شيۇڭ - اننىڭ كوركەم بولاشاعىن بىرگە جاراتايىق

ادام قالاعا قاراي جينالادى، قالا ادامعا قاراي كوركەيەدى.

”ءبىر بولەك جەردەن“، ”ءبىر كارتادان“ ”بىر قالاعا“ دەيىن، ونان جاڭا داۋىردەگى جاڭالىق اشۋ بيىگىن جانە جوعارى ساپالى دامۋدى ىلگەرىلەتۋ ۇلگىسىن قۇلشىنا قۇرۋعا دەيىن، كوركەيىپ كەلە جاتقان حىبەي شيۇڭ - ان جاڭا رايونى جالىندى دا جىگەرلى شيۇڭ - اندىقتاردىڭ جىگەرىن تاسقىنداتتى.

بيىل 3 - ايدىڭ 23 - كۇنى باس شۋجي شي جينپيڭ شيۇڭ - ان جاڭا رايونىنا كەلىپ قىزمەت تەكسەرىپ، شيۇڭ - ان جاڭا رايونىنا ىرگە تەپكەن جانە سالىنىپ جاتقان سەيىلتۋ ورىندارىنداعى كادرلاردىڭ، جۇمىسشى - قىزمەتكەرلەردىڭ ۋاكىلدەرىمەن ىقىلاستى اڭگىمەلەسىپ، كوپشىلىكتىڭ قىزمەت، تۇرمىس جاعدايىن ۇعىسىپ، كوپشىلىكتىڭ جاڭا رايون قۇرىلىسىنىڭ دامۋى ءۇشىن كورسەتكەن قۇلشىنىستارىن تۇراقتاندىردى.

”كوپشىلىك شيۇڭ - اندىق ەكەنىن ماقتانىش ەتىپ، اتويلاپ الدا ءجۇرىپ، تەز، ورنىقتى قاداممەن ءىس تىندىرىپ، شارۋاشىلىق قۇرىپ، شيۇڭ - اننىڭ كوركەم بولاشاعىن بىرگە جاراتۋى كەرەك“.

شىن ىقىلاستى ءسوز ءالى دە قۇلاق تۇبىندە جاڭعىرىپ تۇر. بورىشتى ارقالاعان شيۇڭ - اندىقتار نىق قاداممەن العا باستى.

6 - ايدىڭ 12 - كۇنى تۇستەن بۇرىن ساعات 8 دە شيۇڭ - ان جاڭا رايونىنداعى جۇڭگۋانسۇن عىلىم - تەحنيكا باقشاسىندا يانشىن عىلىم - تەحنيكاسى شيۇڭ - ان ىستەرى ءبولىمى باس ديرەكتورىنىڭ ورىنباسارى ۋىڭ جۇن - ۋ ەستەلىك كومپيۋتەرىن قولىنا الىپ، شيۇڭ - ان قالاسىنىڭ ەسەپتەۋ ورتالىعىنا توتە بارىپ، ”ليڭۋا“ جاساندى زەردە جاتتىعۋ تۇعىرى جۇيەسىنىڭ دارەجەسىن جوعارىلاتۋ قىزمەتىن سايكەستىردى.

”تۇعىر ءتۇرلى جاساندى زەردەنى پارىقتاۋ الگوريتمىن تەز ارادا قالىپتاستىرىپ، شيۇڭ - اننىڭ سەزىنۋگە، بىلۋگە بولاتىن ’بولاشاق قالا‘ قۇرۋىنا دەم بەرەدى“. ۋىڭ جۇن - ۋ بىلاي دەدى: يانشىن عىلىم - تەحنيكاسى _ تۇڭعىش باس شتابى شيۇڭ - انعا ىرگە تەپكەن جاساندى زەردە كاسىپورنى، 2018 - جىلى مەن وسى اراعا كەلىپ، ”شيۇڭ - ان جاڭا رايونىمەن بىرگە ەسەيىپ - ەرجەتتىم“.

العاشىندا ”ءبىر قاراپ ادامدى“ تانىدى، كەيىن كەلە ”ءبىر قاراپ زاتتى“ تانىدى، قازىر ”ءبىر قاراپ دەنساۋلىقتى“ بىلەتىن بولدى.”ءار جىلى جاڭا تەحنيكالىق جاڭالىقتار بولىپ، جاڭا قولدانىستارعا پايدالانىلادى“. وسى قۇتتى مەكەنگە تامىر تارتقان ۋىڭ جۇن - ۋ سەرىكتەستىكتىڭ كوپ مودۋلدى پارىقتاۋ تەحنيكاسى دامۋىنىڭ قادام سايىن تەرەڭدەۋىنە كۋا بولدى، سونداي - اق جاڭا رايون دامۋىنىڭ كۇن سايىن جاڭالانۋىنا كۋا بولدى، سەرىكتەستىكتىڭ قىزمەت ورنى 4 قابات شاعىن عيماراتتان نەگىزگى تاقىرىپتىق عيماراتقا كوشىپ كىرىپ، كاسىپ سالاسى قورىنىڭ سۇيەمەلدەۋى، كاسىپورىن تەحنيكا ورتالىعىن تۇراقتاندىرۋ سياقتى ساياساتتاردىڭ پايداسىنان يگىلىكتەندى.

”شيۇڭ - اندا كەمەلدى ساياساتتىق قولداۋ ءىس تىندىرىپ، شارۋاشىلىق قۇرۋعا ءتىپتى دە زور ءۇمىت باعىشتادى، جان - جاقتى سەيىلتۋ قىزمەت وتەۋى ىرگە تەبۋدىڭ تاۋەلدىلىك سەزىمىن الا كەلدى“. ۋىڭ جۇن - ۋدىڭ وتباسىنداعى 3 جان سەيىلتۋ قامتاماسىزدىعى ۇيىندە تۇرادى، ءۇيدىڭ تەرەزەلەرى تاپ - تازا، قوناق ءۇيدىڭ تەرەزەلەرى ”التىن قامىس“ ۇلگىسىندە سالىنعان جۇڭگو جۇڭحۋا سارايىنا قاراپ تۇر. بىرنەشە جىلدان بەرى ”التىن قامىس“ بىرتىندەپ ەڭسە كوتەرىپ، قابات سايىن جارقىراپ كەلەدى.

”التىن قامىستىڭ“ شىراق نۇرىندا جۋ باۋجۇيگە ”ءتان“ دەگەن شام بار.

جۇڭگو جۇڭحۋا عيماراتىنىڭ 24 - قاباتىنداعى عىلىم - تەحنيكادا جاڭالىق اشۋ ءبولىمىنىڭ كەڭسەسىندەگى قىزمەتكەر جۋ باۋجۇي سۋىرماسىنان ەستەلىك داپتەرىن الىپ شىعىپ، سول كۇنگى قىزمەت ورنالاستىرۋىن ەستەلىككە الدى: جاڭا ونىمدەردى زەرتتەپ اشۋعا قاتىستى ءتۇيىندى قىزمەتتەر جونىندە بايلانىس جاساۋ، بىرنەشە ءىرى ءتۇيىندى عىلمي زەرتتەۋ نىساندارى مەن جاڭالىق اشۋ جەتىستىكتەرىن ەستەلىككە الۋ... ”ۇيدەن كەڭسەگە دەيىن نەبارى 10 مينۋت ۋاقىت كەتەدى، بەيجيڭدە تۇرعان كەزدەگىمەن سالىستىرعاندا، ءبىر جولدا جۇمىسقا شىعۋ ۋاقىتى جارىم ساعات قىسقاردى“. ورتالىق كاسىپورىندارىنان تۇڭعىش توپتا سەيىلتىلگەن قىزمەتكەر رەتىندە جۋ باۋجۇي بىلاي دەدى: ”جالپىلىق جۇمىستىڭ ۋاقىت وزىندىك قۇنى اناعۇرلىم تومەندەدى، قىزمەت تەبىنى دە اناعۇرلىم جوعارىلادى“.

”’جول باستاۋشى اتويشى‘ رەتىندە، ءبىز داڭققا بولەنۋمەن بىرگە، اۋىر مىندەت ارقالاپ وتىرعانىمىزدى ءتىپتى دە تەرەڭ سەزىندىك“. قىزمەتتەن سىرتقى ۋاقىتتا، جۋ باۋجۇي شيۇڭ - ان كىتاپحاناسى سياقتى كىتاپ پەن عىلىم - تەحنيكا توعىسقان قالا مادەنيەت بەلگىسىنە ۇنەمى بارىپ، قىزمەتكە قاتىستى كىتاپتاردى الىپ وقيدى، ول ”ۇزاق بولاشاقتى تياناق ەتىپ، ءوزىن ۇزدىكسىز الۋەتتەندىرىپ، جاڭا رايون قۇرىلىسىنا اناعۇرلىم ويداعىداي ات سالىستى“.

جۋ باۋجۇيدىڭ ۇلى بەيجيڭ 4 - ورتا مەكتەبىنىڭ شيۇڭ - ان مەكتەپ رايونىندا وقيدى. كلاس جەتەكشىسى چىن يان حانىم حالىقارالىق قاتىناس شۋەيۋاننىان وقۋ بىتىرگەن، بىلتىر شيۇڭ - انعا كەلىپ تامىر تارتقان. ”بۇرىن ءوزىمدى حىناننىڭ پيڭديڭشان دەگەن جەرىنىڭ ادامى دەپ ۇنەمى ايتاتىنمىن، قازىر شيۇڭ - اندىق بولدىم!“ دەدى ول. شيۇڭ - انعا كەلۋدى تاڭداۋ _ چىن يان حانىمنىڭ ءوز شەشىمى، ول تاعى: ”بولاشاق قالا قۇرىلىسىنا قاتىناسقانىمدى توتەنشە ماقتانىش سەزىنەمىن“ دەدى.

چىن يان حانىم ساباق دايىنداۋ، وقىتۋشىلارمەن بىرگە زەرتتەۋ - تالقى جۇرگىزۋ، وقۋشىلارمەن پىكىر اۋىستىرۋ سياقتى جۇمىستارمەن قاربالاس بولادى. وسى وقۋ ماۋسىمىندا ول تاعى ”ەلىكتەمەلى بىرلەسكەن مەملەكەتتەر ۇيىمى“ تاڭداۋ ساباعىن اشىپ، بالالاردىڭ حالىقارالىق كوز اياسىن كەڭەيتتى، ”ءبىز تاربيەلەگەن ۇرپاقتار دۇنيە جۇزىنە، بولاشاققا بەت الۋى كەرەك“ دەدى ول.

”شيۇڭ - اننىڭ كۇن سايىن جاڭارۋى مەنىڭ ويلاعانىمنان دا اسىپ ءتۇستى! ءىسساپاردان ءبىر اپتادا قايتىپ كەلسەم، سىرتتاعى كورىنىستە تىڭ وزگەرىس بولىپتى. انا عيمارات تاعى دا بيىكتەپ، جانىنداعى جول دا اشىلىپتى“ دەدى جۋ باۋجۇي.

”مىڭ جىلدىق ۇلى جوسپاردى، مەملەكەتتىڭ ءىرى ءىسىن“ ارقالاعان وسىناۋ كەڭ ورىستە شيۇڭ - اندىقتار ءوز الدەرىنە قاراي بىرىككەن كۇش ۇيىستىرىپ، جاڭا قالا دامۋىنىڭ گۇلدەنىپ - كوركەيۋىنە كۋا بولدى.

”كوپشىلىك جەر - جەردەن كەلىپ، وسى ارادا باس قوسىپ شايقاس جۇرگىزدى“. جۇڭگو شىڭكۇڭ ينفورماتسيا توبى شەكتى سەرىكتەستىگى جۇمىس جۇرگىزۋ، تاسىمالداۋ، قورعاۋ ورتالىعىنىڭ كاسىپتىك مەڭگەرۋشىسى مىڭ ليڭسۇڭ سومكاسىن اسىنىپ، رۇڭچىڭ اۋدانى لياڭماتاي قالاشىعىنداعى شيۇڭ - ان جەر بەتى پۋنكتىنە بارىپ، توراپتىڭ دارەجەسىن جوعارىلاتۋ جاعدايىن تەكسەرمەكشى بولدى.

بەيدوۋ قىزمەت وتەۋ توبىنىڭ ءبىر مۇشەسى رەتىندە وسى ەكى جىلدا مىڭ ليڭسۇڭ بەيدوۋ جاساندى سەرىك قىزمەت وتەۋىنىڭ بۇقارانىڭ تۇرمىسىنا جەدەل قادام تاستاعانىن تەرەڭ سەزىندى. بيىل 2 - ايدا جۇڭگو شىكۇڭ اينالىس ساۋداگەرلەرىمەن قول ۇستاسىپ، بەيدوۋ كەلتە حات قىزمەت وتەۋىن العا قويدى.

جەر بەتى حابارلاسۋىنا دەن قويۋدان جاساندى سەرىك حابارلاسۋىنا ات سالىسۋعا دەيىن، شيۇڭ - ان جاڭا رايونىنىڭ قۇرىلۋى، جۇڭگو شىكۇڭ توبىنىڭ قۇرىلۋى مىڭ ليڭسۇڭعا اناعۇرلىم كەڭ ساحنا سيلادى، ول: ” شيۇڭ - ان جاڭا رايونى قۇرىلىسىنا تىكەلەي ات سالىسۋ _ مەنىڭ ماقتانىشىم“ دەدى.

ءبىر قالا، ءبىر توپ ادام، ءبىر نيەت، ءبىر تىلەك، ءبىر ءىس. جۇلدىزدى اسپاندى بەتكە الىپ، نىق قادام تاستاپ، جالىندى دا جىگەرلى شيۇڭ - اندىقتار الدا جۇرەتىن ارىنمەن، تەز، ورنىقتى قاداممەن ”بولاشاق قالاعا“ قاراي ارشىندى قاداممەن العا باستى.