جەر – جەردە ەمدەلۋدى قامسىزداندىرۋ قورىن زاڭ – تۇزىمگە قايشى پايدالانۋ دەرەكتەرى اشىق تۇردە جينالدى 

حالىق گازەتىنىڭ ءتىلشىسى سۇن شيۋيان 4 – ايدىڭ 13 – كۇنى بەيجيڭنەن حابارلايدى. ءتىلشىنىڭ مەملەكەتتىك ەمدەلۋدى قامتاماسىزداندىرۋ مەڭگەرمەسىنەن ۇعىسۋىنشا: ەمدەلۋدى قامسىزداندىرۋ قورىن باسقارۋ جاعىنداعى كورنەكتى ماسەلەلەردى ىشكەرىلەي جونگە سالۋدى، بارشا جۇرتشىلىقتىڭ ەمدەلۋدى قامسىزداندىرۋ قورىن باقىلاۋ – باسقارۋعا قاتىناسۋ بەلسەندىلىگىن، ىرىقتىلىعىن تولىق قوزعاۋ ءۇشىن، بۇكىل ەلىمىزدىڭ جەر – جەرىندەگى ەمدەلۋدى قامتاماسىزداندىرۋ تاراۋلارى بىرىنەن سوڭ ءبىرى ۇقتىرۋ جاريالاپ، قوعامداعىلاردان ەمدەلۋدى قامسىزداندىرۋ قورىن زاڭ – تۇزىمگە قايشى پايدالانۋ ماسەلەسىنە قاتىستى دەرەكتەردى اشىق جيناپ، جۇرتشىلىقتىڭ اشكەرەلەۋىن جانە باقىلاۋىن قابىلدادى، اشكەرەلەگەن دەرەكتەردىڭ شىن ەكەنى تەكسەرىلىپ انىقتالعان جاعدايدا، بەلگىلەمە بويىنشا سيلىق بەرىلەدى، ەڭ جوعارى بولعاندا 200 مىڭ يۋان سيلىق بەرىلەدى.

مەملەكەتتىك ەمدەلۋدى قامتاماسىزداندىرۋ مەڭگەرمەسى، قازىنا مينيسترلىگى 2022 – جىلى جاريالاعان «ەمدەلۋدى قامسىزداندىرۋ قورىن زاڭ – تۇزىمگە قايشى تۇردە پايدالانۋ دەرەكتەرىن اشكەرەلەۋشىلەرگە سيلىق بەرۋ ءادىسى» بويىنشا، ەمدەلۋدى قامتاماسىزداندىرۋ ىستەرىن اكىمشىلىك جاقتان باسقارۋ تاراۋلارى سيلىق بەرۋ شارتىنا ۇيلەسەتىن اشكەرەلەۋشىلەرگە ىسكە قاتىستى دەلوعا ساياتىن قاراجات قۇنىنا ساي بەلگىلى سالىستىرما بويىنشا ءبىر رەتتىك سيلىق قاراجات بەرەدى، ەڭ كوپ بولعاندا 200 مىڭ يۋاننان اسپايدى، ەڭ از بولعاندا 200 يۋاننان كەم بولمايدى.

مەملەكەتتىك ەمدەلۋدى قامتاماسىزداندىرۋ مەڭگەرمەسىنىڭ قاتىستى جاۋاپتىسى مىنانى ءبىلدىردى: اشكەرەلەۋشىلەرگە سيلىق بەرۋ مەحانيزمى قوعامدىق كۇشتەردى ەمدەلۋدى قامسىزداندىرۋ قورىن باقىلاۋ – باسقارۋعا قاتىناسۋعا، ەمدەلۋدى قامسىزداندىرۋ قورىنىڭ حاۋىپسىزدىگىن قورعاۋعا اتتانىسقا كەلتىرۋدە بەلسەندى دە ماڭىزدى رول اتقاردى. قازىر، 31 ولكە (اۆتونوميالى رايون، توتە قاراستى قالا) مەن شينجياڭ ءوندىرىس – قۇرىلىس بيڭتۋانى اشكەرەلەۋشىلەرگە سيلىق بەرۋ مەحانيزمىن تۇگەلدەي قۇردى. بارشا جۇرتشىلىقتىڭ باقىلاۋ تانىمى بارعان سايىن جوعارىلاپ، ەمدەلۋدى قامسىزداندىرۋ قورىن باقىلاۋ – باسقارۋعا بەلسەندى قاتىناسۋدا، جەر – جەردە اشكەرەلەۋ سيلىعى بەرىلگەن ادام (رەت) سانى، سيلىق تاراتۋ سوماسى، زاڭ – تۇزىمگە قايشى پايدالانعان قاراجاتتى تەكسەرىپ ءبىرجاقتى ەتۋ سوماسى جىل سايىن ارتتى، قوعامدىق باقىلاۋدىڭ قامتاماسىزداندىرۋ قورىنان قاراجات الداپ الۋعا سوققى بەرۋ جاعىنداعى رولى بارعان سايىن كورنەكتىلەنە ءتۇستى. ساناققا قاراعاندا، 2025 – جىلى بۇكىل ەلىمىز بويىنشا اشكەرەلەۋشىلەرگە جيىنى ءبىر ميلليون 558 مىڭ يۋان سيلىق تاراتىلعان.

كەلۋ قاينارى: حالىق تورابى