دامىپ جاتقان جۇڭگو | ونەركاسىپتىك ”ءبي كۇيى“ شەرتىلدى 

ءوندىرىس لەنياسى تارتىپپەن جۇمىس ورىستەتۋدە. حالىق تورابىنىڭ ءتىلشىسى مياۋ زىجيان فوتوسى

ۋحۋ قالاسى يجياڭ رايونى چيرۇي ساۋدالىق اۆتوموبيلى سەرىكتەستىگىمەن بىرلەسىپ قۇرعان اۋىر تيپتى جۇك اۆتوموبيلىن ءوندىرۋ سەحنا كىرسەڭىز، كوزىڭىزگە كورىنىستەر تۇسۋدەن بۇرىن، ەڭ الدىمەن ەستىلگەن داۋىستارعا نازارىڭىزدى اۋداراسىز.

اۋا تولتىرىلعان كۇلىشتىڭ تىقىلداعان داۋىسى، جەل مىلتىقتىڭ ىسقىرعان داۋىسى، اۆتوموبيلدىڭ تاعانىن جاسايتىن مەحانيزمنىڭ جۇمىس ورنىن اۋىستىرعانداعى تاقىلداعان ءۇنى ... وسىنىڭ بارلىعى قوسىلىپ، ەرەكشە ءبىر ونەركاسىپتىك ”ءبي كۇيىن“ قۇرايدى.

جالپى قۇراستىرۋ لەنياسى العا قاراي جىلجۋدا، وتە باياۋ بولعانىمەن، ءبىر ءسات تە توقتامايدى.

ءبىر ساتى العا جىلجىعان سايىن، دايىن اۆتوموبيلدىڭ لەنيادان تۇسىرىلۋىنە تاعى ءبىر قادام جاقىنداي تۇسكەنىن بىلدىرەدى. بۇل ارادا بارلىق ادام نازارىن ءبىر ارناعا شوعىرلاندىرادى، تەك قانا قۇرالداردىڭ ريتىمدى داۋىسى، زاتتاردىڭ سوعىلعان كەزدەگى داۋىسى جانە اندا – مۇندا تىلدەسكىدەن جەتكەن كەلتە بۇيرىقتار عانا ەستىلەدى.

ءوندىرىس لەنياسى بار قارقىنمەن جۇمىس ىستەۋدە، جۇمىس ورىندارى قاربالاس بولعانىمەن جۇمىس ءتارتىپتى ىستەلۋدە. سۋاركالاۋدان تارتىپ سىرلاۋعا دەيىن، اۆتوموبيلدىڭ قاڭقاسىنان تارتىپ ونى جالپى قۇراستىرعانعا دەيىن، بىرلەسىپ وندىرىلگەن اۋىر تيپتى جۇك اۆتوموبيلىن ءوندىرۋ لەنياسى جوعارى ونىمدىلىكپەن ءتارتىپتى جۇمىس اتقارادى، قازىر ءار كۇنى اۋىر تيپتى جۇك اۆتوموبيلىنەن 80 – 120 اۆتوموبيلدى دايىنداي الادى.

ءوندىرىس مولشەرى ارتقان سايىن، ساپانى باقىلاۋ ءتىپتى دە قاتاڭداتىلادى.

سەحتاعى ساقا شەبەر: ”جۇمىس بارىسىنداعى تەكسەرۋدەن تارتىپ دايىن اۆتوموبيلدى سىناقتان وتكىزۋگە دەيىن، ءاربىر تۇيىنگە سايكەستى ساپا باقىلاۋ قىزمەتكەرلەرى ورنالاستىرىلعان. ءوندىرىس لەنياسىنان تۇسىرىلگەن ءاربىر اۋىر تيپتى جۇك اۆتوموبيلى تۇگەلدەي سىناقتان سۇرىنبەي وتەدى“، - دەدى.

ءوندىرىستىڭ الدىڭعى شەبىندەگى وسىنداي قاتاڭ ستيل — ءدال چيرۇيدىڭ كاسىپورىن مادەنيەتىنىڭ جالعاسى: قاجىرلىلىقپەن شارۋاشىلىق قۇرۋ، بارلىق قىزمەتكەر قۇلشىنا كۇش سالۋ“.

ۋحۋ جالپىلىق قۇراستىرۋ سەحندا گۇرىلدەتىپ لەنيادان تۇسىرىلگەننەن تارتىپ، بۇكىل ەلىمىزدەگى تاس جولداردا قۇيعىتىپ ساپارعا شىققانعا دەيىن، بىرلەسىپ وندىرىلگەن اۋىر تيپتى جۇك اۆتوموبيلى ەرەكشە ماشاقاتتى ءبىر جەڭۋ جولىن باسىپ ٴوتتى. اۆتوموبيل ءوندىرىس لەنياسىنان تۇسكەن سول ءبىر ءسات، تەك اڭگىمەنىڭ بەتاشارى عانا بولادى؛ ءاربىر اۆتوموبيل ءوندىرىلىپ بولىپ تاپسىرىلىپ، مىڭداعان شاقىرىمدىق ساپارلارعا شىققان ساتتە، بۇل اڭگىمەنىڭ سوڭى قاراپايىم بولمايتىنى داۋسىز.

چيرۇي ساۋدالىق اۆتوموبيلى كولىكتىك اۆتوموبيل كاسىبىمەن يىق تەڭەستىرەتىن تاعى ءبىر ءجۇز ميللياردتىق دەڭگەيدەگى كاسىپ سالاسىن قۇرۋدى ماقسات ەتىپ، جاڭا ەنەرگيالى اۆتوموبيلدىڭ تيپىندە بۇرىلىس جاساۋدىڭ ورايىن مىقتى يگەردى، اۋىر تيپتى جۇك اۆتوموبيلى، پيكاپ، جەڭىل تيپتى جۇك اۆتوموبيلى قاتارلىلاردىڭ ساتىلىم مولشەرى كۇرت جوعارىلادى.

جۋىردا عانا اياقتاعان 5 - ايدا، چيرۇي ساۋدالىق اۆتوموبيلىنىڭ ءبىر ايداعى ساتىلىم مولشەرى 10009 اۆتوموبيل بولىپ، ءبىر جىل بۇرىنعى وسى مەزگىلدەگىدەن %41 ارتقان. مۇنىڭ ىشىندە، اۋىر تيپتى جۇك اۆتوموبيلىنىڭ ارتۋ مولشەرى %255 بولىپ، ۇزدىكسىز 17 اي بويى ءبىر جىل بۇرىنعى سول مەزگىلدەگىدەن %100 استام ارتىپ، كاسىپتىك سالاداعى ساتىلىم مولشەرى مەن جۇرتتىڭ جاقسى باعاسىنا يە بولۋ مولشەرى بىردەي ارتقان ساناۋلى ۇلگىلى كاسىپورىنداردىڭ بىرىنە اينالدى. (ۋاڭ رۇيحۋا، مياۋ زىجيان، جاڭ جۇن)

بىرلەسىپ وندىرىلەتىن اۋىر تيپتى جۇك اۆتوموبيلى ءوندىرىس بازاسىنىڭ اۋەدەن تۇسىرىلگەن سۋرەتى. حالىق تورابىنىڭ ءتىلشىسى جاڭ جۇن فوتوسى

اۆتوموبيلدىڭ وتىرعىسىن قۇراستىرۋ. حالىق تورابىنىڭ ءتىلشىسى مياۋ زىجيان فوتوسى

ادام مەن روبوتتى سايكەستىرۋ ارقىلى ءوندىرىس ونىمدىلىگىن ارتتىردى. حالىق تورابىنىڭ ءتىلشىسى مياۋ زىجيان فوتوسى

بىرلەسىپ وندىرىلگەن اۋىر تيپتى جۇك اۆتوموبيلىن جالپىلىق قۇراستىرۋ لەنياسىنىڭ ءبىر بولىگى. حالىق تورابىنىڭ ءتىلشىسى جاڭ جۇن فوتوسى

بەنتتەردى قاتتى بۇراۋ. حالىق تورابىنىڭ ءتىلشىسى مياۋ زىجيان فوتوسى

لەنيادان ءتۇسىرىلۋ الدىندا تۇرعان بىرلەسىپ وندىرىلگەن اۋىر تيپتى جۇك اۆتوموبيلى. حالىق تورابىنىڭ ءتىلشىسى مياۋ زىجيان فوتوسى

ءوندىرىس لەنياسىنان تۇسىرىلگەن بىرلەسىپ وندىرىلگەن اۋىر تيپتى جۇك اۆتوموبيلى. حالىق تورابىنىڭ ءتىلشىسى مياۋ زىجيان تۇسىرگەن

كەلۋ قاينارى: حالىق تورابى