ەلىمىز دۇنيە ءجۇزى بويىنشا جاسىلداندىرىلعان اۋماعىنىڭ ارتۋى ەڭ كوپ جانە ەڭ تەز بولۋ سىندى جاسىلداندىرۋ حيكىمەتىن جاراتتى 

حالىق گازەتىنىڭ ءتىلشىسى گۋ جۇڭياڭ، چىن جۋان 2 – ايدىڭ 23 – كۇنى بەيجيڭنەن حابارلايدى. ەلىمىزدە جيىنى قانشا ءتۇپ اعاش بار؟ مەملەكەتتىك ورمان شارۋاشىلىعى جانە جايىلىم مەڭگەرمەسىنىڭ ەڭ جاڭا ساندى مالىمەتىنە قاراعاندا، قازىر ەلىمىز بويىنشا ورماننىڭ جالپى كولەمى 3 ميلليارد 614 ميلليون مۋعا جەتكەن؛ مۇنىڭ ىشىندە، ”14 – بەسجىلدىق“ مەزگىلىندە، ەلىمىز 185 ميلليون مۋ جەرگە ورمان وتىرعىزعان، ونىڭ كولەمى فۋجيان ولكەسىنىڭ كولەمىمەن قارايلاس بولىپ، ەلىمىز دۇنيە ءجۇزى بويىنشا جاسىلداندىرىلعان اۋماعىنىڭ ارتۋى ەڭ كوپ جانە ەڭ تەز بولعان مەملەكەتكە اينالعان.

بەيجيڭ داشۋەسى گو چيڭحۋا ۇجىمى 2025 – جىلى جاريالاعان عىلىمي زەرتتەۋ جەتىستىگىنە قاراعاندا، 2020 – جىلعا دەيىن، بۇكىل ەلىمىزدە شامەمەن 142 ميلليارد 600 ميلليون ءتۇپ اعاش بار بولىپ، ءاربىر جۇڭگولىققا ورتا ەسەپپەن 100 ءتۇپ اعاشتان تۋرا كەلگەن. اتالعان ۇجىم ”ۇشقىشسىز ۇشاق + لازەرلىك رادار + الگوريتم مودەلىنەن“ پايدالانىپ، 76 مىڭنان استام ۇلگى الۋ اۋماعىنداعى اعاشتى ساناپ شىققاننان كەيىن، ەلىمىز بويىنشا اعاش سانىن مەجەلەۋدى تۇڭعىش رەت ىسكە اسىرعان.

كەلۋ قاينارى: حالىق تورابى