14 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى
ساياسي كەڭەس مەملەكەتتىك 14 - كەزەكتى كوميتەتىنىڭ 4 - ءماجىلىسى

«حالىق گازەتى»، 1 - ايدىڭ 27 - كۇنى، بەيجيڭ (ءتىلشى پىڭ بو). 14 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى مەن ساياسي كەڭەس 14 - كەزەكتى مەملەكەتتىك كوميتەتىنىڭ 4 - ءماجىلىسى جەكە - جەكە 2026 - جىلى 3 - ايدىڭ 5 - كۇنى جانە 3 - ايدىڭ 4 - كۇنى بەيجيڭدە اشىلادى. مەملەكەتتىك حالىق قۇرىلتايى تۇراقتى كوميتەتى كەڭسە مەڭگەرمەسى مەن مەملەكەتتىك ساياسي كەڭەس كەڭسە مەڭگەرمەسى بۇگىن جۇڭگولىق، شەتەلدىك تىلشىلەردىڭ سول كەزدە تىلشىلىك ىستەۋگە قاتىناسۋىن قارسى الاتىندىعىن جاريالادى.

ماجىلىستە تىلشىلىك ىستەۋ ناق مايدان ءتاسىلىن نەگىز ەتىپ، كوپ ءتۇرلى تاسىلدەر جان - جاقتىلى قولدانىلادى. ءماجىلىس اشىق، جاريا بولۋ رۋحىن ۇزدىكسىز ۇستانىپ، جۇڭگولىق، شەتەلدىك تىلشىلەردىڭ تىلشىلىك ىستەۋىنە، حابارلاۋىنا قىزمەت وتەيدى.

ەكى ماجىلىسكە تىلشىلىك ىستەۋدى ءۇمىت ەتەتىن جۇڭگولىق، شەتەلدىك تىلشىلەر ءتارتىپ بويىنشا ءوتىنىش بەرۋى كەرەك. ورتالىقتاعى اقپارات ورىندارىنىڭ تىلشىلەرى اقپارات ورتالىعىنا ءوتىنىش بەرەدى، جەرگىلىكتى ورىنداردىڭ ۇيىرمەمەن بىرگە جۇرگەن تىلشىلەرى ۋاكىلدەر ۇيىرمەلەرى جاعىنان اقپارات ورتالىعىنا ءوتىنىش بەرەدى، شياڭگاڭ ەرەكشە اكىمشىلىك رايونىنىڭ تىلشىلەرى ورتالىق حالىق ۇكىمەتىنىڭ شياڭگاڭ ەرەكشە اكىمشىلىك رايونىندا تۇراتىن بايلانىس كەڭسەسىنە ءوتىنىش بەرەدى، اۋمىن ەرەكشە اكىمشىلىك رايونىنىڭ تىلشىلەرى ورتالىق حالىق ۇكىمەتىنىڭ اۋمىن ەرەكشە اكىمشىلىك رايونىندا تۇراتىن بايلانىس كەڭسەسىنە ءوتىنىش بەرەدى، تايۋان رايونىنداعى تىلشىلەر مەملەكەتتىك كەڭەستىڭ تايۋان ىستەرى كەڭسەسىنە ءوتىنىش بەرەدى، شەتەلدىڭ جۇڭگودا تۇراتىن تىلشىلەرى اقپارات ورتالىعىنا ءوتىنىش بەرەدى، شەتەلدىڭ جۇڭگوعا ۋاقىتتىق كەلگەن تىلشىلەرى جۇڭگونىڭ ءوزى تۇرعان ەلدەگى ەلشىحانالارىنا، كونسۋلحانالارىنا نەمەسە جۇڭگونىڭ سىرتقى ىستەر مينيسترلىگى ۇقىق بەرگەن ۆيزا قۇرىلىمدارىنا ءوتىنىش بەرەدى. تىلشىلەردىڭ تىزىمدەلۋ ۋاقىتى 2 - ايدىڭ 3 - كۇنىنە دەيىن بولادى.

14 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى، ساياسي كەڭەس مەملەكەتتىك 14 - كەزەكتى كوميتەتىنىڭ 4 - ءماجىلىسى بەيجيڭ قالاسى فۋشيڭ جولى B 11 - ءنومىرلى مەديا ورتالىعىندا اقپارات ورتالىعىن قۇرىپ، جۇڭگولىق، شەتەلدىك تىلشىلەردىڭ ەكى ماجىلىسكە تىلشىلىك ىستەۋىن قابىلداۋعا جانە ورنالاستىرۋعا جاۋاپتى بولادى. اقپارات ورتالىعى 2 - ايدىڭ 27 - كۇنى رەسمي قىزمەت ورىستەتەدى.

تىلشىلەردىڭ تىلشىلىك ىستەۋىنە قولايلى بولۋ ءۇشىن، ەكى ءماجىلىس اقپارات ورتالىعىنىڭ توراپ بەتى تىلشىلىك ينفورماتسيالارىن جانە تىلشىلىككە قاتىستى حابار - وشارلاردى دەر كەزىندە جاريالايدى. 14 - كەزەكتى مەملەكەتتىك حالىق قۇرىلتايى 4 - ءماجىلىسى اقپارات ورتالىعىنىڭ توراپ ادرەسى: http://www.npc.gov.cn، ساياسي كەڭەس مەملەكەتتىك 14 - كەزەكتى كوميتەتى 4 - ءماجىلىسىنىڭ اقپارات ورتالىعىنىڭ توراپ ادرەسى: http://www.cppcc.gov.cn.