋاندى قامتيدى) 81 ادام تەگىن قان بەرۋ، ۇلەس قوسۋ سيلىعىنىڭ ومىرلىك داڭق سيلىعىن، 1104 ادام تەگىن قان بەرۋ، ۇلەس قوسۋ سيلىعىنىڭ التىن سيلىعىن، 1443 ادام تەگىن قان بەرۋ سيلىعىنىڭ كۇمىس سيلىعىن، 3334 ادام تەگىن قان بەرۋ سيلىعىنىڭ مىس سيلىعىن العان؛ 10 ادام، 20 ورىن تەگىن قان بەرۋدى جەبەۋ سيلىعىن العان، 6 ورىن تەگىن قان بەرۋدى جەبەۋ سيلىعىنىڭ ەرەكشە سيلىعىن العان؛ 84 ادام تەگىن قان بەرۋ ەرىكتى قىزمەت وتەۋ سيلىعىن، 36 ادام قان جاسايتىن وزەكتى كلەتكانى تەگىن تارتۋ ەتۋ سيلىعىن الدى.

كەلۋ قاينارى: حالىق تورابى