«جۇڭگو حالىق بانكەسىنىڭ جىرتىلعان، بىلعانعان حالىق اقشاسىن اۋىستىرۋ ءادىسى» جاريالاندى

جۇڭگو اقپارات تورابىنىڭ 1 – ايدىڭ 26 – كۇنى بەرگەن حابارى. ورتالىق بانكە تورابىنان الىنعان حابارعا قاراعاندا، «جۇڭگو حالىق بانكەسىنىڭ جىرتىلعان، بىلعانعان حالىق اقشاسىن اۋىستىرۋ ءادىسى» 2025 – جىلى 12 – ايدىڭ 12 – كۇنى جۇڭگو حالىق بانكەسىنىڭ 2025 – جىلعى 18 – رەتكى قىزمەت ماجىلىسىندە قاراپ ماقۇلدانعان سوڭ جاريالانعان، 2026 – جىلى 3 – ايدىڭ 31 – كۇنىنەن باستاپ اتقارىلادى.

«ادىستە» مىنالار ورتاعا قويىلعان: فينانس قۇرىلىمدارى جىرتىلعان، بىلعانعان حالىق اقشاسىن اۋىستىرماقشى بولعان جۇرتشىلىققا اقىسىز قىزمەت وتەۋى كەرەك، جۇمىستى بىتىرۋدەن باس تارتۋىنا بولمايدى. وتقا كۇيگەن، جەمىرىلگەن، كوگەرگەن سىندى ەرەكشە سەبەپتەرمەن جىرتىلعان، بىلعانعان حالىق اقشاسىن اۋىستىرۋ قىزمەتىن جۇڭگو حالىق بانكەسىنىڭ بولىمشە قۇرىلىمدارى بەلگىلەگەن فينانس قۇرىلىمدارى بىتىرەدى. بەلگىلەنگەن فينانس قۇرىلىمدارى جىرتىلعان، بىلعانعان حالىق اقشاسىن اۋىستىرماقشى بولعان جۇرتشىلىققا قىزمەت وتەۋدى اقىسىز ورىستەتۋى كەرەك، جۇمىس بىتىرۋدەن باس تارتۋىنا بولمايدى.

كەلۋ قاينارى: حالىق تورابى