ەكى تاراۋ اقىلعا سيىمسىز باسەكە جۇرگىزدى دەگەن كۇمانمەن اۆتوموبيل وندىرەتىن كاسىپورىنداردىڭ باسشىلارىن شاقىرىپ سويلەستى ءارى ولارعا ەسكەرتۋ بەردى 

جۇڭگو اقپارات تورابى 6 - ايدىڭ 11 - كۇنى حابارلايدى. ”ونەركاسىپ جانە ينفورماتسيالاندىرۋ اقپاراتتارى“ ۋيشين تەكشەسىنىڭ حابارلاۋىنشا، 6 - ايدىڭ 11 - كۇنى، ونەركاسىپ جانە ينفورماتسيالاندىرۋ مينيسترلىگى، بازار باقىلاۋ - باسقارۋ باس مەڭگەرمەسى اقىلعا سيىمسىز باسەكەلەسۋ ارەكەتى بار دەپ كۇماندانعان اۆتوموبيل وندىرەتىن كاسىپورىنداردىڭ جاۋاپتىلارىن شاقىرىپ سويلەسىپ، ولارعا ەسكەرتۋ بەرگەن. كاسىپورىنداردان «جۇڭحۋا حالىق رەسپۋبليكاسىنىڭ باعا زاڭى»، «ءونىمدى تومەن باعامەن ساتۋعا بەيىمدەلۋ ارەكەتىنە تيىم سالۋ جونىندەگى بەلگىلەمە» قاتارلى زاڭ - تۇزىمدەرگە قاتاڭ بويسۇنۋدى، «اۆتوموبيل سالاسىنداعى باعاعا قاتىستى ارەكەتتەردى ولشەمدەندىرۋ باعدارلاماسىنا» ساي، باعانى ولشەمدەندىرۋ قۇرىلىسىن كۇشەيتۋدى، ءونىم ساپاسىن باسقارۋ - مەڭگەرۋدى نىعايتۋدى، تۇتىنۋشىلاردىڭ زاڭدى ۇقىق - مۇددەسىن شىنايى قورعاۋدى، ساپاسى جاقسى، باعاسى ۇيلەسىمدى، ءادىل باسەكەلى بازار ءتارتىبىن بىرگە قورعاۋدى تالاپ ەتتى.

كەلۋ قاينارى: حالىق تورابى