شينجياڭ جوعارى تەمپەراتۋرانىڭ سارى ءتۇستى ساقتىق سيگنالىن جاريالادى

شينجياڭ ۇيعۇر اۆتونوميالى رايوندىق اۋا رايى ستانسياسى 6 - ايدىڭ 14 - كۇنى ساعات 12 دەن 5 مينۋت وتكەندە جوعارى تەمپەراتۋرادان ساقتانۋدىڭ سارى ءتۇستى ساقتىق سيگنالىن جاريالادى:

مەجەمەن 6 - ايدىڭ 14 - كۇنى كۇندىزدەن 6 - ايدىڭ 20 - كۇنى كۇندىزگە دەيىن (شىعىس شينجياڭدا 6 - ايدىڭ 21 - كۇنىنە دەيىن)، وڭتۇستىك شينجياڭ ويپاتى، شىعىس شينجياڭنىڭ جازىق رايوندارىنىڭ كوپ ءبولىمى جانە تيانشاننىڭ سولتۇستىك بوكتەرىندەگى ءبىر ءبولىم رايونداردا 35 گرادۋستان اساتىن جوعارى تەمپەراتۋرا جارىققا شىعادى، مۇنىڭ ىشىندە بۇراتالا وبلىسىنىڭ شىعىس بولەگى، قارامايلى قالاسى، شىحىزى قالاسى، ءۇرىمجى قالاسىنىڭ سولتۇستىك بولەگى، سانجى وبلىسى، اقسۋ ايماعى، بايىنعولىن وبلىسى، تۇرپان قالاسى، قۇمىل قالاسى قاتارلى جەرلەردىڭ ءىشىنارا وڭىرلەرىنىڭ ەڭ جوعارى تەمپەراتۋراسى 37 سەلتسي گرادۋستان اسادى، قارامايلى قالاسى، تۇرپان قالاسى، قۇمىل قالاسى قاتارلى جەرلەردىڭ ءىشىنارا وڭىرلەرىنىڭ ەڭ جوعارى تەمپەراتۋراسى 40 سەلتسي گرادۋستان اسادى، تۇرپان قالاسىنىڭ، قۇمىل قالاسىنىڭ ءىشىنارا جەرلەرىنىڭ تەمپەراتۋراسى 45 سەلتسي گرادۋسقا جەتەدى. ىستىقتان ساقتانىپ، تەمپەراتۋرانى تومەندەتۋگە جانە وتتان حاۋىپسىز پايدالانۋعا كوڭىل بولىڭىزدەر.

كەلۋ قاينارى:حالىق تورابى