شي جينپيڭ يسپانيانىڭ باس ءۋازىرى سانچەسپەن كەزدەستى

4 - ايدىڭ 14 - كۇنى تۇستەن بۇرىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن يسپانيانىڭ باس ءۋازىرى سانچەسپەن كەزدەستى.

سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

شينحۋا اگەنتتىگى، 4 - ايدىڭ 14 - كۇنى، بەيجيڭ (ءتىلشى ۋىن شين). 4 - ايدىڭ 14 - كۇنى تۇستەن بۇرىن مەملەكەت ءتوراعاسى شي جينپيڭ حالىق سارايىندا جۇڭگوعا رەسمي ساپارمەن كەلگەن يسپانيانىڭ باس ءۋازىرى سانچەسپەن كەزدەستى.

شي جينپيڭ بىلاي دەپ اتاپ كورسەتتى: حالىقارالىق جاعداي قىم - قۋىت وزگەرگەنىمەن، جۇڭگو مەن يسپانيانىڭ قارىم - قاتىناسى باستان - اياق ورنىقتى قاداممەن دامىپ، ستراتەگيالىق تۇراقتىلىققا يە جۇڭگو - يسپانيا قارىم - قاتىناسىن تۇلعالادى، مۇنداعى ماڭىزدى ءبىر تاجىريبە − ورتاق مۇددە نەگىزىندە دۇرىس شەشىم جاساۋ. اماليات سەلبەستىكتى تەرەڭدەتۋ ەكى ەل حالقىنىڭ مۇددەسىنە ۇيلەسەتىندىگىن، ءداۋىردىڭ دامۋ اۋقىمىنا ۇيلەسەتىندىگىن، ءبىر - ءبىرىنىڭ دەربەس، ءوز - وزىنە قوجايىن بولۋ جولىمەن ءجۇرۋ قۋاتى مەن جىگەرىن كۇشەيتكەندىگىن دالەلدەدى. ەكى جاق جۇڭگو - يسپانيا قارىم - قاتىناسىن دامىتۋدى باستان - اياق ءبىر - ءبىرىنىڭ سىرتقى ساياساتىنىڭ ماڭىزدى ورنىنا قويىپ، قارسى جاقتىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋىن ءوزارا قولداۋى كەرەك. جۇڭگو ۇزاق بولاشاقتىق ستراتەگيالىق نىسانا مەن كەزەڭدىك نىسانانى بىرلىككە كەلتىرىپ، بىرىنەن سوڭ ءبىرى ىستەۋ تاريحي توزىمدىلىگى ارقىلى 5 جىلدىق جوبانى ءۇرتىس جاسادى جانە اتقاردى. بىزدە جۇڭگو ۇلگىسىندەگى وسىزامانداندىرۋدى تاباندىلىقپەن ىلگەرىلەتۋ بەكىمى دە، جوعارى دەڭگەيدەگى سىرتقا ەسىك اشۋ ارقىلى دۇنيە جۇزىمەن دامۋ ورايىنان بىرگە يگىلىكتەنۋ پەيىلى دە بار، وزىندىك دامۋ ارقىلى دۇنيە ءجۇزى ەكونوميكاسىنىڭ ارتۋىنا سەنىم جانە قوزعاۋشى كۇش قوسامىز. ەكى جاق ورايدى يگەرىپ، جاڭالىق اشا دامۋدى بىرگە جوسپارلاپ، ساۋدا، جاڭا ەنەرگيا، زەردەلى ەكونوميكا سياقتى سالالارداعى سەلبەستىكتى كۇشەيتىپ، مادەنيەت، وقۋ - اعارتۋ، عىلمي زەرتتەۋ، دەنە تاربيە اۋىس - كۇيىسىنە دەم بەرىپ، ەكى ەلدىڭ جان - جاقتى ستراتەگيالىق سەرىكتەستىك قارىم - قاتىناسىنىڭ اناعۇرلىم كوپ جەتىستىكتەرگە قول جەتكىزۋىن ىلگەرىلەتىپ، ەكى ەل حالقىنا اناعۇرلىم كوپ ىرىس - قۇت جاراتۋى كەرەك.

شي جينپيڭ بىلاي دەپ باسا دارىپتەدى: بۇگىنگى دۇنيەدە بىلىقپالىق كوبەيىپ، اكسيوما مەن وكتەمدىكتىڭ بەلدەسۋىنە ءدوپ كەلىپ وتىر. حالىقارالىق زاڭ مەن حالىقارالىق تارتىپكە قالاي مامىلە جاساۋ ءبىر ەلدىڭ دۇنيەگە كوزقاراسىن، ءتارتىپ كوزقاراسىن، قۇن كوزقاراسىن جانە جاۋاپكەرشىلىك كوزقاراسىن بەينەلەيدى. جۇڭگو مەن يسپانيا _ پرينسيپتى، ءمورالدى ەلدەر، قارىم - قاتىناستى كۇشەيتىپ، ءوزارا سەنىمدىلىكتى بەكەمدەپ، تىعىز سەلبەسىپ، دۇنيە ءجۇزىنىڭ تاعىلىققا قايتۋىنا قارسى تۇرىپ، ناعىز كوپ جاقتىلىقتى بىرگە قورعاپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى قورعاپ، دۇنيە ءجۇزىنىڭ تەڭ، ءتارتىپتى كوپ ۇيەكتەنۋىن، ەكونوميكا جالپىعا ءتيىمدى، سيىسىمدى جاھاندانۋىن جۇزەگە اسىرۋدى ىلگەرىلەتۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك.

سانچەس مىنالاردى ءبىلدىردى: مەنىڭ 4 جىلدان بەرى جۇڭگوعا 4 رەت ساپارلاي كەلۋىم ەكى جاقتىڭ يسپانيا - جۇڭگو قارىم - قاتىناسىنا ايرىقشا ءمان بەرەتىندىگىن ايگىلەدى. جۇڭگو كاسىپورىندارىنىڭ يسپانياداعى قارجى قوسۋ سەلبەستىگى يسپانيا ەكونوميكاسىنىڭ دامۋىن پارمەندى جەبەدى. يسپانيا ءبىر جۇڭگو پرينسيبىنە تاباندى بولىپ، جۇڭگونىڭ ءىرى ەلدىك ورنىنا وسكەلەڭ ءمان بەرىپ، ستراتەگيالىق تۇراقتىلىققا يە يسپانيا - جۇڭگو سەرىكتەستىك قارىم - قاتىناسىن دامىتۋعا باتىل كۇش سالادى، ساۋدا، قارجى قوسۋ، جاڭا ەنەرگيا سياقتى سالالارداعى سەلبەستىكتى كۇشەيتىپ، گۋمانيتارلىق اۋىس - كۇيىستى جەبەۋدى ءۇمىت ەتەدى. كۇردەلى دە اۋىر حالىقارالىق جاعداي مەن ءجيى تۋىلاتىن قاقتىعىس، تالاس - تارتىس الدىندا، كوپ جاقتىلىققا تاباندى بولىپ، كوپ ۇيەكتى دۇنيە ءجۇزىن قۇرۋدى ىلگەرىلەتكەندە عانا، ادامزاتقا باياندى بەيبىتشىلىك سيلاۋعا بولادى. يسپانيا ءتوراعا شي جينپيڭ العا قويعان 4 ءىرى دۇنيە جۇزىلىك باستامانى بەلسەنە قولدايدى، جۇڭگو جاقپەن تىعىز بايلانىس جاساپ، سەلبەسىپ، حالىقارالىق وڭىرلىك ساياسي، ساۋدا قورعانىمپازدىعى، كليمات وزگەرىسى سياقتى جاقتارداعى سىن - سايىسقا بىرگە توتەپ بەرىپ، حالىقارالىق زاڭ مەن كوپ جاقتىلىقتى قورعاۋدى قالايدى. يسپانيا ”جاڭا قىرعي قاباقتىق سوعىسقا“ قارسى تۇرادى، ”الشاقتاۋعا، تىزبەكتى ۇزۋگە“ قارسى تۇرادى، ەۆروپا مەن جۇڭگونىڭ قارىم - قاتىناستى، ءتۇسىنىسۋدى كۇشەيتۋىن، سەلبەستىكتى كۇشەيتۋىن قولدايدى. ەۆروپا - جۇڭگو قارىم - قاتىناسىنىڭ اقاۋسىز دامۋى ەكى جاقتىڭ ورتاق مۇددەسىنە ۇيلەسەدى ءارى دۇنيە ءجۇزىنىڭ بەيبىتشىلىگى مەن ورنىقتىلىعىنا دا ءتيىمدى.

ۋاڭ ي كەزدەسۋدە بىرگە بولدى.

كەلۋ قاينارى: حالىق تورابى