بەنزين مەن ديزەل مايىنىڭ باعاسى قىمباتتادى 

شينحۋا اگەنتتىگىنىڭ ءتىلشىسى ۋەي يۇيكۇن، حى شياۋ 2 – ايدىڭ 24 – كۇنى بەيجيڭنەن حابارلايدى. مەملەكەتتىك دامۋ – رەفورما كوميتەتى تورابىنىڭ حابارلاۋىنشا، جۋىردان بەرى حالىقارالىق بازارداعى مۇناي باعاسى تولقۋلى كۇيدە بولدى، 2 – ايدىڭ 24 – كۇنىنىڭ الدىنداعى 10 قىزمەت كۇنىندەگى ورتاشا باعانى الدىڭعى رەت باعانى رەتتەۋ الدىنداعى 10 قىزمەت كۇنىندەگى ورتاشا باعامەن سالىستىرعاندا، قازىر ەل ىشىندە اتقارىلىپ وتىرعان وڭدەلگەن مۇنايدىڭ باعاسىن قالىپتاستىرۋ مەحانيزمى بويىنشا، 2 – ايدىڭ 24 – كۇنى ساعات 24 تەن باستاپ، ەل ىشىندە بەنزين مەن ديزەل مايىنىڭ باعاسى ءار تونناسىنا 175 يۋان جانە 170 يۋان قىمباتتاعان.

مەملەكەتتىك دامۋ – رەفورما كوميتەتىنىڭ قاتىستى جاۋاپتىسىنىڭ ايتۋىنشا، جۇڭگو مۇناي سەرىكتەستىگى، جۇڭگو مۇناي - حيميا سەرىكتەستىگى، جۇڭگو تەڭىز مۇنايى سەرىكتەستىگى سىندى ءۇش ءىرى سەرىكتەستىك پەن شيكىزاتتىق مۇنايدى مانەرلەۋمەن شۇعىلداناتىن باسقا سەرىكتەستىكتەر وڭدەلگەن مۇنايدى ءوندىرۋ جانە تاسىمالداۋدى ويداعىداي ۇيىمداستىرۋى، بازاردى ورنىقتى قامداۋعا كەپىلدىك ەتۋى، مەملەكەتتىڭ باعا جونىندەگى ساياساتىن قاتاڭ اتقارۋى كەرەك. جەر - جەردەگى قاتىستى تاراۋلار بازاردى باقىلاۋ - باسقارۋ تەبىنىن كۇشەيتىپ، مەملەكەتتىڭ باعاعا قاتىستى ساياساتتارىن اتقارماۋ ارەكەتىن قاتاڭ تەكسەرىپ ءبىرجاقتى ەتۋى، بازاردىڭ قالىپتى ءتارتىبىن قورعاۋى كەرەك. تۇتىنۋشىلاردىڭ 12315 تەكشەسى ارقىلى باعاعا قاتىستى زاڭعا قايشى ارەكەتتەردى اشكەرەلەۋىنە بولادى.

وڭدەلگەن مۇناي باعاسىن وسى كەزەكتى رەتتەۋ پەريودى بارىسىندا، حالىقارالىق بازاردا مۇناي باعاسى تولقۋلى كۇيدە جوعارىلاعان. مەملەكەتتىك دامۋ – رەفورما كوميتەتى باعانى باقىلاۋ – تەكسەرۋ ورتالىعىنىڭ مەجەلەۋىنشە، گەوساياسي جاعدايداعى وزگەرىس ءالى دە قازىرگى حالىقارالىق مۇناي باعاسىنداعى تولقۋدى اسقىندىرىپ وتىرعان باستى فاكتور سانالادى.

كەلۋ قاينارى: حالىق تورابى