«شي جينپيڭنىڭ دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ جونىندەگى بايىمداۋلارىنان ۇزىندىلەر» باسپادان شىعىپ تاراتىلدى

شينحۋا اگەنتتىگى، 2 - ايدىڭ 24 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاعان «شي جينپيڭنىڭ دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ جونىندەگى بايىمداۋلارىنان ۇزىندىلەر» اتتى كىتاپ تاياۋدا ورتالىق قۇجات باسپاسىنان باسىلىپ شىعىپ، بۇكىل ەل كولەمىندە تاراتىلدى.

كوممۋنيستەردىڭ ءىس ىستەپ، ناتيجە جاراتۋداعى ماقساتى _ حالىقتى باقىتقا كەنەلتۋ. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ساياسي ناتيجە كوزقاراسى ماسەلەسىنە وسكەلەڭ ءمان بەردى. شي جينپيڭ جولداستىڭ دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ توڭىرەگىندە جاريالاعان ءبىرقىدىرۋ ماڭىزدى بايىمداۋلارىنىڭ ماقساتى اسقاق، مازمۇنى باي، يدەياسى تەرەڭ، ءار دارەجەلى پارتيا ۇيىمدارى مەن پارتيا مۇشەلەرىن، كادرلاردى ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، جالپى ءۇشىن پارتيا قۇرىپ، حالىققا باقىت جاراتىپ، عىلمي شەشىم جاساپ، شىنايى يگەرىپ، ناقتى ىستەپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن اناعۇرلىم باتىل، پارمەندى دايەكتىلەندىرىپ، تياناقتاندىرىپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجەلەردى قۇلشىنا جاراتىپ، جۇڭگو ۇلگىسىندەگى وسىزامانداندىرۋدىڭ جاڭا جاعدايىن ۇزدىكسىز اشۋعا تاربيەلەۋ، جەتەكتەۋ جونىنەن توتەنشە ماڭىزدى مانگە يە.

«بايىمداۋلاردان ۇزىندىلەر» 7 ارناۋلى تاقىرىپقا بولىنگەن، جالپى 253 بولىك بايىمداۋدان تۇرادى، شي جينپيڭ جولداستىڭ 2012 - جىلى 11 - ايدان 2026 - جىلى 1 - ايعا دەيىنگى مەزگىلدەگى بايانداماسى، ءسوزى، جاۋاپ حاتى، نۇسقاۋى، بەكىتۋى سياقتى 150 نەشە ماڭىزدى قۇجاتتان الىنعان. مۇنىڭ ىشىندە ءبىر ءبولىم بايىمداۋ تۇڭعىش رەت اشىق جاريالانىپ وتىر.