ورتاشادان باستاپ قالىڭ جاڭبىر جاۋادى! جالعاستى ىستىق بولادى! شينجياڭ اۋا رايى ستانسياسىنىڭ ەڭ جاڭا ەسكەرتۋى

ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا بۇكىل شينجياڭنىڭ باسىم كوپ بولەگىنىڭ اۋا رايى قۇبىلمالى بولادى، اپتانىڭ باسىندا بايىنعولىن موڭعۇل اۆتونوميالى وبلىسىنىڭ سولتۇستىك بولەگى، سونداي – اق شىعىس شينجياڭ وڭىرىندە جاۋىن - شاشىن بولادى. اپتا سوڭىندا، سولتۇستىك شينجياڭدا جاۋىن - شاشىن بولادى، وڭتۇستىك شينجياڭدا جالعاستى ىستىق بولادى. شينجياڭ اۋا رايى ستانسياسى جۇرتشىلىققا اۋا رايى وزگەرىسىنە قاداعالاي نازار اۋدارىپ، سايكەستى ساقتانۋ شارالارىن الدىن الا ويداعىداي ىستەۋدى ەسكەرتتى.

مەجەمەن 8 – ايدىڭ 26 - كۇنى كۇندىز اقسۋ ايماعى، بايىنعولىن وبلىسى، شىعىس شينجياڭ قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى (بيىك تاۋلى وڭىرلەردە قار جاۋادى)، مۇنىڭ ىشىندە بايىنعولىن وبلىسىنىڭ سولتۇستىگى مەن قۇمىل قالاسىنىڭ سولتۇستىگىندەگى تاۋلى وڭىرلەردىڭ ءىشىنارا وڭىرلەرىندە جاۋىن ـ شاشىن ءبىرشاما مول بولىپ، ورتاشادان باستاپ قالىڭ جاڭبىرعا دەيىن جاۋادى، ءىشىنارا جەرلەردە نوسەر جاۋۋى مۇمكىن. شىعىس شينجياڭنىڭ جەل وتىندە باتىس سولتۇستىكتەن 10 دا 11 بال بوران سوعادى، وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 5 بال اينالاسىندا جەل سوعادى ءارى قۇمدى بوران سوعادى، سىرتقا شىققاندار قاتىناس، ءجۇرىس - تۇرىس حاۋىپسىزدىگىنە كوڭىل ءبولىپ، قۇمدى بوراننان ساقتانۋ شارالارىن كۇشەيتۋ كەرەك.

مەجەمەن 8 - ايدىڭ 29 - كۇنىنەن 31 - كۇنىنە دەيىن، وڭتۇستىك شينجياڭنىڭ جانە شىعىس شينجياڭنىڭ جازىعىنىڭ باسىم كوپ بولەگىندە، تيانشاننىڭ سولتۇستىك بوكتەرىندەگى ءىشىنارا وڭىرلەردە 35 سەلتسي گرادۋستان جوعارى ىستىق بولادى، تۇرپان قالاسىنىڭ، قۇمىل قالاسىنىڭ ءىشىنارا وڭىرلەرىندە ەڭ جوعارى تەمپەراتۋرا 40 سەلتسي گرادۋستان اسادى.

مەجەمەن 8 – ايدىڭ 31 – كۇنى كۇندىزدەن تۇنگە دەيىن سولتۇستىك شينجياڭنىڭ باسىم كوپ ساندى رايوندارىندا سەبەزگى جاڭبىر (بيىك تاۋلى رايونداردا قار) جاۋادى، تاۋلى رايونداردىڭ ءىشىنارا جەرلەرىندە ورتاشادان باستاپ قالىڭ جاڭبىر جاۋادى. سولتۇستىك شينجياڭداعى جەل وتىندە باتىس سولتۇستىكتەن 9 دا 10 بال بوران سوعادى.

كەلۋ قاينارى: حالىق تورابى