ا ق ش مەن يران كەلىسىم جاساسقاندىعىن راستادى، حالىقارادا مۇناي باعاسى كورنەكتى تومەندەدى 

ا ق ش مەن يران كەلىسىم جاساسقاندىعىن راستاعاندىعى جانە حورمۇز بۇعازىنىڭ جۋىردا قايتا اشىلاتىندىعى جونىندەگى مەجەگە ساي، حالىقارالىق بازاردا تابيعي مۇنايدىڭ كەسىكتى باعاسى 6 - ايدىڭ 14 - كۇنى جاڭا اپتالىق ساۋدا باستالعاننان كەيىن كورنەكتى تومەندەگەن.

ا ق ش - نىڭ شىعىس بولىك ۋاقىتى بويىنشا 6 - ايدىڭ 14 - كۇنى تۇستەن كەيىن ساعات 6 دان 15 مينۋت وتكەندە، نيۋ - يورك تاۋار بيرجاسىندا 7 - ايدا تاپسىرىلاتىن جەڭىل قۇرامدى تابيعي مۇنايدىڭ ءار باررەلىنىڭ كەسىكتى باعاسى ەڭ تومەن بولعاندا 80.25 ا ق ش دوللارىنا دەيىن تومەندەپ، تومەندەۋ مولشەرى %%5.45 كە جەتكەن؛ 8 - ايدا تاپسىرىلاتىن لوندون برەنت مۇنايىنىڭ ءار باررەلىنىڭ كەسىكتى باعاسى ءبىر مەزەت 83.51 ا ق ش دوللارىنا دەيىن تومەندەپ، تومەندەۋ كولەمى %4.37 بولعان.

پاكيستاننىڭ زۇڭليى شاحباز جەرگىلىكتى ۋاقىت بويىنشا 6 - ايدىڭ 15 - كۇنى الەۋمەتتىك مەديا ارقىلى حات جاريالاپ، ا ق ش مەن يراننىڭ بەيبىتشىلىك جونىندە كەلىسىمگە كەلگەندىگىن ايتقان. وسىدان سوڭ، ا ق ش جانە يران جاق بۇل حاباردى راستاعان.

ا ق ش زۇڭتۇڭى ترامپ 6 – ايدىڭ 14 - كۇنى الەۋمەتتىك مەديا ارقىلى ءسوز جاريالاپ، ا ق ش مەن يراننىڭ كەلىسىمىنىڭ ”قازىر ورىندالعانىن“ ايتقان. ا ق ش مەن يران اراسىنداعى كەلىسىمگە 6 - ايدىڭ 19 - كۇنى قول قويىلعاننان كەيىن، مينالاردى تازالاۋ جۇمىسىن جۇرگىزۋ ءۇشىن حورمۇز بۇعازى قايتادان اشىلادى.

يراننىڭ ەڭ جوعارى مەملەكەتتىك حاۋىپسىزدىك كوميتەتى جەرگىلىكتى ۋاقىت بويىنشا 6 - ايدىڭ 15 - كۇنى تاڭ سارىدە مالىمدەمە جاريالاپ، يران مەن ا ق ش – نىڭ سوعىس توقتاتۋى جونىندەگى تۇسىنىستىك ەسكەرتپەسى تۋرالى ورتاق پىكىرگە كەلگەندىگىن رەسمي تۇراقتاندىرعان.

ا ق ش مەن يزرايل 2 - ايدىڭ اياق شەنىندە يرانعا اسكەري سوققى بەرگەننەن بەرى، حورمۇز بۇعازىنداعى تاسىمال كەدەرگىگە ۇشىراپ، مۇناي بازارىنداعى قامداۋ مولشەرى زور دارەجەدە ازايىپ، حالىقارادا مۇناي باعاسى كۇرت قىمباتتاعان بولاتىن.

كەلۋ قاينارى: حالىق تورابى