قوعام حاۋىپسىزدىگى مينيسترلىگى تيپتىك دەلولاردى جاريالاپ، جەكەلىك ينفورماتسيانى قولدانۋعا قاتىستى ءجيى كەزدەسەتىن ءۇش ءتۇرلى قىلمىس ءتاسىلىن اشكەرەلەدى 

جۇڭگو اقپارات تورابى 6 - ايدىڭ 11 - كۇنى بەيجيڭنەن حابارلايدى. 6 - ايدىڭ 11 - كۇنى، قوعام حاۋىپسىزدىگى مينيسترلىگى ينتەرنەت حاۋىپسىزدىگى مەڭگەرمەسى ازاماتتاردىڭ جەكەلىك ينفورماتسياسىنا قول سۇعۋعا قاتىستى قىلمىستىق ىستەرگە ساياتىن تيپتىك دەلولاردى جاريالاپ، ءجيى كەزدەسەتىن 3 ءتۇرلى قىلمىس ءتاسىلىن اشكەرەلەدى.

ءبىرىنشى، جەكەلەردىڭ ءمان بەرمەۋى مەن ءبىر ىسكە اسىققان كەزدەگى كوڭىل - كۇيىنەن پايدالانۋ، مىسالى، ”قوسىمشا جۇمىسقا قابىلداۋ“ دەگەن سىلتاۋىمەن زيانكەستىككە ۇشىراۋشىنى ءوز ەركىمەن شىن اتى – ءجونى ارقىلى تىركەلۋگە، سەزىمتال ينفورماتسيانى تولتىرۋعا جەتەلەپ، وسىدان سوڭ بۇل ينفورماتسيالاردى باسقالارعا ساتۋ؛ ەكىنشى، ينفورماتسيانى ءبىرجاقتى ەتۋشىنىڭ حاۋىپسىزدىك جاعىنداعى جاۋاپكەرشىلىگىن ”اقساتۋى“، ءىشىنارا تەكشەلەر مەن كاسىپورىنداردىڭ ىشكى جاقتاعى باسقارۋى قاتاڭ بولماۋ سالدارىنان، ”ىشكى جاقتاعى تىڭشى“ نەمەسە تەحنيكالىق جاقتا ولقىلىق پايدا بولىپ، مول ساندى مالىمەتتىڭ ۇرلانۋىنا، باسقالارعا ساتىلۋىنا اكەلىپ سوقتىرۋ؛ ءۇشىنشى، ”دالمە - ءدال ۇگىتتەۋ“ اتىمەن زاڭسىز قول جەتكىزۋ، ءىشىنارا عىلىم - تەحنيكا سەرىكتەستىكتەرى قىزمەت وتەۋ كولەمىن كەڭەيتۋ، ساندى مالىمەتكە تالداۋ جاساۋ دەگەن جەلەۋمەن ازاماتتاردىڭ جەكەلىك ينفورماتسياسىن زاڭعا قايشى جينايدى جانە باسقالارمەن اۋىستىرادى.

وسى جونىندە، قوعام حاۋىپسىزدىگى مينيسترلىگى ينتەرنەت حاۋىپسىزدىگى مەڭگەرمەسى مىنانى ەسكەرتتى: ينفورماتسيانى ءبىرجاقتى ەتۋشىلەر زاڭدا بەلگىلەنگەن مىندەتتى قاتاڭ اتقارىپ، جەكەلىك ينفورماتسيانى قورعاۋ تۇزىمدىك ولشەمى مەن تەحنيكالىق شارالارىن كەمەلدەندىرىپ، ازاماتتاردىڭ جەكەلىك ينفورماتسياسىنىڭ حاۋىپسىزدىگىن قورعاۋى كەرەك؛ سونىمەن بىرگە، بارشا جۇرتشىلىق جەكەلىك ينفورماتسياسىن ۇيلەسىمدى باسقارۋى، ساقتاۋى جانە پايدالانۋى قاجەت، جەكەلىك ينفورماتسيانىڭ جاريا بولعاندىعى جونىندەگى دەرەكتەردى بايقاساڭىز، دەر كەزىندە قوعام حاۋىپسىزدىگى ورگاندارىنا جانە قاتىستى تاراۋلارعا ارىز - شاعىم بەرۋىڭىزگە جانە اشكەرەلەۋىڭىزگە، زاڭ قارۋىنان پايدالانىپ، ءوزىڭىزدىڭ ۇقىق – مۇددەڭىزدى قورعاۋىڭىزعا بولادى.

كەلۋ قاينارى: حالىق تورابى