مەملەكەتتىك اۋرۋدى تىزگىندەۋ مەكەمەسى: وسى رەتكى ينديادا بايقالعان نيپا ۆيرۋس ىندەتىنىڭ ەلىمىزگە جاسايتىن ىقپالى ءبىرشاما از

تاياۋدا ينديادا بايقالعان نيپا ۆيرۋس ىندەتىنىڭ جاعدايى جۇرت نازارىن اۋداردى. مەملەكەتتىك اۋرۋدى تىزگىندەۋ مەكەمەسىنىڭ قاتىستى جاۋاپتىسى بىلاي دەدى: قازىر ەلىمىزدە نيپا ۆيرۋس ىندەتى ءالى بايقالمادى، وسى رەتكى يندياداعى نيپا ۆيرۋس ىندەتىنىڭ ەلىمىزگە جاسايتىن ىقپالى سالىستىرمالى تۇردە ءبىرشاما از.

بۇل جاۋاپتى بىلاي دەدى: وسى رەتكى ينديادا بايقالعان نيپا ۆيرۋس ىندەتى نەگىزىنەن باتىس بەنگال شتاتىندا بايقالدى، ەلىمىزبەن شەكارالاسپايدى. ونىڭ ۇستىنە نيپا ۆيرۋس ىندەتى نەگىزىنەن جۇعىمدالعان حايۋاناتتارعا، ناۋقاستارعا جانە لاستاۋشى زاتتارعا تىكەلەي جۇعىسۋ ارقىلى تارالادى، ۆيرۋس ورتاسىنىڭ ومىرشەڭدىك كۇشى ءالسىز، ادەتتەگى بۇقارانىڭ جۇعىمدالۋ ورايى ءبىرشاما از بولادى.

ۇعىسۋعا قاراعاندا، قازىر ءارقايسى ولكەلەردىڭ اۋرۋدى تىزگىندەۋ ورتالىقتارى نيپا ۆيرۋسىن تاجىريبەحانادا تەكسەرۋ قابىلەتىنە يە بولىپ، نيپا ۆيرۋسىن دەر كەزىندە تەكسەرە الادى جانە تۇراقتاندىرا الادى. وسى رەت ينديادا نيپا ۆيرۋسى ىندەتى تۋىلعاننان كەيىن، ەلىمىزدىڭ اۋرۋدى تىزگىندەۋ تاراۋلارى شەكارا سىرتىنداعى ىندەت جاعدايىنا قاداعالاي نازار اۋدارىپ، حاۋىپ - قاتەردى دەر كەزىندە باعالاپ، ەمدەۋ قۇرىلىمدارى مەن اۋرۋدى تىزگىندەۋ قۇرىلىمدارىنىڭ كاسىپتىك قىزمەتكەرلەرىن تاربيەلەپ، باقىلاۋ - تەكسەرۋدى كۇشەيتتى. بولاشاقتا شەكارا سىرتىنداعى ىندەت جاعدايىن ۇزدىكسىز ءجىتى قاداعالاپ، حاۋىپ ـ قاتەردى دەر كەزىندە باعالاپ، ىندەتكە توتەپ بەرۋ دايىندىعىن ويداعىداي ىستەيدى. (ءتىلشى شۇي پىڭحاڭ)

كەلۋ قاينارى: حالىق تورابى