مەملەكەتتىك بىرلىكساپ ءبولىمى باستىقتارى ءماجىلىسى بەيجيڭدە اشىلدى

«حالىق گازەتى»، 1 - ايدىڭ 28 - كۇنى، بەيجيڭ (ءتىلشى لي چاڭيۇي). مەملەكەتتىك بىرلىكساپ ءبولىمى باستىقتارى ءماجىلىسى 1 - ايدىڭ 28 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ قاتىناستى ءارى ءسوز سويلەدى. ول مىنالاردى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ بىرلىكساپ قىزمەتى جونىندەگى شەشىمدەرىن، ورنالاستىرۋلارىن اناعۇرلىم باتىل، پارمەندى دايەكتىلەندىرىپ، تياناقتاندىرىپ، ”15 - بەسجىلدىق“ جوبانىڭ تاماشا باستاماسىن جۇزەگە اسىرۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ ءۇشىن زەيىن - زەردەنى، كۇش - قۋاتتى كەڭىنەن شوعىرلاندىرۋ كەرەك.

ۋاڭ حۋنيڭ وتكەن ءبىر جىلداعى بىرلىكساپ قىزمەتىندە قول جەتكەن تابىستاردى تولىق تۇراقتاندىردى. ول مىنالاردى ءبىلدىردى: باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەياسىن ىشكەرىلەي ۇيرەنىپ، جەتە ءتۇسىنىپ، پارتيانىڭ بىرلىكساپ قىزمەتىنە جاپپاي باسشىلىعىنا، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولۋ ساياسي تالابىن تەرەڭ يگەرىپ، بىرلىكساپتىڭ جۇرت تىلەگىن ۇيىستىرۋ، كۇش - قۋاتتى شوعىرلاندىرۋ ساياسي رولىن تەرەڭ يگەرىپ، بىرلىكساپ قىزمەتىن ويداعىداي ىستەۋدىڭ زاڭدىلىعىن، پرينسيبىن، ءادىسىن تەرەڭ يگەرىپ، بىرلىكساپ قىزمەتىنىڭ جوعارى ساپالى دامۋىن ىلگەرىلەتۋ كەرەك.

ۋاڭ حۋنيڭ مىنالاردى ءبىلدىردى: ”15 - بەسجىلدىق“ مەزگىلى − سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ شەشۋشى مەزگىلى، بىرلىكساپ قىزمەتى ءدوپ كەلگەن جاعداي مەن مىندەتتەردى جاپپاي يگەرىپ، يدەيا مەن ارەكەتتى پارتيا ورتالىق كوميتەتىنىڭ رۋحىمەن بىرلىككە كەلتىرىپ، ەڭ كەڭ كولەمدى وتانشىلدىق بىرلىكساپتى بەكەمدەۋ جانە دامىتۋ كەرەك. يدەيالىق، ساياسي جاقتان جەتەكشىلىك ەتۋدىڭ نەگىزگى جاۋاپكەرشىلىگىن، نەگىزگى كاسىبىن كۇشەيتىپ، پارتيانىڭ جاڭالىق اشۋ نازارياسىنان پايدالانىپ، يدەيالىق، ساياسي جاقتان جەتەكشىلىك ەتۋدى كۇشەيتۋ قابىلەتىن جوعارىلاتىپ، بىرلىكساپ ۇگىت قىزمەتىن ويداعىداي ىستەپ، ىنتىماقتاسا كۇرەس جۇرگىزۋدىڭ ورتاق يدەيالىق، ساياسي نەگىزىن ۇزدىكسىز بەكەمدەۋ كەرەك. بىرلىكساپ قىزمەتىنىڭ پارتيا مەن مەملەكەتتىڭ وزەكتى مىندەتىنە قىزمەت وتەۋ قابىلەتىن جوعارىلاتىپ، جۇڭگونىڭ جاڭاشا ساياسي پارتيا تۇزىمىنە تاباندى بولىپ جانە ونى كەمەلدەندىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ءدىن ىستەرىن زاڭمەن جونگە سالۋدى كۇشەيتىپ، پارتيا سىرتىنداعى زيالىلاردىڭ، جاڭا قوعامدىق جىكتەگى قايراتكەرلەردىڭ جانە حالىقتىق شارۋاشىلىق قايراتكەرلەرىنىڭ بىرلىكساپ قىزمەتىن، شياڭگاڭ، اۋمىن، تايۋان جانە شەتەلدەگى بىرلىكساپ قىزمەتىن ويداعىداي ىستەپ، پارتيا سىرتىنداعى ۋاكىل قايراتكەرلەر قوسىنى قۇرىلىسىن كۇشەيتۋ سياقتى جاقتاردا تىڭعىلىقتى يگەرىپ، ناتيجە شىعارۋ كەرەك. بىرلىكساپ كادرلارى قوسىنىن ويداعىداي قۇرىپ، دۇرىس ساياسي ناتيجە كوزقاراسىن ورناتىپ جانە امالياتتا ايگىلەپ، شىنايى سەنۋ، ناقتى ىستەۋ، جاۋاپكەرشىلىك ارقالاۋ، ءوزىن تەجەۋ جاعىندا ىسىلعان ساپا، ىسىلعان قابىلەت، ىسىلعان ستيل قالىپتاستىرۋ كەرەك. كەڭ كولەمدى بىرلىكساپ قىزمەتى جاعدايىنىڭ ونىمدىلىگىن جوعارىلاتىپ، بىرلىكساپ قىزمەتى جاۋاپكەرشىلىك ءتۇزىمىن تياناقتاندىرىپ، بىرلىكساپ قىزمەتىنىڭ تياناقتانۋىنا، ءونىم بەرۋىنە كەپىلدىك ەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى لي گانجيە ءماجىلىستى باسقاردى ءارى قىزمەت ورنالاستىرۋىن جاساپ، مىنالاردى ءبىلدىردى: باس شۋجي شي جينپيڭنىڭ جاڭا داۋىردەگى پارتيانىڭ بىرلىكساپ قىزمەتىن ويداعىداي ىستەۋ جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، پارتيانىڭ باسشىلىعىنا تاباندى بولىپ، كەڭ كولەمدى بىرلىكساپ قىزمەتى جاعدايىن كەمەلدەندىرىپ، زەيىن - زەردەنى، كۇش - قۋاتتى ۇيىستىرۋعا، يدەيالىق، ساياسي جەتەكشىلىكتى كۇشەيتۋگە تاباندى بولىپ، بىرلىكساپ قىزمەتىنىڭ عىلميلانۋىن، جۇيەلىلەنۋىن، تۇزىمدەنۋىن زاڭ - ەرەجە بويىنشا ىلگەرىلەتۋگە تاباندى بولىپ، ”15 - بەسجىلدىق“ جوبانىڭ باستالۋىنا جۇرت تىلەگىن، ورتاق تانىمدى، اقىل - پاراساتتى، كۇش - قۋاتتى اناعۇرلىم ويداعىداي ۇيىستىرۋ كەرەك.