جۇرتشىلىقتىڭ ماڭىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى جونگە سالۋ قىزمەتى جونىندە قايتالاي اتتانىسقا كەلتىرىپ، قايتالاي ورنالاستىرۋ جاسادى 

حالىق گازەتىنىڭ ءتىلشىسى جاۋ چىڭ 1 – ايدىڭ 26 – كۇنى بەيجيڭنەن حابارلايدى. 1 – ايدىڭ 26 – كۇنى، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى ءماجىلىس اشىپ، 2025 – جىلعى جۇرتشىلىقتىڭ ماڭىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى جونگە سالۋ قىزمەتى جونىندە قورىتىندى جاساپ، وزات ورىندار مەن ۇزدىك جەكەلەردى ماداقتاپ، 2026 - جىلدىق مىندەتتەر جونىندە ورنالاستىرۋ جاسادى. ج ك پ ورتالىق كوميتەتى شۋجيچۋىنىڭ شۋجيى، ورتالىق ءتارتىپ تەكسەرۋ كوميتەتىنىڭ ورىنباسار شۋجيى ليۋ جينگو ماجىلىسكە قاتىناستى ءارى ءسوز سويلەدى، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە باس شۋجي شي جينپيڭنىڭ ماڭىزدى نۇسقاۋلارىنىڭ رۋحىن ىشكەرىلەي ۇيرەنۋدى جانە دايەكتىلەندىرۋدى، حالىق جۇرتشىلىعىنا دەگەن تەرەڭ سۇيىسپەنشىلىكپەن، شوعىرلى جونگە سالۋدى ۇزدىكسىز پارمەندى ىلگەرىلەتىپ، اناعۇرلىم زور ناقتى ناتيجەلەرگە قول جەتكىزۋدى باسا دارىپتەدى.

ليۋ جينگو مىنانى اتاپ كورسەتتى: ءارقايسى جاقتاردىڭ بىرگە قۇلشىنۋىنىڭ ارقاسىندا، شوعىرلى جونگە سالۋ قىزمەتىندە كورنەكتى ناتيجەلەرگە قول جەتكىزىلدى، الايدا، مىندەت ءالى اۋىر. ءتارتىپ تەكسەرۋ، باقىلاۋ ورگاندارى قىزمەتتى اناعۇرلىم زور بەكىممەن جانە پارمەندى تۇردە مىقتى ۇستاپ، جەر – جەردەگى ءارقايسى قۇرىلىمداردىڭ جاۋاپكەرشىلىكتى تياناقتاندىرۋىن، باستى تۇيىندەردى ايقىنداۋىن، بىرىككەن كۇش قالىپتاستىرۋىن ىلگەرىلەتۋى كەرەك. قىستاق كوللەكتيۆىنىڭ ”ءۇش قارجىسىن“ باسقارۋ، ەمدەۋ قامسىزداندىرۋى قورىن باسقارۋ، قارتتاردى كۇتىمدەۋ جاعىندا قىزمەت وتەۋ، جوعارى ولشەمدى ەگىنجاي قۇرىلىسى قاتارلى سالالارداعى كورنەكتى ماسەلەلەردى كۇش سالا جونگە سالىپ، حالىق تۇرمىسىنا ساياتىن سالالارداعى ارىز – ارمانعا قاتىستى ماسەلەلەردى شوعىرلى جونگە سالۋ، قيىنشىلىعى بار جۇرتشىلىققا كومەكتەسۋدىڭ تولىق ورىندالماۋى ماسەلەسىن تۇزەتۋ قاتارلى حالىق تۇرمىسىنا ساياتىن كەلەلى ناقتى ىستەردى ويداعىداي ىستەۋى كەرەك. دەلو ءبىتىرۋ تەبىنىن ارتتىرىپ، ”كىشى – گىرىم جەمەڭگەرلەردى“ قاتاڭ جازالاپ، ءىشىپ - جەۋ، ساۋعا الۋ، بوگەت بولۋ، ساۋعا سۇراۋ، قيانات قىلۋ، يەلەپ الۋ جانە باسقا ماقساتتا جۇمساۋعا ساياتىن دەلولارعا قاتىستى مال – مۇلىكتى جۇرتشىلىقتىڭ قولىنا دەر كەزىندە قايتا تابىستاۋ كەرەك. بەرىك تۇيىندەردى بەكەمدەي ءتۇسىپ، وسال تۇستاردى تولىقتاۋدى ىلگەرىلەتىپ، باقىلاۋ – باسقارۋدى كۇشەيتىپ، نەگىزگى ساتىلاردىڭ ىرگە تاسىن بەكەمدەپ، ۇدايىلانعان، ۇزاق مەرزىمدىك ءونىمدى جونگە سالۋ جۇيەسىن ىلگەرىلەتۋ كەرەك. قىزمەت ناتيجەسى جونىندە دۇرىس كوزقاراس تىكتەپ جانە ونى امالياتتا ايگىلەپ، شىندىقتى ءىس جۇزىنەن ىزدەپ، جەرگىلىكتى جاعدايعا قاراي جونگە سالۋ قىزمەتىن مىقتى ۇستاۋ كەرەك.

كەلۋ قاينارى: حالىق تورابى