وقۋ – اعارتۋ مينيسترلىگى سيلىق يەگەرلەرىنىڭ ەسىمدىگىن جاريالادى! شينجياڭداعى وسى وقۋشىلار مەن مەكتەپتەر قاتاردان ورىن الدى

وقۋ – اعارتۋ مينيسترلىگى تورابىنىڭ حابارىنا قاراعاندا، تاياۋدا وقۋ – اعارتۋ مينيسترلىگى ۇقتىرۋ شىعارىپ، 2 – كەزەكتى مەملەكەتتىك ستۋدەنتتەردىڭ كاسىپتىك جوبا جارىسىنىڭ مەملەكەتتىك جالپى شەشۋشى جارىسىندا سيلىق العانداردىڭ ەسىمدىگىن جاريالاعان. مۇنىڭ ىشىندە شينجياڭنان (بيڭتۋاندى قامتيدى) 18 وقۋشى، 2 جوعارى مەكتەپ قاتاردان ورىن الدى.

تىزىمدىكتە كورسەتىلۋىنشە، 2 ـ كەزەكتى مەملەكەتتىك ستۋدەنتتەردىڭ كاسىپتىك جوبا جارىسىنىڭ مەملەكەتتىك شەشۋشى جارىسىنىڭ جەتىلۋ جارىس جولىندا شينجياڭنان ءبىر ادام كۇمىس مەدال، 8 ادام مىس مەدال الدى، جۇمىسقا ورنالاسۋ جارىسىندا 2 ادام كۇمىس مەدال، 7 ادام مىس مەدال الدى.

بۇدان سىرت، شىحىزى داشۋەسى، بايىنعولىن كاسىپتىك تەحنيكالىق شۋەيۋانى جوعارى مەكتەپتەردىڭ تاڭداۋلى ۇيىمداستىرۋ سيلىعىن الدى.

حابارعا قاراعاندا، مەملەكەتتىك ستۋدەنتتەردىڭ كاسىپتىك جوبا جارىسىن وقۋ – اعارتۋ مينيسترلىگى وتكىزگەن، مۇنىڭ ىشىندە ءوسىپ – جەتىلۋ جارىسى نەگىزىنەن تولىق كۋرس، ارناۋلى كۋرستىڭ ورتا، تومەن جىلدىعىنداعى وقۋشىلارعا باعىتتالىپ، ولاردىڭ كاسىپتىك نىسانانى ۇيلەسىمدى بەلگىلەۋ، نىسانانى ارقاۋ ەتە وتىرىپ ۇزدىكسىز ارەكەت جاساۋ جانە ۇزدىكسىز رەتتەۋ سىندى ءوسىپ – جەتىلۋ بارىسىن تەكسەرەدى؛ كاسىپتەنۋ جارىسى تولىق كۋرس، ارناۋلى كۋرس جوعارى جىلدىقتارىنداعى جوسپار بويىنشا جۇمىس ىزدەگەن وقۋشىلار مەن اسپيرانتتارعا باعىتتالىپ، ولاردىڭ جۇمىس ىزدەۋ ناقتى ارەكەت قابىلەتىن تەكسەرەدى. 2 ـ كەزەكتى مەملەكەتتىك ستۋدەنتتەردىڭ كاسىپتىك جوبا جارىسى بىلتىر 10 ـ ايدا باستالعاننان بەرى، 15 ميلليون 70 مىڭ وقۋشىنى قاتىناسۋعا باۋراپ، 2700 دەن استام جوعارى مەكتەپتى قامتىدى.

كەلۋ قاينارى: حالىق تورابى