گانسۋ ولكەسى گاننان وبلىسى ديەبۋ اۋدانىندا 5.5 بال جەر سىلكىندى

مەملەكەتتىك كەڭەستىڭ جەر سىلكىنىسىنە قارسى اتتانىپ، اپاتتان قۇتقارۋ قولباسشىلىق شتابىنىڭ كەڭسەسى مەن شۇعىل جاعدايلارعا توتەپ بەرۋدى باسقارۋ مينيسترلىگى جەر سىلكىنىسى اپاتىنا قاتىستى مەملەكەتتىك 4 – دارەجەلى شۇعىل جاعدايلارعا توتەپ بەرۋ شارالارىن ىسكە قوستى

حالىق گازەتىنىڭ ءتىلشىسى ليۋ ۋىنشين 1 – ايدىڭ 26 – كۇنى بەيجيڭنەن حابارلايدى. 1 – ايدىڭ 26 – كۇنى ساعات 14 تەن 56 مينۋت وتكەندە، گانسۋ ولكەسى گاننان زاڭزۋ اۆتونوميالى وبلىسى ديەبۋ اۋدانىندا (سولتۇستىك ەندىك 34.06 گرادۋس، شىعىس بويلىق 103.25 گرادۋس) 5.5 بال جەر سىلكىنگەن، سىلكىنىس قاينارى 10 كيلومەتر تەرەڭدىكتە.

جەر سىلكىنگەن سوڭ، مەملەكەتتىك كەڭەستىك جەر سىلكىنىسىنە قارسى اتتانىپ، اپاتتان قۇتقارۋ قولباسشىلىق شتابى مەن شۇعىل جاعدايلارعا توتەپ بەرۋدى باسقارۋ مينيسترلىگىنىڭ جاۋاپتىلارى دەرەۋ ورنالاستىرۋ جاساپ، اپات جاعدايىن دەرەۋ انىقتاۋدى، اپات جاعدايىن ءبىر – بىرلەپ تەكسەرۋ مەن قاتەردەن اراشالاۋعا جانە كومەكتەسۋگە دايىندالۋ قىزمەتىن كۇش سالا ويداعىداي ىستەۋدى تالاپ ەتكەن. مەملەكەتتىك كەڭەستىڭ جەر سىلكىنىسىنە قارسى اتتانىپ، اپاتتان قۇتقارۋ قولباسشىلىق شتابىنىڭ كەڭسەسى، شۇعىل جاعدايلارعا توتەپ بەرۋدى باسقارۋ مينيسترلىگى جەر سىلكىنىسى اپاتىنا قاتىستى 4 – دارەجەلى شۇعىل جاعدايلارعا توتەپ بەرۋ شارالارىن ىسكە قوسىپ، قىزمەت گرۋپپاسىن اپات تۋىلعان وڭىرگە بارىپ جەر سىلكىنىسى اپاتىنا قارسى اتتانۋ جانە اپاتتان قۇتقارۋ قىزمەتىنە جەتەكشىلىك ەتۋگە جىبەرگەن.

مەملەكەتتىك اپاتتان ۋنيۆەرسال ساقتانۋ جانە قۇتقارۋ – كومەكتەسۋ اترەتىنىڭ اتويشى كۇشتەرى جەر سىلكىنىسى تۋىلعان وڭىرلەرگە بارىپ، ءبىر – بىرلەپ تەكسەرۋ جۇمىسىن ورىستەتتى. قازىرگە دەيىن، ادامداردىڭ جارالانۋى جانە ءولىم – ءجىتىم جاعدايى جونىندە مالىمەت الىنبادى، اپات جاعدايى ىشكەرىلەي تەكسەرىلۋدە.

كەلۋ قاينارى: حالىق تورابى