جۇڭگو جاق: ”اپاتتان قۇتقارۋعا قولدان كەلگەنىنشە كومەكتەسۋدى قالايمىز“ 

9 – ايدىڭ 1 – كۇنى، سىرتقى ىستەر مينيسترلىگىنىڭ مالىمدەمەشىسى گو جياكۇن كەزەكتى تىلشىلەر ءماجىلىسىن باسقارىپ اشتى. ءبىر ءتىلشى بىلاي دەپ سۇرادى: حابارعا قاراعاندا، جەرگىلىكتى ۋاقىت بويىنشا 8 – ايدىڭ 31 – كۇنى اۋعانستاننىڭ شىعىس بولىگىندە جەر سىلكىنىپ، اۋىر دارەجەدە جارالانۋ جانە ءولىم – ءجىتىم، مال – مۇلىك شىعىنى تۋىلعان. جۇڭگو جاق بۇل جونىندە قانداي پىكىر بىلدىرەدى؟ اۋعانىستانعا كومەك بەرە مە؟

گو جياكۇن مىنانى ءبىلدىردى: جۇڭگو جاق اۋعانستاننىڭ شىعىس بولىگىندەگى كۇنار ولكەسىندە جەر سىلكىنىسى تۋىلىپ، اۋىر دارەجەدە جارالانۋ، ءولىم – ءجىتىم جاعدايى بولعانىنا ءجىتى نازار اۋداردى، قازا بولعاندارعا قايعىلى ازا بىلدىرەدى، قازا بولعانداردىڭ وتباسىنداعىلارعا شىنايى كوڭىل ايتىپ، جارالانعانداردان شىنايى حال سۇرايدى. اۋعانستان حالقىنىڭ اۋعانستان ۇكىمەتىنىڭ جەتەكشىلىگىندە اپاتتىڭ ىقپالىن، ءسوزسىز، جەڭەتىنىنە، اتا مەكەندەرىن قايتا كوركەيتەتىنىنە سەنەدى. جۇڭگو جاق اۋعانستاننىڭ قاجەتىنە قاراي، اپاتتان قۇتقارۋعا قولدان كەلگەنىنشە كومەك بەرەدى.

كەلۋ قاينارى: حالىق تورابى